مكابرون في العشق🔞🔞🔞🔞

5

مروة.....والله لحد الليل احنة ندبج ودك وركص بس اني بالبوكة لأن يسار كايل لنور ونجلاء ما أريد اسمع دبجن انتن ومروة ترة ايصير شي ميعجبجن 😂
عاد خلص العقد والنيشان
والمعازيم راحو بقة البيت غادي حشاكم زبالة كلة كلينس بيهة أكل وناس بيهة مكياج وكاسات ماي وشكو مجبوب ببسي وماعين سفري مال الكيك ويبووووو هواي هواي رحت علة السريع لميت شعري وبدلت ملابسي لبست تراك وردي مريح ونزلت اني والبنات
لملمنة بس ميتين تعب الزلم جابو لفات من برة كعدنة اكلنة وطبعا ما احجيلكم من فات يسار
اني أتختل منا ومنا مستحية منة وهوة ولا يمة عادي😂
المهم شوية شوية تعودت بس اني أكل وابد ما ارفع عيني حتة لا اصير بعينة واتفشل😅   
المهم الزلم فرشوا بالاستقبال هل المرة واحنة نتقسمنة
بالغرفة وناس بالصالة وطبعا الكل هلكان وتعبان
والله عدت هاي الأيام وقرب موعد المدارس مرة ثانية وجان عرس مريم قبل المدارس بأيام يعني حسبة أسبوع ونص هيج شي
وهمين ركضة وهوسة طبعا عرس هى جان هم ابيت خالي مقبل العريس يصير بقاعة وجان ماكو قاعات هواي قليلة يعني وعالم تستحرم يخافون خاف بيهة تصوير وعمي عم مقبل المهم سوينا بالبيت وهم نفس الرطينة واضرب بعد
مروة روحي مروة جيبي وتعاي وودي لمن هلكت عاد زفوهم طبعا لبيت العريس اني رحت وياهم بالزفة والطريق كلة كاضيتة بس بجي عل مريم يعني صعبة فجأة شخص تفتقدة بحياتك وخاصة إذا جان قريب عليك
المهم زفوهم ورجعنة
من رجعت جان البيت منضف بصراحة ما ادري منو نضفة بس ذبيت روحي هلكانة وتعبانة نمت لثاني يوم حتة بدون عشة ثاني يوم بيت عمي راحو بعد
وإني بقيت وحدي وية مرت خالي وبدت تحقر وياية أكثر انوب ليس متشتغل لو عليمن مكملة مدرسة وغيرة وطبعا عمي ويسار لو درو بهذة حجيهة
ميخلوهة لأن عدهم الشهادة سلاح البنية فميقبلون وإني بطبعي ما احجي لخالي كلشي اجتنابا للمشاكل جانت مريم من تأذيهة تروح تحجي لخالي بس يصيح ويرزلهة وتكبر المشكلة انوب
وإني ما أريد اصير هيج فأسكت واغلس
والله بدت هاي السنة وسادة علمي وشلعان كلب خالو خلالي مدرس خصوصي وضليت مركزة بالمادة حتة نكت مرت خالي قلت هل الأيام مدري مقدرة ضرفي مدري ملت مني المهم
روحاني لبيت عمي قلت هم مو هواي اروح وهمة مدري بس أحس الاشتياق كام يحرك بروحي ميتة علة شوفتة صارلي هواي مشايفتة ولا شامة عطرة
مرات اصفن اكول هم يجي يوم وننجمع صدك لو شنو
بعدين اتعوذ من الشيطان واكعد أكمل دراستي
قربت إمتحانات آخر السنة وبكالوريا
وإني بس قراية قراية
حتة ضعفت وصفريت المهم جان هذة مو مهم عندي بي ارد أكمل السادس لأن طلع روحي😂
عاد اجت الإمتحانات
وامتحنة وكملنة وبقينة ننتضر شوكت تطلع النتائج والله ورة تقريبا أسبوعين كالوا ذاعو النتائج  
ناس طلعتهة علة النت وناس بالمدارس
والله اني عاد طلعتهة علة النت عاينت درجتي الحمد لله زينه
وتأهلني ادخل تربية انكلش
الحمد لله تعبي ما راح والله فرحني بنجاحي
شوية والتلفون كام يهلهل ساعة عمي وساعة مرتة وساعة عماتي يباركون طبعا جنت متأملة اتصال من يسار بس خيب ظنوني ولو املي جان 20 بالمية فيعني مضجت هواية لأن ادري مسبقا بهذة الشي
المهم اجتي اختي مريم تباركلي والله بيومهة ردنة نحتفل بس نور بت عمي خابرت وكالت عمي علساس حاجي وية خالي وانروحلهم باجر
وراد حاجي وية رجل مريم وكايلة تجي ويانة والولد قابل معما أبد هاي مو من عوايدة ميقبل تطلع مريم واصير بعيدة عنة
ومن اسألة تكلي رجلي ميستغني عني ميكدر 😷
ولو اشوفون بالليل شكد ضل كلسا يخابرهة ويراسل ومن توصلين خابري واكلي هناك لتتمرضين ولتحجين وية فلان ولتحجين وية فلتان والبسي عباية ولتنزعيهة وووو شكد ضلو يحجون كول رايحة لبعثة فد سنة وترجع😂😂
ولا جن بيت عمهة كلة تلث أيام ونرجع منطول
المهم عاد ثاني يوم رحنة وهناك هم استقبلونة وعمي خطية جان مسوي غدة علمودي
المهم انجمعنة كليتنة وناس تبارك وناس تنطيني فلوس كهدية وخالو اشترالي تلفون بمناسبة نجاحي طبعا خالي الله عوضنة بي بمكان ابوية اللي مندري طيب ميت
المهم طبعا من أول مطبيت وسلمت عليهم يسار صار كبالي سلمت وتباركلي علة النجاح وشال فلوس خلة بيدي كهدية نجاحي ووعدني يطلعني لمدينة الالعاب بالليل😍  يعني
المهم اني ما اوصفلكم فرحتي يعني منا نجاحي ومنا شوفت يسار
اللي صارلي أكثر من شهرين مشايفتة ومنا راح نطلع يماي كلبي راح يطلع من مكانة الحمد لله دعيت الله ادوم هل الفرحة
بالليل صاح ياسر يلة امشونة دنطلع
واحنة ماصدكنة😂😂
طفرة اني والبنات للغرفة ناس أجر بالهدوم وناس بالشالات وناس بالمكياج عاد وكفت نور بنص الغرفة وحجت
نور....شوفن اذا ذرة مكياج صارت علة وجوهجن منطلع يسار ميقبل
الكل....يبووووو ديلة ميخالف

