شمس المراد (مكتمله)

انا فقط احببتك

أشعر بالخوف من المجهول فأوينى
أشعر بالخوف من الظلماء ف ضمينى
أشعر بالبر ف غطينى
وظلى قربى غنيلى
فأنا من بدأ التكوينى ابحث عن وطنا لجبينى
عن حب المرأة يأخذنى لحدود الشمس ويرمينى
"نزار قبانى"

ف صباح يوما جديد عند حياة وجنات وشمس
شمس:كل حاجه تمام عاوزه منى حاجه تانى
حياة: استنى لما العروسه تجى واتفرجى وشفى هنعمل اي
شمس:لا ي ختى بضرب لخمه و معرفش اعمل حاجه معاكم وهعطلكم أنتم مع نفسكم
جنات :مش عيب عليكى تكونى محاميه شاطره وضربى لخمه ف تجهيز عروسه
حياة:معرفش يوم فرحك هتعملى اي
شمس؛ولا حاجه هسلم نفسى ليكم طمرمطونى برحتكم
جنات:هتسلمى نفسك لينا تسليم اهلى
شمس:اول ما يجى العريس هسلمكم نفسى
حياة:كدا كدا هيجى ان شاء الله
شمس:يلا باى همشى
جنات:خليكى ي بنت هتروحى تعملى اي
شمس:ابدا هتغدا وعندى ملف قضيه هدرسه
جنات:شغل حتى يوم الجمعه ي شمس
حياة:شكلك كدا هتموتى ف محكمه
جنات:ويصلو عليكى هيئة القضاء
شمس:الله يسامحكم انتم تقدرو تستغنو عنى
حياة:انا عن نفسى مستحيل
جنات:رغم معرفتى ليكم من فترا صغيره بس حاسه انى اعرفكم من زمان
حياة:اي جو العشاق دا
شمس:شجره وانتين لمون لو سمحت
حياه :هههههههه
جنات:هههههه
شمس:تدوم يلا باى
عند مراد فى مكتب ابيه ف الفيلا
طاهر :فاضل حاجه تانى
مراد:لا كدا كله تمام هروح انا بقا تعبت من الشغل النهارده يوم راحه
طاهر :مفيش حاجه اسمها راحه ف شغل ونجاح وبس
مراد:اللى تأمر بيه طاهر باشا يلا بقا همشى
رحل مراد متوجه نحو المكان التى تجلس فيه مها
مراد:الحلو سرحان ف أيه
مها:ولا حاجه خلصت شغل
مراد:اه همشى بقا
مها:ع فين العزم
مراد:هروح اصلى الجمعه وبعدين هروح ادور ع الشمس
مها:خلى بالك ل تحرقك
مراد:شمسى بدفى مش بتحرق
ذهب مراد وترك مها تدعو له براحت القلب
عند شمس
سماح الداده:شكرا ي شموسه
شمس:ولا شكر ولا حاجه انا اصلا بحب اجهز الاكل
سماح ربنا يكرمك بواحد يسلمك روحه
شمس :روحه اعمل بيها اي
سماح :علشان ميقدرش يستغنى عنك
شمس:خلاص هستنا يجى هروح اقعد مع سالى ندردش سوا
عند سالى التى تجلس مع شادى صديقاها وابن خالتها
وهدى صديقة سالى ووالدها صديق طارق ابو سالى
هدى :انتى خلاص هتعلقى مع مراد
سالى:اه لما اشوف اخرتها مع اي
شادى:خلى بالك ي سالى ليكون بيحب وحده تانى وانتى تعلقى نفسك بيه ع الفاضى
سالى:يحب مين ي ابنى دا باباه مش سامح ليه يتنفس علشان يحب
فى مدخل الفيلا يفتح الحارس لسيارة مراد الذى ذهب الى طارق على أمل يرا شمسه وينظر إلى عينها التى يشتاق الى روأيها
سالى:اهو اجا مش قلتلكم
هدى:شكله مز جامد
شادى:مز ماتلمى نفسك
هدى:انا قلت حاجه دى حقيقه
سالى:خلاص بقا وصل
مراد:هاى ي جماعه
سالى:هاى زيك ي مراد
مراد:تمام اخبارك انتى وبابا وماما
بابا وماما خرجه وراهم مشوار
مراد:كنت جاي اتكلم مع طارق بيه ف الشغل
سالى:خلاص استنها
مراد:اوكى
سالى: تعالى اقعد معانه دا شادى ابن خالتى وصديقى كمان ودى هدى صديقتى وبنت يحيى بيه صديق بابا
مراد:اتشرفت بيكم
شادى:الشرف لينا
جلس الجميع يتحدثون
ثم جاءت شمس لترى مراد جالس مع سالى لنفسها
اي دا اجا امتى هرجع احسن
ف هذه اللحظه يراها شادى :شمس تعالى ي بنتى فينك كدا
سالى:شمس تعالى اقعدى معانه شويه
