زين العابدين (باللهجة العراقية)

الفصل السادس عشر

❣️❣️❣️❣️❣️❣️

في مدينتنا

لماذا .. في مدينتنا
نعيشُ الحبَّ تهريباً .. وتزويراً
.. ونسرقُ من شقوقِ الباب موعدنا
.. ونستعطي الرسائل
.. والمشاويرا
لماذا في مدينتنا
... يصيدون العواطفَ والعصافيرا
لماذا نحن قصدير
.. وما يبقى من الانسان
حين يصيرُ قصديرا
لماذا نحن مزدوجونَ
إحساساً .. وتفكيرا
.. لماذا نحن أرضيُّونَ
.. تَحْتيّونَ
نخشى الشمسَ والنورا

*نزار قباني

❣️❣️❣️❣️❣️❣️

گعد زين من وكت و طلع يلعب رياضة حوالي نص ساعة و رجع أخذ شور سريع و لبس قميص خفيف باللون الازرق يتبين عضلاته وبنطلون اسود

سرح شعره الاشقر الطويل وربط نصه برابطه مطاطية
وخله الباقي على يسري رقبته اللي يزينهه الوشم و القلاده الفضية الخفيفة .. رش من عطره الفرنسي بكثرة وهو يبتسم

باوع ل إنعكاس صورته بالمراية وگال بعد ما غمز كالعادة : اليوم إله ادوخهه و اخبلهه لسارة..

ابتسم بجاذبية و هو يطلع من الغرفة
نزل للصالة و شاف كاميليا و فرح يتريگون فگال..

: صباح الورد والياسمين..

استغربت كاميليا منه و ابتسمت : زين.. هذه انته

فرح : صباح الخير

گعد زين و صبتله الخدامة الچاي : اي هذه اني مثل متشوفون..

ضحكت امه و گالت : طالع احلى من العسل

ابتسم زين وهو يأخذ الخبز : تسلمين يا الورد كله

....

دخلت راي للمطبخ تلهث وعلى وجهه ابتسامة.. استغربت سارة والبقية منهه فگالت صبا

: شبيچ ليش شكلچ هيچ ، صار شي برى

ابتسمت راي وهيه تومأ بنعم..

تحمست جنى و سارة فگالن بنفس الوقت : شنوووو

راي: شفت استاذ زين و شكله خرافي

قلبت سارة عيونهه وراحت تكمل شغلهه اما صبا و جنى صارت حالتهم مثل راي واكثر

جنى: شلابس اليوم گولي

راي: من شعره ل لبسه يجنن، لابس قميص مو طبيعي بلون عيونه و كل عضلاته مبينه منه و الوشم و...
قطع كلامهه سارة اللي صاحت : كــــــافي
التفتن البنات بإستغراب فكملت سارة وهيه تباوع إلهن