كان واقف عند الباب حاير و خايف من لي جاي قلبو يدق بجنون و يديه يرعشو استجمع الكوراج لي عندو فتح الباب
شافها كيفاه عينيها منفخين و خدودها حمورا قلبو وجعو كتر و هي حالتها ماكانتش خيرمنو كي شافتو حست الروح رجعتلها بنظرة وحدة منو لكن قلبها زاد ضرها كتر كي شافت حالتو و يزيد الجو لي راهي فيه مش حاملاتو خايفة تغلط كتر و هي علابالها بلي ظلماتو ام مش قادرة تستعرف
ريان:اححم راكي مليحة ريحتي
ياسمين:خرجني
ريان:امم
عاونها باش تنوض و عطالها حوايج كان جابهملها و خرج باش تبدل و عيط للفرمليا تعاونها
زادت شوية و خرجت ولا دخل لعندها جا راح يعاونها باش تمشي بصح هي بعداتو عليها و سيات تمشي وحدها
هو فديك اللحظة قلبو حبس حسابتلو مش راح تسامحو دمعتو تجمعت فعينو بصح ماحبش يطيحها قدامها
راح موراها و رفدها
ريان:ولا حتى كلمة مانخليكش تضري روحك كتر
ياسمين بقات ساكتة و تشم فريحتو لي توحشتها و تتمتع بحضنو لي بكات بسباب بعدو عليها
ركبها فطوموبيل و قلع يتمنى هاد الطريق ماتخلاصش و هاد الوقت يسبح هنا
اما هي كانت فعالم تاني ماعندهاش قرار تقدر تقولهولو بصح الحاجة لي متاكدة منها انها ماتقدرش تبعد عليه و ماتحملش فراقو
ريان كان يسوق حتى لحق لوحد رومبوا (هاديك دوايرة لي تجي فنص طريق يدورو عليها طوموبيلات)
ريان:اما جيهة طريقنا و لا طريق لكل واحد فينا
ياسمين:طريق البحر
ريان حس براحة يعني ياسمين لي يعرفها ايدا كانت مديسيديا حاجة ديرها بلا تخمام بصح خوفو مازالو و تقلاقو زاد كتر حاس روحو رايح يموت اما هي كانت غايصة و تخمم و تفكر كلي راهي تجوز الباك مش متحملة فكرة انو يبعد عليها و انو يكون لوحدة من غيرها و ماعندهاش الجراءة تقولو خايفة يقهرها خايفة يغدرها
ماحستش حتى كي حبست ال طوموبيل و شمت ريحت الهوا
ريان:ماتهبطيش تعودي تمرضي
ياسمين شافت فيه و فتحت الباب و هبطت
ياسمين:نعرف واش يمرضني خيرمنك
عزر فيها و هبط موراها قعدت فالرمل و مقابلة البحر تخمم و مازالها تخمم و هو قاعد بجنبها كيماهي
معلابالهمش شحال قعدو و هوما ساكتين
ياسمين:لوكان كنت انا نخدم و جيت لعندي خاطرش توحشتني و خاطرش حبيت تطلب السماح مني و لقيتني معنقة راحل وخدوخر واش دير
ريان:ندفنو فبلاصتو
ياسمين:بصح انا مانقدرش ندفنها و لا ندفنك و لا حتى ندفن روحي ريان معلابالكش شحال صبرت و شحال تقهرت بسباب هاد الشعور لي نحس بيه كي نكون معاك بصح نتا جامي حسيت بيا نتا كيما كامل الناس كي تشوفني نضحك و نعرش و نهدر و نتبسم تحسبلك راني فرحانة و نقدر نواجه اي حاجة حتى حاجة ماتاثر فيا
كانو بحكو و يشوفو فالبحر حتى دار ليها و شاف فيها بنظرة في عمرو ماتخايل يقدر يشوف طفلة هكا
ريان:شكون قالك بلي مانحس بواش تحسي نتي شكون قالك بلي نشوفك كيما يشوفوك لوخرين شكون قالك بلي تقدري تواجهي اي حاجة قولييي
ياسمين: ريان خايفة نندم كي نبعد عليك
ريان:وعلاش تبعدي
ياسمين:خايفة تخليني نندم كي نبقا معاك
ريان: مانخليكش نقتل روحي و مانخليكش تندمي ياسمين مانقدرش نتخيل حياتي بلا بيك داري مانحملهاش كي ندخل و ماتقابلينيش بلبفوسات تاوعك صدري مانحملوش كي نرقد بلا مايكون راصك فوقو
ياسمين:علاش درت هكاك علاش قربت ليها علاش خليتني انا و رحت ليها
كانت تحكي و تبكي بشهقة
ريان:مادرت والو هي وحدها رمات روحها عليا انا جامي خليتك ولا راح نخليك ياسمين راني مانجمش بلا بيك راني غارق فيك حياتي بلا بيك تولي كي القبر تعيشي ماتخلينيش و حياة عينبك هادو لي راني عايش بنظرة منهم نحطك فوق راصي
ياسمين:واشمن الفايدة كي نكون فراصك و مانكونش فقلبك
شهقاتها قوات و كانت تحكي و تضرب فيه لصدرو
ريان:نتي دخلتي لقلبي قبل ماتدخلي داري و قبل ماتدخلي لعقلي
ياسمين:وايدا عاودت ولات راح تروح ليها
ريان:ماراحش تولي و مام ايدا ولات راح نطلقك عليها تشرشميها كي هاديك الطفلة تاع داك نهار
ياسمين:وايدا جاعندنا بيبي راح تحبو و تنساني
ريان:هههه خلينا نخدموه ابري نخمو شكون نحبو كتر
ياسمين:بببفففف خلاص مانجييش
و قلبت شفافها كي دراري صغار بطريقة خلاتو يتبسم عليها
ريان:امممم تسما كنتي جاية
YOU ARE READING
💕 حب💕 بعد 👈🏻👈🏻زواج 💍💏معوق 😆🤣
Adventureهاد حكاية جديدة و احداثها غريبة رومنسية بصح تقتل بالضحك تحكي على زوج تقدرو تقولو بلي نهار لي سيرباو فيه لعقول هوما كانو راقدين فسابع نومة يتلاقاو بسبة عرس تاع فاميليا وراح تصرا بيناتهم مواقف تضحك و تجبرهم الظروف على الزواج قراءة ممتعة
