غدوا من ذاك ناضت ياسمين على صوت ضحك طلت ملبالكون لقات جماعة تاع دراري يلعبو بلما و معاهم اميرة و محمد و تغريد و ريان
ماستناتش بزاف حتى هبطت تجري بلحفا و بلبيجاما لي كانت عبارة عن شورت يلحق لفوق ركبتها و تريكو
محمد و اميرة غير شافوها بداو يرشو فيها
ياسمين:ااااع بااارددد هاداوين نضضضت
اميرة:تستاهلي خليني نخلف ثار
محمد:وعلاه نتي قليل ما نوضتيني بلبيدون تاع لما اهدري
كانت تجري و تعيط و هوما موراها و يضحكو حتى
.....اووووووبببب ططخ
ياسمين:ايمااا رااصيي
محمد:جاتك لموت يا تارك الصلاة
ياسمين غير شافتو تخبات مور ريان و كرشت فيه و بدات تضحك
اميرة:ريان ادنى ماتخبيهاش سينو تروح فجرتها
ريان:بالاكو تغلطو ماكان مادخلني هي لي راهي مكرشة فيا كي شادية
ياسمين و هي مازالها موراه و تضححك:ياو نتا شادي
تغريد:ماتقوليش على خويا شادي خاطرش نولي مام انا شادية
ياسمين:تغرودة اتبراي منو و انا نتبناك
تغريد:ههه اوكي
ريان:محممممدددد لييومم موتك
محمد:خاطيني قتلك بعد
و ولاو يجرو موربعضاهم و صوت ضحكاتهم لاحقة لبرا
تغريد:يااا موحمد علاش شمختني هكا
محمد:ههههه و شكون قالك حامي على ياسمين
ياسمين:يالحڨار كي شفتها عاقلة حبيت تحڨرها اشطارلي ليا نعتلك كيفاه
ريان كان يشوف غير فياسمين لي لبستها ولات لاصقة فيها و شعرها مخمش و خدودها حمورا و شفافها يرعشو ملبرد
فاق كي دخل عليهم نوح و سمية
نوح:واش درتو حالة بلا بينا
وراح قعد قدام ياسمين لي كانت فلرض مقابلة ريان
سمية :رياان علاش نتا تولي شباب كل يوم
ريان ماسمعهاش كان يشوف فنوح كيفاه لاصق فياسمين و هي مديرونجيا و تسي تبعد بصح ماقدرتش
بدا يلوح يدو عليها و هي هنا ولات حمرا ماحست غير بروحها واقفة و حاجة تكركر فيها شافت مليح لقاتو ريان
دخلها لبيتها و خبطها فصور
ريان:وتش هاد لبسة لي راكي لابستها اهدريي
كان يهدر و يعيط و مع لخر خبط يدو فصور
ياسمين حست رجليها ذابو كيما لاكريم
بقات تشوف فيه و ماشي فاهمة
ريان:ربك راني نهدر مع قسامك عجبك لحال واقيل
ياسمين:واشبيك نتا تخبط و تعيط
ريان:نتي لي واشبيك هابطة بهاد لبسة و مخليا واحد كيما هاداك يمس فيك
ياسمين:و شكون قالك كنت راح نخليه لوكان ماجريتنيش را...
ريان:ديجا علاه نوضتك علا حساب شوفة كان عاجبك لحال و راكي موالفة بلخماج هاداك
هو غير كمل هدرتو تلحقو كف ✋ دورتلو وجهو للجبهة لوخرا
ياسمين:اخرج برا.
ريان عينيه ولاو مايضووش:هه ضربتيني بكف
ياسمين:قتلك اخرج
ريان بقا يدنا ليها حتى لسق فيها و شدلها وجها بيدو وزير عليه حتى سنانها كانوراح يتكسرو
ريان:واش واقيل قاستك لهدرة هاديك ولا ماعجبكش لحال كي نوضتك من قدامو و ماخليتكش تكملي خدمتك
ياسمين كانت تشوف فيه و عينيها لڨري ولاو حمورا مزعاف بصح بقات تشوف فيه و تسمع فهدرتو لي كيف سم على قلبها
ريان:اممم واش رايك تكملي خدمتك معايا راني خيرمنو في كلش زين و طاي و دراهم
ياسمين ماحست بروحها غير كي ضرباتو لكرشو و نحات يدو و عوجتهالو
ياسمين:واش حاسب روحك راك دايرني وحدة خامجة و انا اسمك مانعرفوش و يزيد جاي تطلق فهبالك عليا قالولك سايبة واقيل و ديجا وين تعرفني باش تهدر عليا و شكون عطاك لحق تهدر عليا واحد رخيص ماشي مربي متكبر ماشي راجل
ريان فلحظة نحا يدو و دورلها يديها مور ضهرها
كان يحكي بصوتو لخشين قدام ودنها:اعرفي بلي بهاد لهدرة فتحتي باب جهنم فوجهك... مرحبا بيك
ورماها فلرض و خرج و خبط لباب موراه