مروة....طبعا اني مهتميت بس البنات ضاجن
اووو عادي المهم اطلع ههههههه
لبسنة وكملنة وخليت آخر لمسة واللي هية العطر
طلعنة ونزلنة لكينا واكف هوة وناصر ينتضرونة
جان لابس البنطرون والقميص كلهة ألوان غامقة أبد ميلبس فاتح وابد ميحب الألوان الفاتحة
المهم
طلعنة كليتنة كعدت هل المرة ورا وصارت المراية كدامي كلما ارفع عيوني اصير بعيونة وهوة يبتسم يمة كلبي من فديت هل العيون😍  
وصلنة للمدينة ونزلنة
طبعا جان يمشي بصفي وإني أحس دكات كلبي سمعهة💞
وطبعا مقبل نصعد أي لعبة لو مرة يكلنة هاي مال جهال😂 لو مرة هاي خطرة خاف يصير بيجن شي
وناصر يأيدة فمصعدنة أبد
بس نتمشة واشترينة موطة وجباسة وهاي السوالف
كملت الطلعة وإني مهامني لا الطلعة ولا ابوهة
بس اللي مفرحني هوة اهتمامة بية هل المرة💓
رجعنة للبيت واشكرت منة وصعدت وإني أحس روحي فرحانة بشكل لا يوصف بحيث نمت بذاك اليوم وإني اوزع ابتسامات بأحلامي للملائكة😂😂😂😂 صدقة فديتني😂
           
ومشت العطلة هاي بس اني شنو هل مرة بقيت عد بيت عمي أكثر من كل مرة لأن هم ضغط الامتحانات ارد ارتاح منة وهم ارد اشبع من شوفتة لأبو كلب حجر 💔😔
بس شنو هذة الحجي اني من اصير كدامة اضل اتهرب واتختل من نضراتة يعني ارد اشوفة بس ما أريد يركز بية والسبب هوة انو اني سمنت نوعا ما وملابسي ضاكت علية والخلفية برزت😟
وهذة كلما يشوفني لو اندار كدامة يضل يخوزر ويلعب بلحيتة وانوب ورة شوية تجي لو نجلاء لو نور
تكلي روحي بدلي يسار يكول ملابسج ضيكة حيل وجسمج بارز وولد عمتج طابين طالعين
وإني وراهة مدري وين اضم روحي منة
المهم مشت الأيام عادي وإني بصراحة بديت أخاف
لأن صارت الخطابة يكثرون واخاف لا امي خالي يوافقون
ولو عمي كايل مروة انريدهة احنة بس أخاف يطلع مجرد كلام أو شقة ولو هية قسمة ونصيب
كملت العطلة طبعا اني بين مرت خالي والبيت وبين امي اللي كلبي مالي القهر عليهة وعلة حالهة اللي مديتحسن شكد رحنة للأطباء وردنة يكون اكو فد علاج شي بس المشكلة الأطباء يكلون مابيهة شي 
طبعا مامة ازوجت ابوية زواج عادي بس الله ذب حب ابوية بكلبهة من أول ليلة الهم فمن انفقد 
حيييييل اتأثرت حالتهة النفسية وما الومهة بمقدار ذرة
لأن اني مرات اصفن واغمض عيوني وبمجرد ما تجي فكرة انو افقد يسار أحس دموعي تتجمع بعيوني وروحي تنقبض وحتة يومي يصير كأييب كللش
المهم   
قرب موعد التسجيل وخالو صار يمشي بمعاملتي مال الجامعة.....

يتبع...

بداعت يسار ومروش تفاعلوا حبابين❤❤❤
واعذروني علة الأخطاء الإملائية

احبببببببببببكممممممم❤❤❤❤