والله وجعتني قلت انزلها الحلقه بدري احمدن ربكن البنات المتدربات ماجنش اليوم😂😂 والصيدليه مش زاحمه فلقيت وقت نكتب 😉💛
تزوجت معاقًا
💡الحلقه الخامسه عشر 15💛🍃
💡للكاتبه فاطمه العبيدي 📖✏
وعدت سحر فكت وشاحها.....
وقعدت توضا وعلقت مساكتها عالشجره والتفتت مالقتهاش .....
سحر:-وهي تلف في شعرها وين البلا وين راحت.
زيدان🍃فيش اتدوري علي هذه....
سحر:- انت انت😨من امتى هنا...سحر كان لابسه توته كم لونها وردي طويله ....(سحر سمره بس ملامحها حلوات بكل مش سمره زين..... السموريه يلي تقتل وعيونها العسليات زيداتها جمال وشعرها الاسود يلي ماشي مع ملامحها وشعرها أسود كثيف ولانها قصيره وطشه كان مغطيها)
زيدان :-وين من بدريييييي وهو يحرق في دمها زيدان كانت شخصيته حلوه وجذابه 😍😂 لكن هو رقيق واجد وطويل حنطي شعرها اسود بس فيه خصلات شيب فيه شبه من جدته عيونه مايلات اكثر شي للرصاصي
سحر:-وهي تلف في شعرها بيدها جيب المساكه هنا جييييب
زيدان :-مش معاطيها شن تبي اتديري
سحر:-نعيط ونلمهم عليك
زيدان:-جا يجري سكر فمها بيده.....اه شن تبي اتديري توا
سحر:-اممممممم وهي تدف فيه وعظت يده وخذت مساكتها
زيدان:-ي غجريه اي كنك هكي انتي
سحر:-لفت شعرها فوق كعكه ....وهي تأشر بالسبابه ....بيش بعد المره تتجرأ.....
وانا غيرت دبشي وقلت للرواد بنمشي للسحر سيبتها بروحها......وعديت ندور فيها ...
سحر ي سحرررر وينك .....البنت وينها شكلها ردت للخيمه
~~~~~
عند سحر وزيدان🍃🍃🍃
سحر:-ووووو وووو عليا حي هليا توا تشوفنا مع بعضنا كله منك كله منك
زيدان:-هدي ...بس وكرني وانطمرت نا وياه ورا الشجره كانت كبيييييره ومتفرعه وعروقها نزلات عالارض
سحر:-شكلها عدت.....وفطنت للروحها وهي وجها ع صدر زيدان....انت هاي شن تحساب روحك
زيدان :-انتي يلي لصقتي فيه مش نا وغمزله😉
سحر:-وجها حمرررر لبست وشاحها وعدت تجري
زيدان:-اه 😪
~~~~
وجتنا سحر ونحنا قاعدين مقعمزين كلنا نشربوا فالحليب
انا"-وينك اندور فيك
سحر:-اه اهني....اها اها غير ودرت الطريق
الحاجه حواء:-ياناعلي ي مينتي باهي يلي مارحتي تعالي قعمزي حذاي نصبلك حليب
وقعدت نهدرزوا ودرنا فطور وقعدنا نوتوا فالغداء وكان مكرونه علي لحم وطني ومصير كملنا الغداء وغسلناهن وقعمزنا
كريمه:-ي انقنا مافيها الا دوره مثروده
صباح:-خليها عنك توا انديرها نا
رجعه:-خلني عاد نساعدكن من امس وانتن تحطن قدامنا
كريمه:-خلاص نصلو العصر وانديروها عصريه
صلينا العصر وطلعنا نتفرجوا عليهن😋
عميمه كريمه عجنتها وعميمه صباح رمتها ...
والجمهور المتابع يفت....😂😂
انا:-باهي ي عميمه عطيني نجرب عادي خاطري نتعلمه
صباح:-مرات يعوقك ي مينتي وهذا واعر عشان لوطه وهج
انا:-نجرب فرده بس
سحر:-ههههه غلبتينا ي عويشه
مهى:-مش مقتنعه نتعلمه
انا:-بالعكس والله فيه جو مادام تزوجتي مفروض تجرئي
صباح:-تعالي بلي يدك بميه قبل
انا:-وبليت يديا وخذيت فرده بنلصقها ....وتصبي فوق راسي يسرا لاااااامش هك ....
