#ورود
#الكاتبةورودالخالدي
البارت6
مهند::
ومرت..الايام يوم يجر..يوم ماكو شي..جديد اصلا ما اكدر اسوي..شي..لان..ماكو فرصة..انفرد بيها كل ما اروح..خالتي لو عمي موجودين ومر..شهر واني اشتغل ويه عمي اني اطلع بالسيارة الصبح..وهو يطلع بيها بالليل يرجع بالوحدة..لو بالثنتين..وعلى هالمنوال..زين لشوكت..انتظر..وماكو فرصة فكرت لازم اني اجيب الفرصة وادبرها لو اطير..وبيوم اتأكدت عمي ماخذ عبربة للنجف وميرجع الامتأخر..وفكرت..اسوي الي ابالي..صارت الساعة بالتسعة بالليل..اخذت سيارة فرقد..ورحت اشتريت حلويات..لان اني بين فترة وفترة اجيب..فد شي..بيدي لبيت خالتي..نسيبهم غير!!..وهالمرة اخذت حلويات ورحت دكيت الباب..طلعت خالتي..
انطيتها العلاكة:
هلا خالة..
جنت..مار بالسوك شفت ابو الحلويات كلت خلي اجيبلكم..وياي..
ياااا..مشكور بعد خالتك..
وفجأة لزمت راسي سويت نفسي..دايخ!
ياااا..شبيك..بعد خالتك..شو لازم راسك:...
اي..والله خالة اشو من الضهر..راسي اموتني..وعيوني تسورب..قبل شويه همزين مادعمت الولد..وسويتلي حادث!.
يااا..خالة اسم الله من الحوادث..شبيه راسك..اخاف مشبعان نوم..
لاوالله شبعان نوم..بس من الضهر احس بوجع براسي واحس عظامي..مكسرة وساعة ابرد وساعة احتر..
يااااا....وليش مارحت للطبيب..
ماكو داعي هسه ارجع للبيت انام..راسي موتني..
خالة..فوت ارتاح شويه خاف متكدر..تسوق وتسويلك حادث..
لا خالة اروح..
شبيك بعد خالتك..دفوت..شوف وجهك اصفر مثل النومية..
هو هذا الاريدة كيفت من كالت فوت..
دخلت جوه وكعدت بالصالة..خالتي جابتلي مي..شربته..سمعتها تكول:
مرتك..نايمة متعودة تنام من وكت مثل الدجاج حتى تكعد من وكت تصلي وتقره قرآن وادعيه....اكعدها الك..
لا خالة شالقصة خليها نايمة خطية..
بكيفك..خالة..اسويلك..جاي كهوة!
لاخالة بس اني حيل بردان راح اموت من البرد من رخصتج بس اريد بطانيه..
ادنت...لزمت راسي..
اشو مامصخن شبيك ترجف..
ما ادري خالة..بس غطيني بروح جدي..
ياااا..هاي صخونة داخليه اي هسه اغطيك..بس تعرك..تصير زين..
جابتلي بطانيه..وره شويه اجتني..
ها خالة شلونك..
والله بعدني...اني راح اكوم اروح للمستشفى.
.لاخالة وين تروح شلون تسوق..خابر على فرقد يجيك..
خالة فرقد عازمته خالتي رجاء وبايت عدهم..وما اريد انغص عليه العزيمة بعدين سيارته عندي!
وهسه شلون خالة..ما اكدر اخليك..تسوق....
خالة لتخافين بس..اوصل للصيدلية هياتها 3شوراع واوصللها..اجيب بندول وكبسول امبسلين
لا خالة ما اخليك تسوق اني اروح اجيبلك..
بس خالة دنيا ليل..
ساعة بالتسعة وشويه بعد وكت والشوارع ضاوية..
زين خالة مادام راح ترحين..جيبلي وياج شاحنه..لموبايلي. اخاف ابقة عدكم وجهازي يخلص شحن...لان شحنه 8
عدنا شاحنات..
لا خالة شاحنه جهازي تختلف..ميشحن الاعلى هاي النوعية..
وشلون اعرفها..
هياتها بجيبي..بس مدري شبيها عطلت العصر..
اي انطينياها اجيبلك مثلها من ابو الموبايلات بعدهم مفتحين ولو شويه بعيدين عن الصيدلية..بس مو مشكلة..
