فارس الصعيد للكاتبه(ريهام محمد)

حقيقه (١٨)

(يا بحر ليه الموج في عز الهوج مبيخلصش و الملح سد ودانك ودانك لجل ما تخلصش )
.
.
.
.
كان خالد يلاحق سياره زياد ويضرب عليها النار الا ان نفذ الرصاص بعدها هرب منهم ولكن هنا رأته
.
.
هنا بفزع:::ده خالد يا زياد الي بيضرب نار
.
ضرب زياد علي المقود بغضب::ابن ال*** والله مهسيبه الله في سماه لجيب اجله المهم حصلك حاجه يا هنا انتي كويسه
.
.
هنا بدات تظهر عليها نوبه الهلع التي تصيبها عند الخوف ارتبك زياد من شكل هنا وقاد بسرعه كبيره الي القصر
.
.
................

فارس::اي الي ناجص في الاوراق دي
.
عباس::يا فارس بيه مفيش حاجه ناقصه بس التاجيل ده مش حاجه وحشه زي مانت مفكر بلعكس ده ممكن يدينا وقت نفكر ونجيب ادله اكتر
.
فارس::وممكن يكون العكس عباس انا عايز اليومين الي جبل الجلسه دول يعدو بدون اخطاء ونخلص من موضوع القضيه دي ...
.
عباس::متقلقش يا فارس بيه
.
فارس::طيب اسيبك انا بجي وخليك علي تواصل معاي بكل جديد
.
.
.
.................
.
فاتن بفزع::يا بووي البنيه هتروح مننا هنعمل اي
.
.
سعاد::يا مرررري دي وشها بجي اصفر كيف اللمونه
.
.
زياد بتوتر::انا لازم اتصل بفارس
.
فاتن::اوعاك تعمل اكده اخوك ممكن يسوج كيف المجنون
.
.
.
هنا باختناق::ما......ماي.....مايههه
.
.
زياد اسرع وتناول كوب الماء::خدي
.
.
تناولت هنا كوب الماء ولكنه سقط منه
.
.
في نفس الحظه دخل فارس القصر ولكنه قابل ايه وحسن
.
.
حسن::تعاله يا ولدي انا مستنيك من بدري
.
فارس ببرود::خير يا عمي
.
.
حسن يمثل الانكسار::هنعمل اي يا ولدي انت متاخر في الرد علي الناس ليه لحد ما بنت المركوب دي بطنها تكبر وتجيب لنا العار انا اجتلها احسن
.
فارس::وانت فكرك لما تجتلها ده مش هيخلي الناس تتكلم دا يبقي بدل العار عارين ..انا ماجل الموضوع لبعد القضيه وساعتها كله هيبان يا عمي
.
قال اخر كلماته بشئ من الحده جعل ايه تفهم ان فارس لن ينوي خير
.
.
اعتدل فارس بوقفته وتركهم في حيره وخوف وصعد الي غرفته ليطمأن علي زوجته ولكنه سمع صوت عالي من غرفه فاتن فاسرع ليفهم ماذا يجري فتح الباب ولكنه تفاجئ بهنا الملقاه علي السرير في حضن فاتن ووجها الشاحب وفهم انها في نوبه هلعها
.
.
فارس اسرع لها والتقطها في احضانه ::كله بره مش عايز حد اهنه
.
.
خرج الجميع وفاتن بمساعده زياد وسعاد
.
.
.
فارس بصوت هادئ::اهدي اهدي انا جنبك كل حاجه هتكون كويسه اهدي يا هنايا
.
.
هنا بصوت باكي ومتقطع::انا كنت ....انا ..فارس
.

