مهرتي

61

أركان:بنو تعالي وراي 

بنو:اي جاي 

يايمه لله يستر صعدة ورى وهو يفتر بالغرفه 

أركان:رفعت راسي من حسيت بيه اشرة بيدي تدخل وتقفل الباب وراه وجه صار اصفر شلون تدخلين بهيج شي وبعدين منو كالج ترحين 

بنو: ممدخله بشي واصل مصار هواي يعني من اعرف بعلاقاتهم وحتى مسويت شي الهم 

أركان:لعد شلون هس رحتي ويا هاي شايفه لو امي متريد حوري شسوت بيجن انتي وأستبرق واعرف هي وياج شنو تسون 

بنو: أركان لا تعيط عليه فهمت وبعدين شنو مسويه اني هو حر برأيه اني مجابرته  ولا ساحلته من ايده وكتله روح اخطبه فهمت او لا 

أركان:لا تعلين صوتج عليه لا اكسر راسج فهمتي وهس شوفي شنو حجي يجي عليج سوى انتي مدخله او لا وتحملي 

بنو: لا ولله وحنه نضل  نحسب حساب لليسوه ولي ما يسوه  ونخاف نسوي شي خاف يحجون شي اني ممدخله بشي ترى كينان رجال واعي والى رايه حجيت بصوت عالي ما احس غير شي حار على وجهي 

أركان: لا تعلين  صوتج لا اكسر راسج ضربته

راشدي كسر ايدي انشالله ولا نمدت بس ما أريده تتعلم تعلي صوته هيج 

بنو: هي هاي بعد عندك اقوة اضرب بعد 

أركان: وخري من وجهي لا تسودنيني لا ولله اسوي شي ميعجبج 

بنو: ما اوخر شسوي 

أركان: ادري بعناده لو طلقه برأسه تبقى فطلعت اني من الغرفه كوله عمود ما اسوي شي أندم عليه اخذة باكيت الجكاير  وطلعت للحديقه لكول نايمه كعدة ادخن جكارة ورى جكارة يمكن زودته صدك 

كينان:هاي شكد مجكر شدعو 

أركان: شلت راسي باوعتله صفح ورجعت اباوع لكدام  

كينان:مبروك 

أركان:انت العريس عليش تبارك 

كينان: لا يالله بس تطلع مسويه مفاجأ  إلا واني حركت

أركان:شبيك متحجي

كينان:لا مو...

أركان: تحجي لو شلون هس 

كينان:بنو حامل بتوائم متدري 

أركان:طفيت الجكارة وعدلت كعدتي هاي من شوكت وليش محد حجى 

كينان:ليوم راحن لدكتورة بنو وماما 

أركان: ولويش محجن ومنو اخذهن