انا:-فجعتني ومانفطنش الا ملصقه يدي فالجمرررررر اااااااه
صباح:-باسم الله باسم الله ي ياناعلي تعوقتي
كريمه:-تعالي تعالي ي بنات جيبلي معجون من معاها معجون . ولا طماطم حكيه...وعدت سحر تجري تجيب فيه
الحاجه حواء:-صبت مفجوعه من الخيمه ياناعلي ي بنيتي عين عين
صالحه:-تحسي فيها واجد ي بنيتي كان هذا نشيلوك للمستشفى
انا:-وغاصره الالم في قلبي ...لا ياجديده ساهله ديما شغلتكم معاي
وسمعوا الرجاله الهرجه جو يجاروااا.....
رواد شافهم ملتمين مايحسابنيش انا
رواد:-وهو يعرج جا ف اتجاهنا من كنكم شن صاير
فاطمه:-ياناعليا عويشه وطت فالجمر
رواد:-وهو يجري يباعد فيهم جا صبه قدامي تي شن جيبك له الجمررررر شن جيبك له كذا كذا يدك كنها هكي حمره كنها يدك ....انفجع حطتلي عليها عميمه كريمه طماطم معجون
صالحه:-لاهذا طماطم حطين عليها
رواد:-اي طماطم صبي هيا تشيلك
انا:-رواد خلاص مافيا شي ونترجا فيه بعيوني....
سامحوني شغلتكم معاي مافي شي
الحاج زيدان:-كان تحسي ف حاجه ي بنيتي اهو راجلك قاعد توا يشيلك
انا "-لا ي جدي مافيا شي كويسه
رواد:-هيا صبي باهي معاي المرهم جبته معاي عشان نحطلك منه
فاطمه:-صبي مع راجلك ي عويشه
انا:-صبيت مع رواد اسمحولي بس فجعتكم
صباح:-لا يبنيتي مش بيدك
ويسرا:-🔥🔥🔥🔥🔥🔥
~~~~~
رواد وهو ماسكني من مرفقي ....
بنعرف بس شن جيبك له بس الجمر تي انتي كنك حتى الحرقه ف بطنك ماحولت
انا:-وعيوني مليانات دموع كنك تهزب انت وفكيت يدي منه حول معش نبي منك تساعدني
رواد:-عويشه كنك ناخايف عليك ي حبيبي اتديري ف حاجات ماشور شي اهن الصبايا قاعدات عليش ترهقي في روحك
انا:-حبيت نجرب بس....قلت مرات يقعد خاطرك فيها وانا مانعرفش انديره
رواد:-قربني منه معقوله حبيبي نخليه ينحرق عشاني عنبوها الحاجه يلي تعوق حبيبي اليدين هذينا مانبيلهنش الشقا وبعدين لما تبي اتديريه انديره معاك نا بعدين هذا واعر مش كيف لما يقعد فوق
انا:-دفنت وجهي في صدره ...انحبك
رواد:-اه ي عمري وخلاص ....
تعالي كذا منها نغيرلك حتى غيار بطنك الشاش في سيارتي والكريمه ...ركبت مع رواد فالسياره وطلعلي الشاش والمرهم واللصقه
هيا حبيبي ارفعي التوته نغيرلك .....وقالها بكل حنيه
انا:-حبيبي مايشوفونش
رواد:-لالا بعيد
انا:-رفعت التوته وطبس رواد عليها وفكلي الشاش يلي من قبل ودهنلي المرهم وحط علي اللصقه ونزل توتي
رواد:-اه منك وخلاص ...اتديري في حاجات حلال فيك عضه
انا:-نهون عليك
رواد:-ناعليا نا وقرب مني زين عند وجهي حبيبي معش تعبي روحك واجد راك عروسه مره طايحه مره منحرقه شوي وتشفشيلي هنا بشويش علي روحك
انا:-عيب نقعد مقعمزه ونتفرج
رواد:-الكلام معاك مافيش فايده ومسك يدي مسحها ليا من الطماطم....عليك رايات توا تتلوث
انا:-خلاص حبيبي تهزب لك ساعه بعدين كف يدي بس ....يدي من بره مافيهش شي وبسيطه راه ماتوجعش فيا
رواد:-لفلي يدي رواد ....هيا انزلي
انا:-رواد قول للعميمه تجي معانا خلاص عيب مسيبه حوشها لها اسبوع
رواد:-ياناس انحبها ي ناس ......ربي يخليك ليا ي قلبي ويحفظك ليا حاضر من اليوم توا نكلمها
انا:-ويخليك ليا ي قلبي
