مكابرون في العشق🔞🔞🔞🔞

2

مروة.....مرت هاي الفترة وبدت امتحانات نصف السنة امتحنة والحمدلله جاوبت ضلينة بالبيت اول يوم كملت امتحان يعني رجعت للبيت وكبل نمت للستة بالليل اني نايمة لحد ما اجت مريم تكعدني تكلي

مريم......مروة امي وخالو يصيحولج اكعدي
يلة دنية المغرب مو زين تنامين

مروة.....أي هسة كايمة علة كيفج صرعتيني شبيج

مريم.....أي ديلة لعد كومي مو ترجعين تنامين

مروة.....لا ما انام كايمة
.....طلعت مروة وإني ضليت بالفراش تدرون اول منكعد نضل صافين شوية كأنما نسوي إعادة تحميل الملفات😂😂😂
وأول ملف اجة براسي يسار😂 اذكرتة غمضت عيوني وإني أذكر ملامحة
عيونة البنية المكحلة من الله 👀
طولة ولحيتة المحددة شواربة الي محاوطات شفايفة😍 صدرة اللي يعجبني انام علية عطرة اللي لو مر اضل استنشق بي لحد ما املي صدري منة اوووف يا عطرة شكد أحبة
كعدني من شرودي وتأملي بيسار كفخة مريم علة راسي😨😂😂

مريم....لج مو كتلج كومي اشو رجعتي نمتي....بصوت عالي شوية مو هواي عالي😅

مروة....أي أي والله كاعدة هسة اكوم
....كمت بسرعة لأن ادري بمريم راح اتضل تلج فوك راسي لحد ما تشوفني كمت
عاد رحت غسلت وجهي وطلعت رحت يمهم كعدت يم الصوبة جان بوقتهة نهاية شهر ال 1
وموت برد

احمد (الخال)....صح النوم بنيتي كملتوا امتحانات مو بابة

سهاد(مرت الخال) بحقد....أي نايمات المسعدات واكو من يخدمهن

احمد.....سهاااد شنو هل الحجي بعديين احنة مو اتفقنة حاليا مطالبين بشغل
كتلج عدهم امتحانات افتهمي يامرة خل يكملون وهمة وياج ويمج مو بعيدين

مروة.....طبعا مرت خالي دائما هيج تذب سمهة وتسكت وخالي يكسر ويجبر
لا يكدر ينطي بينة ولا يكدر ينطي بيهة يخرب بيتة فمضطرين نسمع كلامهة ومنرد مدام خالي يدافعلنة وهية بس تتأفف وتكلب عيونهة وتعوج حلكهة
عاد حجة خالي وهوة يغير جوو

