#تؤوم_روحي

bart 39

#تــؤوم_روحــي💔

#الــبــارت_الـتاسع_والثلاثون

🌹🌹🌹🌹🌹🌹

لاچن الليلة طرگ حزني اجيتك
ارجى كلمة عدل منك

مظفر النواب

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

هلاو قلبوشاتي شونكم شخباركم مشتاقتلكم اعرف تاخرت بتنزيل بس لان دا اشوف اكو مشاهده بدون تصويت يعني زعلانه عليكم مراح تخسرون شي من تصوتون او تعلقون تره التصويت مو مهم عندي بس الاهم من اشوف تفاعلكم بقصتي افرح وتحسسوني انتم وياي وداعمين القصتي ولا تره ابد مو مهم عندي التوصيت بگد ما اشوف تعلقكم وحبكم للقصه هالشي بجد يفرحني احبكم قلبوشاتي 🥺💜

احمد,, مرت اليومين واجه يوم الخميس وسمعت انو هبه عقدت جنت احترگ محتار شسوي اتصل عليها ماترد لو تحاجيني خالتي جنت اعرف الاخبار من مريم جنت حابس روحي بالغرفه مالي خلگ كلشي وبس ادخن صدك اروح اشوف امير واطمن عنه وارجع لاحظ عليه التغير وسئلني اكثر من مره بس مجاوبته ما اريد ازيد عليه رجعت بليل جانت الساعه ب11 دخلت الغرفتي وگعدت اتذكر كلشي صار بينه وعلاقنة الي جانت مو بس علاقه جانت حياةة اتصلت ماترد هاي بعد ماعقدت بيومين ليش مااتردين هبه ليش ما گدرت انام الف سالفه بالي شسوي ما اگدر اتقبل فكرت هبه تروح لغيري وصار سنه علاقتنه مرت الايام واني يوميه اسئل مريم عن هبه گعدت الصبح واني مخترع تحلمت بيها رحت ركض لمريم جانت دسوي ريوگ وامي يمها

ام محمد,, ها يمه صباح الخير تعال تريگ شوف وجهك شصاير بيك ليش سوي هيج يمه تريد تموتني عليك محد ياخذ غير قسمته ويجوز الله ما كاتبها من نصيبك