ياسمين ناضت و هي شادة فيديها لي قريب نحاهملها سباتو ماخلاتلوش
اميرة و تغريد:واش كاين سمعنا لعياط عندك
ياسمين حكاتلهم كلش
تغريد وجها ولا صفر و ريقها نشف:ياسمين ختي ماعندي مانقولك غير ربي يصبرك على واش راه جايك
ياسمين:ههههه واش واقيل خفتييه نتي
تغريد:خويا راه تبدل بزااف كان واحد ڨصايري و يضحك بصح بعد مارجع هكا راني. خيفة كاش مايديرلك خاطرش ولا كي يتنارفا يتحول لواحد قلبو حجر
اميرة:بصح علاش مقبيل كان يضحك
تغريد:مام انا شوكاني خاطرش مور ماصراولو وحد صوالح ماولاش كيما كان ولا واحد بلا قلب حياتو كلها خدمة و سهريات ولا يشوف نسا غير باش يرقد معاهم و ناس ولاو يخافوه و يعملولو حساب قبل من اي وقت
ياسمين بفضول:وعلاه واش صرالو
تغريد:اسمحولي مانقدرش نحكي
ياسمين:اوكي براحتك
ياسمين بعد ماسمعت كلام تغريد دخلها شوية خوف بصح دارت روحها معلابالهاش
اميرة:ايا نوضو بدلو باش ندورو شوية و نقضو
ياسمين:اوكي
خرجو و خلاوها بدلت ولبست سروال جين مقطع مع تريكو غوز كلار فيه ورد بلزرق وباسكات بيضة مع كاسكيطة بيضة و دارت ساكودو زوق و خرجت
ياسمين:انا نسوق
اميرة:باينة خاطرش طوموبيلتك و حنا مانعرفوش نسوقو
كانت اميرة لابسة روبا طويلة فولار كحلة و فيها حزام بيض مع صندالة بلا خاطرش هي طويلة
و تغريد كانت سروال كحل و تريكو بيض عريض وباسكات و كاسكيطا حمورا
دارو نواضرهم و دارو لغنا و ديماراو
كانو طوموبيل لي تجوز عليهم يتبلاوهم مالڨري ماشي دايرين ماكياج خاطرش هوما زلات
لحقوللمول هبطو و قتدو يدورو
اميرة:ياسمين شريتي كلش للعرس
ياسمين:خصتني بيجاما تكون شابة و شوية اكسسوار كيما خيط روح و خاتم تاع قبايل و شوية صوالح
اميرة:ونتي تغريد
تغريد:ماشي بزاف برك صباط طالونرباش نلبسو مع لاغوب
اميرة:اومي
كانو يدورو حتى عياو
ياسمين:انا عييت روحو كملو و انا راني هنا فهاد لكافي نستنا
اميرة:اوكي ايا تغريد
خلاوها هي و حطو لقضيان عندها و راحو
دارت كيتمان و قاعدت تكونيكتي حتى قعدو قدامها زوج دراري
👨:اممم واش زين هادا كامل مخلينو وحدو
👦:خلاص رانا هنا نونسوك
ياسمين شافت فيهم و جات نايضة حتى شدها واحد من يدها شافت و طلعت حاجبها
ياسمين:نحي يدك
👨:امم واش واقيل راح تخوفيني بهاد لخزرة
ياسمين:نحي يدك سينو والله غير تتكسر و راني حلفتلك
زاد ناض صاحبو و حط يدو على خدها كان راح يمسها حتى يلقا روحو فلرض
ياسمين :زيدلهم ماتخليهمش ينوضو
كان يضرب فيهم و هي معلابالهاش شكون
حتى وجهم ولا كامل دم و لغاشي تلايمو عليهم و هي كانت تشجع فيه حتى بداو يسلكو
هي غير شافت وجهو دمها نشف و عينيها حمارو
ريان:امشي قدامي
ياسمين:قبل كلش مرسي و دوك مانجيش معاك نتا
ريان:راني نقولك امشي
ياسمين:واش تحوس عندي ديجا راني نستنا فلبنات و دوزان راهم هنا و مانحبش نجي معاك
ستناها حتى كملت هدرتها و
اووووب رفدها كيما شكارة تاع لباطاطا
ياسمين كانت تضرب فيه لضهرو:يااو حطني راني فدزاير ماشي فترك يالهم
ريان :بلعي فمك حسابي معاك مازال ماخلاصش
خرج بيها للباركينغ و ناس كامل يشوفو فيهم كاين لي مخلوع و كاين لي يضحك. كاين لي يحسد و كاين لي ماعلابالوش بيهم
YOU ARE READING
💕 حب💕 بعد 👈🏻👈🏻زواج 💍💏معوق 😆🤣
Adventureهاد حكاية جديدة و احداثها غريبة رومنسية بصح تقتل بالضحك تحكي على زوج تقدرو تقولو بلي نهار لي سيرباو فيه لعقول هوما كانو راقدين فسابع نومة يتلاقاو بسبة عرس تاع فاميليا وراح تصرا بيناتهم مواقف تضحك و تجبرهم الظروف على الزواج قراءة ممتعة
