.إياد؛ ممم الصفقة هاديك نحبها تمشي كيما يحب خاطري
فارس؛ هههه تحب نجربوا ڨارو نتأكدوا من النوعية ؟
إياد؛ مدام باعثينها من المغرب عندك شك هههههه
فارس؛ خلاص مالا الليلة نديروا ڨوسطوا ..
إياد؛ اممم مشات
.......
ريان؛ وشمن حكاية
منار؛ الناس اللي تسكت بزاف . . و تنحي على روحها بالسپور .. اكيد وراها حكاية
ريان؛ مالا نتا وراك حكاية
منار؛ ممم أصلا كل واحد فالدنيا عندوا حكاية .. مكانش اللي معاشش وجيعة
ريان؛ مي الوجيعة درجات
منار؛ وين تصنفي وجيعتك
ريان؛ معندهاش تصنيف
منار؛ فاقت الحدود ولا موصلتش للتصنيف
ريان؛ منعرفش ..
منار؛ يحيروني النسا اللي منقدرش نفهمهم
وقفت .. قدمت قعدت عالفوتاي .. قدمت صبيتلها كاس .. و مديتهولها .. حكمتوا رشفت منو ..
ريان؛ النسا كيما كاس الويسكي ..أول مرة كي تذوقوا .. تتلخبط .. يجيك غريب .. و متنجمش تعرف اذا عجبك ولا لالا.. مع الوقت يعجبك.. لين توصل لمرحلة يجيك عادي .. يعجبك اما ميأثرش فيك كيما أول مرة (أستغفر الله تقول مالفة نسكر 😂😂) هكاك النسا اللي تحكي عليهم . نعرفهم يعجبك شكلهم شخصيتهم . تولي تعرفهم ... ترقد معاهم بالاك .. و مبعد يوليو عاديين
منار؛ و نتي
ريان؛ كيفاش و أنا ؟
منار؛ تتصنفي هكا؟
ريان؛ ممم يمكن (رشفت من الكاس )
منار؛ مزال مدخلش لحياتك هذاك الإنسان اللي يشوفك exceptionnelle ؟
نزلت الكاس مابين شفافي .. للحظة تعدات صورتو بين عينيا .. لحظاتنا كيف كيف .. لوهلة رجعت للماضي من غير ما نحس .. بلعت ريقي ... و غزرتلوا
ريان؛ مزال
منار؛ تعطلتي فالجواب دونك جواب غالط
تلفت ڨحرتلوا
ريان؛ شباش تعمل مع الجماعة هذيك .. ياخي نتوما مافيا؟؟
منار؛ فوتك من الحكاية تو تخافي .. و تبداي تبكي كيما قبيل ..نعرف خايفة مي كلش يتريڨل مدامني معاك
طلعت راسي على آخر زوج كلمات .. غزرتلوا .. هز حاحبوا متاع شفما؟ .. هزيتلوا براسي متاع شي .. وتلفت نغزر للبعيد .. صونا تيليفونو .. حط الكاس و غزر للنومرو .. عقد حواجبوا .. علق.. و رشف الكاس مرة وحدة .. زاد عاود صونا .. باقي يعمر فالكاس .. و علق .. زاد رشف منو .. زاد صونا .. رشفو بكلوا .. خبط الكاس فوق التابل و هز
منار؛ واااااااش
تهزيت و تحطيت على نبرة صوتو.. غزرلي .. و كمل يحكي ..
منار؛ قتلك متزيديش تعيطي ********** ... كيما عرفتي ديري********* الجاست .. دوكا *******
رما التيليفون تكسر .. رشفت من الكاس و باقية نغزر للبعيد ..ميفرقش برشا عليا فالمزاجية .. للحظة انتابتي الفضول زعما هاذي .. الطفلة اللي كنت نشوفها معاه مي كنت نتتبع فيهم .. زاد عبا كاس و رشفوا فرد مرة
ريان؛ بلعقل برك تزيد تترصالي نحمل فيك اك ثقيل
مجاوبنيش تلفت غزرتلوا .. ملامحو جامدة .. و مبعد طرشق بالضحك .. خلاني نتبسم من غير ما نحس .. باقي يضحك .. و مبعد كبس روحو باقي يتبسم ..