شمس :لا شكرا وريا شغل
هدى:شغل اي يوم الجمعه تعالى وحشتينى
مراد:شكلها مش عاوزه تقعد معايه همشى انا بقا
سالى ممسكه يد مراد:لا استنى هى هتجى تعالى بقا
شادى:علشان خاطرى يلا بقا
هدى:تعالى عاوزه ارغى شويه معاكى
ذهبت شمس وجلست بعيد جدا عن مراد الذي كان ينظر إليها بنظرت العاشق المشتاق الى عيون محببته
كانو يتحدثون لم تتكلم شمس كثيرا وكان مراد يسرق نظرات إليها مما كان يخجلها كثيرا
اتى الحارس ليخبر سالى:ف واحد برا بيقول انه صديق مراد بيه اسمه على الجمل
مراد:اه دا واحد صحبى
سالى:يلا روح خالي يدخل بسرعه
دخل على الى المكان الذي يجلس ف الجميع
على:السلام عليكم
الجميع وعليكم السلام
مراد:على اي اللى جابك
على :مها هانم قتلت انك هنا جيت اشوفك واتعرف ع اصحبك الجدد
سالى :نورتنا اتفضل
على :ازيك ي سالى
سالى:تمام اعرفك ع اصحابى دا شادى ودى هدى ودى شمس
على:اتشرفت بيكم
الجميع :اهلا بيك
مراد محدثا على بصوت منخفض :اي اللى جابك
على:قتيلك انهارده اعرف مين سرقة صحبى منى
مراد:ماشى ي على
سالى:أنتم بتتوشوشو ف اي
على:ولا حاجه اي الأخبار كنتم بترغوا ف اي
هدى: ف امور الدنيا
شادى:كل حاجه وأي حاجه
على:تعالوا نقول سؤال والكل يجاوب عليه
هبدأ اي احلامكم
سالى :الف العالم
هدى:افتح مكتب هندسه
شادى:امسك شغل بابا وانجح فيه
شمس:افتح مكتب محماه بأسمى
مراد:اتجوز
الجميع بدأ الضحك ع حلم مراد
مراد:وانت ي علوا
على:فتح شركه تحمل اسمى وتنجح كدا وتكون اكبر شركه ف الشرق الأوسط
بمناسبة حلم مراد اي موصفات فتاه او فتى أحلامك
سالى:يكون مز ومعاه فلوس كتيرا علشان نلف العالم سوا
هدى:يكون طموح ويشجعنى علشان انجح معاه ويقبلنى ذي ما انا ميحولش تغييرى
شادى :تكون صبوره وستحملنى وننجح سوا
على:انا بقت عاوز احس معاها بحنان الأم
سالى:ي قلب امك
مراد:يعينى ي بنى
هدى:اتجوز وحدا اكبر منك
شادى:اي احساس الافتقاد دا
على:أمى اتوفت وانا صغير ملحقتش استمتع بحنانها ولا اهتمامها بيه
مراد:ندور ع وحدا حنونه تغرقك ف الحنيه
هدى:ولا وحدا بعصايه كل ما يغلط تظبطه
شادى:اعرف وحدا مدرسه كانت ف مدرستي هتغرقك حنان بالعصا لما تشبع حنيه
ضحك الجميع ع على الذي كان يريد حبيبه كأما له
شمس:عنده حق متضحكوش عليه
نظر اليها كمن لم تكن موجوده من قبل
شمس:بتبصو ليا كدا ليه عنده حق انه يدور ع شريكة حياته تعوضه حرمانه من امه تكون ليه ام ويكون ليها سند
على:الناس اللى بتفهم شكرا شوشو
مراد محدثا على بصوت منخفض:خف تعوم ي خفيف
على وقد رسم ع وجه ابتسامة النصر:بقى دة المزه
مراد:مزه تانى
على:اهدا ي برنس وسط ناس احنا
مراد:ماشى ي على
شادى موجه الحديث لشمس :مقولتيش انتى مواصفات الراجل اللى هتتجوزيه
شمس:مش عارفه بس مره قريت مقوله عجبتنى
(لا أريده كاملا او مثاليا، يكفي أن يكون صادق ليطمئن قلبى معه)
نظر الجميع لها بدهشة
شمس:اي قولت حاجه غلط
على: لا ابدا ربنا يكرمك بواحد يكون حلو زيك
شمس ب خجل:شكرا
على :العفوا ع اي
مراد:هقتلك ع فكرا
على:البنت تستهل تسيب الدنيا علشانها
سالى:وانت ي مراد
مراد:تكون ليا شمس تنور حياتى
ف هذى اللحظه دخل طارق ومعه زوجته ليرحب بجميع
طارق:اهلا وسهلا نورتونا
فريده:ازيك ي مراد نورتنا
مراد:دا نوركم كنا جيين نتكلم مع طارق بيه ف الشغل