الخال....شنو رأيكم بمناسبة كملتوا امتحانات اجيبلكم عشة جاهز وباجر نطلع نفتر

مروة والكل......اييي والله ياريت
ايي
مروة....طلع خالو خطية بالبرد راح جابلنة كلمن حسب طلبة وكعدنة ناكل بالبيت يم الصوبة ناس كاهي وناس كباب وناس همبرغر كلمن شنو مشتهي جابلة
كمل اليوم عادي بين الفرحة لأن خلصنة امتحانات وبين الفرحة مال الطلعة مال باجر وبين فرحتي لأن راح نروح لعمي بالناصرية واشوف يسار 😍 اووف شكد مشتاقة بس مشكلتي مستحيل احجي واعترف وخاصة وإني اشوف هذة تعاملة من سابع المستحيلات اسويهة😐
مشة اليوم بين حجاية وسالفة وتلفزيون وتلفون لحد ما صارت ساعة بال12 وكلهة راح تنام بس اني شينومني وإني كاعدة بالستة بالليل
ضليت كاعدة وإني اعاين مسلسل متابعتة عاينت كل الحلقات الفاتتني أيام الامتحانات لحد ما صارت ساعة بال3 الفجر لحد ما دخلت علة صفحتة ليسار وضليت أكلب بصورة وإني أتأمل ملامحة
لحد ما غفيت بال4 الفجر نمت وكعدت ساعة بال9 الصبح تريكنة بس اني أحس راسي يوجعني لأن نومتي تخربطت
كمت ورة ما كملنة ريوك
نضفت وية مرة خالي ومريم ومرة خالي طبخت وكملت
اجة خالو علما طب بدل وغسل احنة صبينة غدة طبعا هذة الحجي بال1 الضهر
تقريبا فكعدنة كليتنة ولتمينة علة سفرة وحدة والحمد لله اكلنة كملنة
وشلنة المواعين غسلناهن
سوينة جاي وكعدنة لل2:30 خالوا كال امشو نطلع بمناسبة العطلة وكذا
والله عاد كمت لبست جبة وبدلت وشال وحذاء وجنطة وشوية واقي شمس ومرطب للشفة وطلعت
اخذنة خالو لمتنزه يعني مدينة العاب
ومناك لمطعم وافترينة وتونسنة بشكل
والحمد لله مرت خالي مطلعتلي الطلعة سم علينة لاجانت زينه ويانة هل المرة  
بحدود ال8 تقريبا بالليل رجعنة ونفس الروتين تقريبا
طبعا مع تفكيري باللي ساكن كلبي وعقلي 😍
مشت يومين بهل العطلة جنة شوية أريد نرتاح بس عمي أبو يسار خابر ويسأل ليش مرحنالهم وضال بالة خاف بينة شي
عاد جاوبة خالو وكلة ماكو شي بس شوية انريد نرتاح لأن منا دوخة وضغط امتحانات ومنا سفر رأسا
عاد كلة خل يجون باجر ومشتاقلنة
والله لثاني يوم رحنة بس اني هذة الحجي فرررحانة بشكل لايوصف
لأن حييييييييل مشتاقتلة
لل....انتو تعرفوا ميحتاج احجي😉😍
حضرت غراضي من الليل وورة صلاة الفجر طلعنة للناصرية (إلى حيث تركت قلبي في آخر مرة زرتها❤ )
وصلنة للناصرية تقريبا وية الضهر هيج شي
نزلت وإني اشوف بيت عمي واكفين بالباب يستقبلونة عاد طبيت وإني عيوني ادور علة الشاغل بالي
شفتة ستوة نزل من الدرج
بدشداشتة النيلية وعطرة ملة المكان كلة
أحس رجلية ميشيلني بعد وكلبي دكاتة تقرة الف بهاي اللحضة سبحتة بيدة
رفع عيونة علية وابتسم بخفة سلمت عليي وطبعا ما اطوخ بالسلام ولا اطخ رأس صحيح اني أحبة بس مستحيل اخلي شي يبين
سلمنة علة بعض سلام عادي وكلمن وكف بصفحة 
كعدنة طبعا ولد عمتي وعمي والجهال صعدوا الغراض لغرفة نور اختة ليسار
عاد كعدنة اني ونور ودك سوالف والكبار كاعدين يحجون ويسار يمهم
وكلسا اعاين وارجع ادنك وأكمل كلامي وية نور
طلعت من الاستقبال من باب الاستقبال علة الصالة ومنها للممر مال التواليت تكرمون ارد اروح للحمام اغسل ايدي من البرتقال
طلع هوة من الباب الثانية
واتجه بأتجاهي وصل يمي جان يحجي
يسار....لو باقية هنا ضالة كل يوم رايحة راجعة لو تموتن علة الفرفرة والدياحة....حجة وهوة يعاين علة المغسلة ويغسل

مروة.....بصراحة انقهرت منة بس غلست علية ومجاوبت هوة رفع عيونة علية وابتسم صفح وهوة ينشف ايدة وراح
عاينت علة روحي بالمراية وكلت هذة هم حضي المصخم بلاني بحب شخص ابرد من القطب الشمالي😒....

يتبع

مرحبا بنات وهذة ثاني بارت
طبعا لتاخذون الفكرة عن القصة من أول بارتين بعد بيهة أحداث هواية ومشوقة وجريئة طبعا انطوني رأيكم بالشخصيتين هم مروشة❤ ويسار
وها
تفاعلوا واعذروني علة الأخطاء الإملائية

احبببببببببببكممممممم