مهرتي

1☺️

اوف ماما اي اي كاعدة (صوت نعسان)

لج كومي تغدي يلا صايرة شضعفج

اي هاي كايمه روحي صبي الغداء واجي وراج

كومي اصل صابته للغداء يلا حبيبتي

اي ولله
يلا كومي اني رايحه كدامج

اووف يربي شنو هاي هس كعدت اني حتى ما اشتهي اوف ما تخليني انام

رحت غسلت وجهي ورحت للمطبخ مفتحه عين وعين ليكتهم كاعدين ماما وبابا واخواني  متانيني على الغداء لان ماما ما تاكل اذا اني مو يمه مع لعلم انو اني اضل اسابيع بيت عمي وافتر على بيت جدو وعماتي ويا اربع وعشرين ساعه من بيت لبيت 😂😂😂😂وماما وبابا ما يمانعون

هلا ولله صح النوم زين من كعدتي

ولله بابا نعسانه لحد يحجي وياي احسن لحد ما اصحة عدل
حجة اخوي الاصغر مني

هههههه بابا دعوفه ما تشوفة لسا مغمضة عيونه

رديت اني اكلكم شنو هاي انتو ما تملون من هاي لسطوانه كل يوم تحجون هيج

يلا كعدي اكلي

اي كعدة يم ماما وبديت اكل طبعا اني لسا نعسانه وبعدي نايمة تقريبن يعني بس اكل لمهم لمن اصحة زين اكولكم منو اني 😂استحملوني
اكلت شكم خاشوكة وكمت مع انو ألكل طيب بس شسوي خرة بهل لمعدة لطايح حظه 😣😣 ومعدتي تعودة هيج وكت ما اكل لان كوتلكم اني كل يوم بيت واحد من عمامي وبيت خوالي وجدي فايخلوني نايمة بكيفي بس ام ماما لمن اروحله تسوي نفس ماما لمهم كمت من السفرة اول وحدة وطبعا اضافه الى انو معدتي نحسه اني اموتتتت على الاكل شنو عشقي هو عدنه قاعدة ياهو لي يخلص آخر واحد يغسل اماعينه هاهاهاها 😂😂😂جا شعبالكم اني احب معدتي بهاي لحاله لان اشبع اول وحدة  وهاي لقاعدة حتى على اخواني اني لسا ما غاسلتهن  لماعين 😂😂😂😂😂😂

ماما حجت ها شو كمتي شبسرعه شبعتي حتى ما اكلتي هواي

ماما مو تدرين هيج وكت اني ما اكل هواي حجة اخوي لوسطاني

اني لو ادري هاي معدتج معدة عصفور بسرعه تشبعين

اي معدت عصفور يلا باي

حجت ماما بس لا راح ترجعين تنامين
لا ماما راح اروح اصلي وبعدين اكعد على الموبايل عندي شغل ليوم

رحت توضيت علمود اصلي  

خلصت صلاة  

احم احم هس راح اكولكم منو اني طبعا تعرفون اني أشهر مصمم بالعالم يلا شو يلا صفوكولي هههههه طبعا تعرفون جذب خلي اصب جاي واشحن موبايلي واجيكم

لموبايل وخليته على الشحن والجاي وصبينا  ورجعت مرة ثانية خلي اسولف على نفسي اولا شي

اسمي °•بنين °•  اصراحه اني نفسي اغير اسمي بس بديت احبه لمن صديقاتي يدلعني بنو وعرفت معنى انو بس يسمون للاولد لا معنى  الحكمة التفكيرة والعقلانية . عمري 20 طولي 1.65 لون بشرتي قمحي جسمي حلو نفس الساعه الرمليه شعري طويل لونه اسود وطبعا بالرابع إعدادي كصيته لرقبه بس شنو غير صديقاتي دكني دك بس ماشالله طال بسرعه ولله حتى ما تهنيت بي وهس هم اريد اكص بس مدري شنو لمخليني لسا اصل عدنه وراثه لشعر الطويل بالعائلة كله بناتنه شعره طويل وثخين  على العموم عيوني لونه اسود كلش لان اكو عيون ينطن غير لون بالشمس بس اني عيوني ابد ما يتغيرا سود نفس سواد ليل حتى لبؤبو مالت عيني ما مبين من كثر ما سود بس مو كبار يعني عادي لا كلش صغار ولا كلش كبار  ولمن احط كحل يصيرن احلى رموشي طوال وثخان  حواجبي ثخان وشمرتهن كلش حلو من لله وحلكي صغير بس خشمي جبير ماما كل ما تباوعلي تكلي تخبلين لو ما خشمج طبعا كله لعائلة هيج واني كولش صارة السالفه عادية عندي و دائمن  ارد عليهم انو كل شخص الى شي يميزة عن غيرة وشي هو جميل بي اني مقتنعه بخلقت لله انتو شلكم دخل طبعا كل يوم جايبين اسم دكتور شكل واسيروم مدري شنو يسوي وطبعا كوله تقلد على خشمي بس الصراحه اني ما هتم لان من دون شماته هههههههه جهالهم نص القلدو على خشمي طلعو خشمهم كبار😂😂😂😂😂 اني ما عليه ولله هم يعيلون المهم وطبعا اول مرحلة جامعة تربيه كيمياء مسائي وكاعد احاول استضافة صباحي  ولسا ما مداومة واني اصل شوي جبانه وصديقات كولهن عادن واني هم ما طلعت معدل  نفسيتي تعبت شوية ولسا ما متاقلمه على الوضع