تزوجت معاقًا🔥🔥🔥
الحلقه الثانيه عشر 12
للكتابه فاطمه العبيدي 📖✏
انا:-فطنت للروحي طلعت نجري من الدار بدون مقدمات وسكرت علي روحي فالحمام وقعدت نبكي خفت خفت لما سمعت انه من الممكن انه وحده تشاركني فيه .....بديت نميله هو أماني يلي ماعرفتش قيمته هو باتي هو حبيبي يلي كسرته ف حبي كنت ضايعه نبيه ومانبيش .....
خشيت للحمام وسكرت علي روحي الباب وقعدت نبكي....
رواد🍃🍃
كانت في حظني وكنت ع شوي بنعترفلها بحبي......
نطت فجأه وطلعت تجري للحمام بدون مقدمات استنيتها تطلع ماطلعتش ......عرفتها انها مزالت ماتخلصت من حبها وانها خايفه تضعف قدامي ......
انا:-كنت مصبيه قدام مرايه الحمام وانبحت في وجهي ودموعي ينزلن ماعرفتش روحي كني ....انا تعلقت بيه؟انا حبيته مازلت ننكر الشي هذا؟مازلت مش معترفه؟؟؟....عليش نبكي بس بنعرف ،،،محمد الحقير يلي تبكي عليه باعك بالرخيص ...انا مستحقره نفسي اني ماعطيتش رواد فرصه بسبااااه وكنت مقرره بعد هذا كله نسيبه .....آه💔
طلعت من الحمام وانا مرهقه ونجر في روحي ...خشيت لقيت رواد ع طرف السرير من الجهه الثانيه ومطبس راسه
رواد:-مش قادره تنسيه صح للدرجه هذه
انا:-رواد مش هكي انا....
رواد:-لالا هك هكي ونص ي عايشه في كل مره نتقرب فيه منك تهربي مني فجأه فالبدايه نقول منحرجه بس توا عرفت السبب
انا:-رواد والله ماهكي رواد انا مس قصدي
رواد:-انتي تعدي فالأيام عشان تمشي للهلك نشوف فيها لهفتك ف عيونك بعد مانطلقك تمشيله
أنا:-رواد والله مانبيه اقسم بالله😢انا فالبدايه ماكنتش نعرفك كنت نحكي هك انا تمنيت اني عارفتك قبله رواد اسمعني والله ماعاد نبيه
رواد:-عايشه شفتي روحك قبل شوي شن درتي
انا:-😔نبيك تعطيني فرصه بس والله محمد قلبي نساه وانت توا كل شي ف حياتي
رواد:-كان يسمع فيا .....ومطبس راسه بعدها خذا بطانيته ومخدته وعدى للدار اللخرى....
وسيبني💔💔💔
قعدت مقعمزه عالسرير ونبكي 😭مانبيش نفقده ياربي ليش انا يسير معاي هكي قعدت ماشيه جايه فالدار كيف نخليه يسامحني.....
فتحت دولابي وطلعت منه روب ترددت اني نطلع بيه بس لبسته فالنهايه كان لونه اسود دانتايل مفتوح وطيل ودرت روج احمر فاقع وطلقت شعري وطلعت لقيته مطفي ظي الدار.....
رواد🍃
كنت متمدد علي فراشي وحاط يدي علي وجهي شميت ريحة عطرها قريب من الدار بعدها خشت عليا درت روحي راقد
انا:-لقيته حاط يده ع وجه ماعرفتش شن اندير.....
هزيته من كتفه رواد رواد عارفتك مش راقد رواد
رواد:-هممممم مش ماتبينيش شن تبي جايه
انا:- انا آسفه تعال ارقد جنبي نخاف انا
رواد:-والله شن تحقي فيا ...عدي ارقدي بروحك مافيش شي يخوف
انا:-رواااااد بتجعوين ....آسفه انا قتلك آسفه كنك مكار ي انت
رواد:-وفتحت عين وحده ....من مكار انا
انا:-وهزيت راسي وانا مقعمزه جنبه اها
رواد:-باه صار هكي
انا:-جيته وقربت منه وقعدت نمسد علي لحيته.....مكار ومجنني وخلاني نتعلق فيه بسرعه وذوبني فيه وفي طيبته
رواد:-آه شن انديرلك انا
انا؛-نبي فرصه بس طشه فرصه ....وقعدت نمشي في يدي ع وجه مسك يدي رواد وقعمز وقعد مقابلني وماسكها وحطها علي قلبه ...انا نعطيك عمري كله لكي 🌸ومعاك لحد ماتحبيني ....وانا مش طالب منك شي كل شي حيجي مع الوقت وكرني وخذاني في حضنه
انا:- رواد
رواد:-امممم عيونه
انا:- سامحتني علي درته فيك
رواد:-انسي توا خلينا نبدوا صفحه جديده .....وهيا قدامي للدار ولابستلي اخرى وتقولي نبي فرصه
انا:-ههههه ها شن انديرلك
رواد:-خشي خشي قدامي يارب صبرني وخلاص