منار؛ نسيت مقتلكش مرسي عليها
ريان؛ مرسي و نتا قريب قتلتني
منار؛ هههه اعتبريها مغامرة برك .. عالأقل دخلتك فجو أكشن
ريان؛ اممم
منار؛ ريان
ريان؛ اممم
منار؛ من واش تخافي ؟ سرحت
~~~~~~~~~~~~~
البوس؛ ماكش خايفة من الموت ؟
ريان؛ لالا .. ما عندي ما نخسر
البوس؛ لازم تخافي ..لازم نتأكد بلي رجفة الخوف .. سينو ما نعتبرش روحي درت إنجاز .. نحب نسحب من حياتك وقت نتأكد بخوفك على حاجة أنك تخسريها
~~~~~~~~~~~~~~~
منار؛ آآآووو
تلفت ليه
منار؛ وين رحتي
ريان؛ غير هنا .. أصلا تخمامي ميبعدش بزاف عليك
منار؛ كيفاه؟
ريان؛ نقصد مام نسرح نبقا فالسوجي اللي رانا نحكيو فيه .. بالنسبة للخوف .. راهنت على كل شي ..و خسرت كل شي .. مزالت حياتي .. كهو اللي ننجم نحطها فرهان .. و عادي يعني
منار؛ أنا نخاف من شي واحد
ريان؛ هه اللي يشوفك ميصدقش تخاف
منار؛ نخاف تصرا حاجة لعايلتي .. نقصد بابا و خويا .. هاذو كهو اللي نخاف عليهم
باقية نغزرلوا .. مفيبالوش بلي أنا اللي حانكون مصدر خوفو
منار؛ نتي متخافيش على عايلتك ؟
ريان؛ ميتين
غزرلي باستغراب
منار؛ كيفاه ماتوا ؟
ريان؛ حادث نجيت منو غير أنا
منار؛ ربي يرحمهم
ريان؛ تعيش و تترحم .. بونوي ..
حطت الكاس باقي نتبع فيها بعينيا .. متوقعتش تكون هكا .. للحظة ندمت أني سقسيت .. أكبر وجيعة تصيب الإنسان هي عايلتوا .. منها يتوجع و منها يضيع .. لفت يديها على روحها و مشات .. بالعادة نفهم البنات بنظرة وحدة .. اما هي لا .. ساعات تبكي .. ساعات مغششة .. متضحكش .. كلشي فيها غامض .. فضول كبير حاكمني ..
...........
فقت على صوت سعال .. تململت فبلاصتي .. في بالي نحلم .. اما عاودت سمعتوا .. ركزت مليح .. سعال مش نورمال .. قمت من فرشي و باقية نتبع فالصوت .. لين وصلت للباب .. متاع بيتو .. حليتو بالشوي .. يسعل مش نورمال .. غزرت للضو اللي خارج من الباب تاع الدوش .. قدمت نمشي بالشوي .. لين وصلت لحافة الباب .. رميت عيني .. لرض تاع الدوش معبية دم .. و لافابو تاني مطرش بالدم .. عينيا تحلوا و أنا نغزر للمنظر اذاكا .. كل مايسعل يطرشق الدم من فمو .. حطيت يديا على فمي .. تركز بيدوا .. علالافابو .. مع غزر فالمراية جات عيني فعينو ....
#العميلة306
#أخوان_في_عشق_امرأة_واحدة
#يسرى_أمجوج
أنت تقرأ
العميلة 306 (باللهجة جزائرية )
Actionالعودة بكرونيك جديدة 💥 ستيل مافيا تعرفوني مع الأكشن 🤷🏻😂.. المهم باش نخليكم تدمنوها 😎.. و من دوك أصحاب القلوب الضعيفة متقراوش .. اختصارا قسحوا قلبكم باش تنجموا تعيشوا أحداثي 💥.. الاحداث تبدا تبانلكم بالشوي .. نحب ماكس تفاعل .. الكل تكونوا حاض...