فارس::باس متتكلميش نامي يا ست البنات انا معاكي متخافيش نامي
.
.
.
........................
.
.
فاتن::فارس شكله مش مستغرب الي حصل لهنا
.
.
زياد::هنفهم كل حاجه لما يخرج اخوكي واكيد هيعمل تحجيج معاي اكيد لما يطلع
.
.
.
بعد ان نامت هنا حملها فارس ووضعها علي السرير الخاص بهم في غرفتهم وقبل جبينها وخرج تحولت ملامحه الي غاضبه واسرع في النزول وبصوت عالي ::زياد الحجني علي المكتب .
.
.
فزع زياد من صوت فارس ::ربنا يستر
.
.
.
دخل زياد المكتب واغلق الباب ورأه
.
فارس::احكي
.
زياد بعد ان جلس علي مقعد بجانب فارس::بعد ما مشيت وبعدنا شويه عن المحكمه بدأ طلج نار علي عربيتنا معرفش اي الي حصل ومين الي عمل كدا بس
.
.
فارس بحده::وبعدين يا زياد كمل
.
زياد::هنا شافته وبتجول انه خالد وفجاه بدات ملامحها تتغير وتنفسها يعلي ويتجل وسوجت بسرعه وجيت لهنه
.
.
فارس::ومتصلتش بيا ليا ساعتها .
.
زياد::خوفت عليك
.
فارس بنرفزه::خوفت عليا طيب ومرتي الي كان ممكن تروح فيها
.
زياد::انت بتتكلم ازاي يا فارس انا اكيد مكنتش هسيبها يحصل ليها حاجه
.
.
فارس بجديه::زياد انا لو في يوم حصلت وخيرتك بين حياتي وحياه هنا تختار هنا يا زياد فاهم
.
زياد::فارس انت بتجول الكلام ده ليه
.
فارس بتنهيده::احنا داخلين علي ايام صعبه يا زياد وواعره جوي يعني كل خطوه لازم يكون محسوب حسابها
.
.
زياد::فارس انا كنت عايز اجولك علي حاجه ضروري
.
فارس::جول سامعك
.
.
..................
.
.
اميمه::اي البيت ده يا ساتر يا رب من ساعه ما جينا وكل حاجه بايظه خايفه لناس تقول علينا قدمنا نحس ولا حاجه
.
عزه::متقوليش كدا يا ماما اكيد لا بعدين زياد مفهمني ظروف المكان هنا
.
.
طرق الباب
.
اميمه::اتفضل
.
.
كانت ايه ::ازيك يا اسمك اي فكريني اكده
.
عزه تذكرتها وقالت بتأفف::اسمي عزه يا حبيبتي عزه افتكريه كويس مش معقول تنسي اسم خطيبه ابن عمك
.
ايه::خطيبته هههههه لا بجد ضحكتيني المهم انا بس كنت جايه انصحك نصيحه انتي والست الي قاعده دي
.
تحولت نبره ايه الي التحذير::اوعي تفكري ان ورث العربي هيطلع بره العيله وميغوركيش ان زياد بيحبك او بيمثل عليكي الشويتين دول زياد مسيره هيكون ليا لان من عوايدنا ان البت بتكون لابن عمها انا بس حبيت اوضحلك من الاول عشان مترجعيش تبكي وتندبي حظك يلا اشوفك بعدين
.
.
خرجت ايه بابتسامه مستفزه تاركه عزه بعينين مليئه بلدموع ووالدتها غاضبه من ما سمعته
.
اميمه بحده:: جهزي هدومنا يا عزه احنا ملناش قعاد في القصر ده تاني يلا يا بنتي علي راي المثل الي خرج من داره اتقل مقداره
.
.
.
.................
.
هنا بتعب واضح من نبره صوتها::والله يا فارس بقيت كويسه متقلقش كل حاجه تمام المهم انت يا حبيبي
.
فارس:: انا بخير لو انتي بخير
.
هنا قبلت يده::طيب انا بخير
.
.
فارس ::انا هجوم ورايا مصلحه صغيره هخلصها واخدك نروح ارض الهنا ترتاحي وتريحي اعصابك شويه
.
هنا::تمام يا حبيبي هستناك خلي بالك من نفسك
.
.
قبل فارس رأسها وبعدها غادر
.
.
...........
.
فوزي::انتي كبرتي ولا اي يام ياسين
.
ام ياسين::فشر انا هفضل شباب طول عمري
.
فوزي::طيب قومي جهزلنا لقمه كدا .
.
ام ياسين::تؤمر يا باشا
.
.
دخلت ام ياسين المطبخ
.
فوزي::الو وصلت لفين
.
شاكر المحامي:: يا باشا التأجيل ده مش في صالحنا خالص الاوراق لو اتراجعت هتبان انها مزوره
.
.
فوزي بشر::انا عايز تتنصح كدا وتلم الجلسه دي في صالحنا وحلاوتك هتبقي بلاخضر بلدولار يا متر
.
شاكر لمعت عيناه بطمع ::تمام يا باشا
.
..................
.
.
.
هنا بعد ان بدلت ملابسها واخذت علاجها جلست علي السرير لتنام ولكن رن هاتفها برقم غريب
.
.
هنا::الو
.
خالد::ازيك يا حبيبتي اتوحشتك
.
هنا بخوف وتوتر::انت جبت رقمي منين انت عايز اي
.
خالد::جوزك المصون فارس العربي في عربيته جنبله هتنفجر بضغطط زر من يدي المطلوب منك تاجي علي العنوان الي هجوله خلال ١٠ دجاجيج لو زادو هتكوني ارمله وهو المرحوم
.
.
.............
.
.
عزه::اهدي يا ماما انا اكيد همشي معاكي بس هروح اقول لفاتن كلمه واجيلك علي طول
.
وضعت عزه هاتفها في جيبها وخرجت ولكنه لاحظت هنا تركض بسرعه لحقتها لمعرفه اذا ما كانت بخير ام لا
.
.