فارس الصعيد للكاتبه(ريهام محمد)

استقرار(٢٠)

(وانا اصلي واخد علي الوجع والجراح لما بتصيب جدع وجعها بيبقي بميه وجع تعرف يا بحر الميه وجع ..وجع الي حبيتها وسابتني ووجع الي بعنيها سبتني وجع الي عملت مني رمل في قعر جوفك رسبتني وتسعميت مليوم وجع للذكريات اصل المحبه يا بحر مش فتره وتعدي ده عمر شايل صوت هزاري وغلب جدي فكر طايح يوم يروح وسنين يودي وتسعميت مليون وجع عدد المحاره والودع عدد الكلام من بين شفايفها الجمال
.
..........................
ايه بنرفزه::انت بتتكلم كدا ليه يا فارس هتهددنا ولا اي انت نسيت ان ده عمك
.
فارس بعصبيه::بس انتي متفتحيش بوجك بأي كلمه وليكي عين كمان تتكلمي وتجادلي بعد فضيحتك انتي عار علينا وعلي اسم العربي
.
.
حسن ادرك انه وابنته في الضياع::فارس اسمع بس ان....
.
.
فارس بصوت عالي::مش سامع انا عارف كل حاجه عارف طمعك وجشعك والي كنت بتعمله من ورا ضهري وعارف بنتك المصون الي اتجوزت في السر واطلجت في السر وعارف اتفاقك مع فوزي الكلب وعارف حركات بنتك الي كانت بتعملها عشان توجعني في شباكها عارف كل حاجه يا حاج حسن وعارف انها مش حامل وان كل ده خطه حقيره منكم
.
.
ايه بحقد وشر::انت السبب في الي احنا عملناه ده انت الي خدت فلوس ابويا انت السبب في اني اعمل كل ده فيك انا وابويا
.
.
زياد بنرفزه::انتي جليله ربايه وانا مش مصدج ان في يوم انتي تعملي كده وتروحي لدكتوره تتفجي معاها عشان تجول انك حامل
.
ايه بصدمه::الدكتوره
.

فارس::انا السبب في اي في اني كنت بخبي عميلكم السوده وفلوس اي الي بتتكلمي عنيها ابوكي واخد حجه تالت ومتلت بس خلاص كل ده هينتهي وانا بس هعمل باصلي وهصون الدم الي بينا عشان خاطر ابوي الله يرحمه... انت وبنتك ملكمش جاعده في البلد دي
.
.
حسن بضعف::بتجول اي يا فارس انا هروح فين ورحمه ابوك يا ولدي متقسي علي انا راجل كبير...
.
.
فارس بكرهه::هتروحوا تعيشوا في البلد الي زياد هيجولكم عليها شقه ومصروف شهري وبس ده الي اجدر اعمله بس عشان خاطر انك اخو ابوي
.
..................
.
تركهم فارس وصعد الغرفه لهنا التي كانت جالسه تبتسم بوهن وتعب لفاتن التي تحاول اضحاكها
.
.
فارس::كيفها دلوجتي
.
.
سعاد::الحمد لله يا ولدي اكلت وخدت علاجها واهو جاعدين معاها لحد ما تاجي انت
.
.
فارس::خليكم جنبها لغايه ما ارجع يا خاله
.
.
فاتن اندفعت ووقفت بلقرب من فارس الذي اندهش وصدم من الفرحه ::فاتن انتي بتمشي
.
فاتن بفرحه::ايوه يا حبيبي بمشي وبجالي فتره كمان
.
فارس بزعل::بجالك فتره ومتجوليش.
.
فاتن::هفهمك بعدين بس دلوجتي انا عايزه اطلب منك طلب
.
فارس::خير
.
......................
رحلت ايه وابوها مكسورين من القصر الذي لن يدخلونه مره اخري في السياره التي خصصها لهم فارس واكد زياد علي الحرس الذين عينهم لمراقبتهم ان ينتبهوا جيدا لاي شخص يدخل او يخرج عليهم وان ايه مش سهله وان ينتبهوا جيدا لها
.
دخل زياد القصر وجلس بحزن
.
رن هاتفه وكان مؤمن
.
.
مؤمن::احممم زياد الجماعه مرعجوش بيتهم لسه بس الي اعرفه انهم وصلو القاهره وهما كويسين
.
زياد ::تعبتك معايا يا مؤمن
.
مؤمن::متقولش كدا انت اخويا
.
انهي زياد المكالمه وارجع رأسه للخلف بقله حيله ولكنه فوجئ بيد توضع علي كتفه
.
زياد::فارس
.
فارس::جوم روح لخطيبتك
.
.
زياد::بتجول اي وكيف بس اروح واحنا في الظروف دي
.
فارس::جوم روح لخطيبتك والاوضاع تمام فوزي وهنعرف نخلص حجنا منه في المحكمه وخالد انا هتصرف معاه جوم انت بس راضي خطيبتك وامها
.
.
نهض زياد بفرح واحتضن فارس::ربنا يخليك ليا يا رب
.
.
خرج زياد من القصر بفرحه عارمه تجوب صدره
.
.
فارس::دلوجتي وجت حسابك يا خالد
.
خرج فارس واستقل سيارته وهو غاضب ووجه غامض وينوي الشر لخالد
.................
.