على:ف بعض الأمورعاوزين نتكلم معاك فيها
ذهب الجميع إلى داخل مكتب طارق ورحل الجميع ذهبت شمس الى غرفتها
بعد ما انتهى طارق ومراد وعلى من العمل ذهب الجميع
عند على ومراد
على:قولى بقا شفتها امتى وفين واذي
مرود:ااه اقولك اي بس ي على ي خويا
على:اي الهيام دا كله
مراد:معرفش سرقتنى منى بحس وانا معاها مش عاوزى اي حاجه من الدنيا بس أتأمل عينها واسمع كلامها واتنفس هواها
على:اي دا الحب جعل منك شاعرا
مراد:شاعرا وانت اي
على:عادى انت تقول شعر وانا اغنيه وراك
مراد:طيب ي سيدى
على:بس البنت مزا
مراد:ماقلنا بلاش مزا دى هعلقك
على:ههههه انت بتغير من دلوقت اومال لما تتجوز هتعمل اي
مراد:هدخلها جوا قلبى واقفل عليها
على:خلى بالك من الغيره الذياده
عدا الوقت وجاء المساء
عند جنات وحياه
جنات:اخيرا خلصنا
حياة:بقولك اي مش حاسه ان شمس مخبيه حاجه
جنات:لي بتقولى كدا
حياة:مش عارفه بتسرح كتير
جنات:يمكن ف قضيه شغله بالها شمس مش بتخبى
حياة: مش قضيه متأكدا بس هستناه تجى تحكي ليا ومش هزعل منها انها مقالتليش من الاول
جنات:ايوه انت ي كبير ي عاقل
عند شمس ف غرفتها تجلس لتقرء
وفجاءة ظهرت ع وجهها ابتسامه وكأنها تنتظر خبر جميل وقد أتى ليها
مراد:بتعملى اي
شمس:بقرا كتاب
مراد:كتاب اي
شمس:كتاب ف القانون
مراد:مخفتيش منى المرادى
شمس:اتعود
مراد وقد جلس ع السرير بجوارها ينظر إليها:وحشتينى
شمس:لسه شايفنى الصبح
مراد:انتى كنتى قاعده ومش معانه بتتكلمي كل فين وفين
شمس:كدا احسن
مراد:كنت عاوز اسمعك
شمس:تسمع منى اي
مراد:كل حاجه عنك
شمس:انت تعرف كل حاجه عنى
مراد:لا عاوز اعرف بتحبى اي بتكرهى اي مين اصحابك
كل حاجه عنك وتخصك
شمس:معنديش اصحاب كتار غير حياة وجنات بس
مراد:وهدى وشادى وسالى
شمس:ومأخرا على واحمد زميلى ف الشغل بيعتبر نفسه ولى امرى
مراد :مش عاوزك تعرفى اي راجل غير فاهمه
شمس:لي مخدنى حكر عليك
مراد:انتى ملكى مش عاوز حد يشوفك غيرى
شمس:مش فاهمه حاجه انت اخر اللى بتعمل دا اي
مراد:نتجوز
شمس:نتجوز انت شفت وحبيت وكمان عاوز تتجوز
مراد:مبحبش اضيع وقت
شمس:وسالى وباباك وامك هيرضه بيا كدا بسهوله
مراد:مش مهم كل دول المهم انتى تكونى معايه
شمس:مراد مينفعش اللى انت بتقوله دا
مراد:لا ينفع هقول العالم كله انك حبيبتى وشمسى
شمس:اهدى بس مش عاوزه حد يعرف ف دلوقتى
مراد:ليه يعنى
شمس:وحيات اغلى حاجه عندك
مراد:وحيات شمس عندى بس بشرط احكي ليا عن نفسك
شمس :هقولك اي يعنى
مراد:اي حاجه وكل حاجه
شمس: بابا وامى اتوفوا وانا صغيره واهتم بيا طارق وكملت تعليمى ودخلت حقوق وبكن ليه الاحترام وكمان فريده وبحب سالى اتربية انا وهى و شادى مع بعض اتعرفت ع حياة صحبتى ف المدرسه وكمان اتعرفت ع جنات عند طريق احمد زميلى ف مكتب الاستاذ فاروق ومن يومها واحنا اصحاب بحكى ليهم عن كل حاجه ف حياتى وهما اقرب لى من سالى
مراد:حكيتى عنى
شمس :لا
يرن هاتف مراد ويودع شمس ويرحل وهى جالسه ف مكانها لا تريد تعرف مين اين يأتي ليها تريده فقط داخل حياتها يختلط ف تفصيل يومها تعشق الحديث معه لا تريد الابتعاد عنها ولكنها تخاف من المجهول ولا تريد تفضح أمر حبها الجديد
تظل الأيام تجرفنا ف طريقها لا نعرف اي نذهب سوا ان نتظر مرور الأيام

بقلم أسماء جمال