#ورود
#الكاتبةورود الخالدي
البارت7
مهند::
شنو!!؟؟شكلتي؟
كتلك طلكني فورا..
ههههه..تحجين من.. كل عقلج..اطلكج..شنو!
طلكني هسه..
لج..انتبهي ع نفسج شدتحجين..شنو اطلكج..تذكرين شنو صار البارحة!؟
اي اتذكر..واريدك اطلكني..فورا!!
لج..بابا..اخذتج..كسرتج..اني!!
رأسا..جرن دموعها جانت..تحجي بقوة..وتبين ع اساس مخايفة..بس من سمعتني كلت كسرتج..بسرعة نزلن دموعها:
اعرف..ولهذا لازم اطلكني..
جان صوتها عالي
ادنيت خليت ايدي ع حلكها وخرت ايدي ودفعتني:
شيل ايدك..عني..
لج نصي صوتج..ليسمعون اهلج..!!
خليهم..يسمعون..اني اريدهم يسمعون..شنو تعتقد راح اسكت البارحة ملحكت ع بابا...ومن الخوفة ...مكدرت احجي الماما..بس اليوم..راح..احجيلهم كولشي...ممتعودة...
اضم على اهلي:
تحجيلهم كولشي..!!لج انتي مخبلة عاقلة..
لاعاقلة..!!.
لج مو ابوج خطية راح ينصدم!!
هااا..هسه مفكر ابابا..لعد من سويت سوايتك ليش مفكرت بيه..
اسكتي وستري..ع نفسج..وخليني استر..عليج..وخلي الموضوع بيني وبينج...لدخلين اهلج!
تستر عليه؟؟ليش..اني شمسويه حتى تستر علية..اني ممسويه شي..غلط..وانت الي..بدر منك الغلط..والبنيه الممسويه غلط..متريد احد يستر عليها..لان..مخايفة من شي!!
لج شنو مخايفة..تحجين صدوك ترديني اطلكج..واني كسرتج قبل العرس..متفكرين..متكولين اخاف سمعتج تتشوه!
اني ما اخاف..من الناس ومتهمني..اراءهم..اني ميهمني بس رب العالمين..ومادام الله شايف ..كل الي صار..ويعرف اني مغلطانه اخلي اصبعي بعين الناس.
هالله..هالله شهالشجاعة..انت متهتمين للناس زين واهلج هم متهمج سمعتهم!!
بابا...راح يفهم الي صار..بيني وبينك..وبعدين الي صار..بحدود الشرع انت زوجي..واني حلالك...يعني ممسويه اني شي..يغضب الله..ومادام الله راضي عليه بابا..هم راح يرضة..واكيد مراح يقبل بنته تبقى على ذمة....
واحد حيوان..وجبان..ونذل..وخسيس مثلك!!
سمعتها تغلط..ادنيت رفعت ايدي بس قبل ما اضربها سمعتها تكول:.
اضرب..اضرب مهند ..ليش وكفت..انت جبان..كدرتك على بنيه..عرضك..ومن لحمك..ودمك:
ورود..اسكتي ليش تخليني اكسرج..تكسر!
اكسر عادي..مبقة شي اخاف عليه..اهم شي..عندي كسرته وبعد ميتصلح!
ورود..روحي لغرفتج..لتخليني اضربج...روحي من يكعدون اهلج يصير خير..
لا..طلكني هسه..طلكني..
بعد ني مراد عليها جان اشوف باب الاستقبال اندفعت وفاتت..خالتي..شايلة الشحاطة..وركضت ع ورود..ضربتها..ع راسها:
يطلكج..بت ..النعال..تردي يطلكج بعد ما صخم وجهج!
الظاهر..سمعت كولشي..وجانت تتصنط..علينا..ضربتها والتفتت عليه تريد تضربني بالشحاطة لزمت..ايدها
خاله اهدي..خلي نتفاهم!!
ولك شنتفاهم..هيه عملتك...السودة بيها تفاهم ابن النعال..شلون هيج ضحكت عليه..وسويت نفسك مريض.واني مصدكة ومأمنه بيك..شلون..شلون..!!
بعدين عافتني وكعدت عالتخم تلهث:.
يمه كلبي..يمه راح اموت..يمه..شلون دكة سودة هاي..
كتلها....:
خاله..اهدي مراح اخليها وراي..صح غلطت..بس راح اتزوجها..
ها..هسه تتزوجها..جم مرة تتزوجها..!
خاله..يعني اسوي عرس وزفه كدام الناس..شسوي اكثر..
وسمعت..ورود تكول:.
ما اريد منك..شي..طلكني هسه..
رجعت شالت الشحاطة رادت تضربها..لزمت ايدها ..
خاله عوفيها..هاي مخبلة..متعرف شتحجي..
ترديه يطلكج..ولج..بعديش بعد ما صخم وجوهنا....بعد جم يوم..طلعتي حبلة..شلون..يطلكج ويروح يسافريم ابوه..شتكول العالم..حبلها..وطلكها بلا عرس..
شنو..يوم شكلتي!
ها..شكلت مسامعه المرة تحبل من الرجال..
هاااا..
ولج شهااا..ترديه يطلكج..ويفلت..هو شكو..على كلبه يطلك..ويسافر..وميهمه شي.....بس احنا شلون نتصرف شنحجي شنكول للناس..وانتي بعد منو يكلب سلعتج بعد..وهذا الشايب..النايم جوه..اذا صار هالشي..وانفضح مفكرتي شيصير..بيه
بس..يوم!!
انت ..انجبي..واسكتي..
والتفتت عليه:
اسمع..ولك..كدامك..اسبوعين..بس..تحظر..نفسك..وتجي....ازفها الك...ونطمطم السالفة...
