#تؤوم_روحي

bart 9

تــؤوم روحــي💔

#الــبــارت_الــتاسـع

🌹🌹🌹🌹🌹🌹

احمد

واحنه گاعدين ودنحجي بموضوع العقد دگ موبايل خالي وبده يحجي مفهمنه الي صار بس يگول للمتصل هاا هاي شوكت لا تگولها وهسه وينه لا يابه صدك تحجون جايكم جايكم مسافه الطريق الكل سئل نفس السؤال خير ان شاءالله شصاير

ابو كرار,, اجلو كلشي ع باجر اليوم مراح يعقدون صديقي حمزه ابو جعفر ضاربته جلطه وهسه ماخذينه للمستشفئ واني لازم اروح عود باجر نحجي بموضوع العقد ولتتوقعون السالفه نسدت ولا تصرفون شي من يمكم

كرار,, بويه اروح وياك

ابو كرار,, اي بويه امشينه

محمد احمد,, خالي نجي وياكم

ابو كرار,, لا انتم ابقو هنا قبل الغده احنه نجي

احمد

بعد مراحو رجل خالتي وكرار بقينه گاعدين شوي ودخل حيدر عصبي ودنيه ما جارعته يصيح لهبه بصوت عالي گعد واجت هبه تركض كلها دقايق والجاي يمي وجهزي ملابسي عندي طلعه بعد نص ساعه يباوع بينه بخزره عاد اني گابلته وبقيت اعيدله كل خزره بخزره محمد عافنه وطلع امي وخالتي راحن لغرفه خالتي ام رسول وبتها بعد ما سمعت خبر تئجيل الخطبه صعدت تتأفف مريم ما شفتها ابد شرب الجاي بثواني وطلع بقيت گاعد وحدي گلت خلي اطلع اشوف محمد وين راح تلاگيت وياي هبه شايله صينيه جاي موديتها يمكن لغرفه خالتي گتلها

هبه بقت مدنگه وايدها ترجف والصينيه تسمع بس طگطگه الستكان كتلها هبه شبيج اهدي اريد جاي
انطتني الجاي ومباوعت بوجهي گتلها واني اخذ الستكان هبه اني اسف

من گد ما جانت ترجف اباوع بعيونها المدمعه انگلب الجاي ع ايدي

صحت اخخ اشوفها گامت تبجي والله ما ما ما ادري اسسسفه مو قصدي تاذيت اجيبلك عصاره حروق واجي

اباوع بيها شون تبجي وتعتذر واضح خوفها عليه گتلها ميحتاج مابيه شي والله وانتي كافي شگد تبجين راح يخلصن دموعج ابتسمت گتلها يلا كافي مشفتي محمد وين گالت شفته صعد لسطح گتلها الجاي برد هسه هم تحصلين رزاله من خالتي وتگومين تبجين اشو هاي ركضت للمطبخ بتسمت ع حركتها الطفوليه جريت حسره وصعدت ع السطح

سمعت محمد يحجي بالموبايل

محمد,, من دخلنه وهمه يحجون بالعقد طلعت حتئ روحي بس من تصلو ع رجل خالتي وواحو هوه وكرار اجتي رسائل من تقئ غلست عليهم لان جنت ضايج ومعندي اي عدز اقدمه الها بقت تتصل سويت الموبايل صامت دخل حيدر وبقه يصيح ضجت حيل اجتني رساله من تقئ
💬وداعتك حمودي اذا مجاوبني اليوم تسمع خبر موتي
تخبلت من هاي الرساله وطلعت واني متخبل