في صباح اليوم التالي دخلت سمر علي المتر عزمي
عزمي / اهلا يا سمر
سمر بابتسامه اغراء /اهلا يا عزمي بيه
عزمي /عملتي ايه مع حسام
سمر /اطمن يا قلبي بقي خاتم في صباعي ....
عزمي /مسك يدها وقبلها.. اااه يا سمر لو الخاتم دا اتحرك
سمر /وحنعمل ايه مع سيف
عزمي /سيف اسهل بكتير من حسام
سمر الضحكات مرتفعه /هو حيجي المكتب امتي
عزمي / بعد ساعتين كدا
سمر / يبقي حبيبي عزمي لازم ينزل قبل ما يوصل ولما يجي انا حقعد معاه وبعدين انت تيجي
عزمي /اموووت انا لما اشوف التلميذه فاقت الاستاذ
سمر /بس الاستاذ حيفضل استاذ والتلميذه حتفضل منه تتعلم وقربت له لتطبع علي شفاه قبله مثيره
....
استيقذ حسام من نومه علي صوت ديمه من الخارج تحاول ايقاذه
ديمه / من فضلك اصحي بقي بقالي ساعة بخبط علي الباب
حسام /فتح الباب فجأه .... صباح الازعاج
ديمه /حسام ماما اتصلت بيا وقالتلي انها جيالي بعد الظهر
حسام /يا صباح النكد
ديمه /من فضلك يا حسام .... ماما خط احمر
حسام / انا قات حاجة يا ستي ... وعايزه ايه البرنسيسه اميره
ديمه /حسام
حسام /نعم
ديمه /بطل استهزاء
حسام /لا اله الا الله هو انا قلت حاجة ... هي برنسيسه ... انا بمدحها يا بنتي
ديمه / بنظره توعد طيب ... ماااشي...
حسام / بصي يا دمدوم تيجي اهلا وسهلا انتي تخرجي لا فاهمه
ديمه /حاضر
حسام /ايوه كدا ... احبك وانتي مطيعه
ديمه / بس يا حوسه
حسام /نعم ... ايه
ارتجفت ديمه /بقولك يا حوسه ..
حسام /حوسه ... مين ...ايه
ديمه بثقه /بدلعك مش انت قولتلي يا دمدوم .. يبقي انت ..
حسام /انتي تسكتي خالص .. ال حوسه ال ...انا مدلعش
ديمه /مدعيه الزعل اصل كنت ..
حسام /لاكنت ولامكنت
ديمه /خلاص مش حدلعك خالص
حسام / بصوت يشبه الاطفال هو في دلع تاني وانا بحبه
ديمه بابتسامه علي فعلته /ايه هو
حسام اقترب منها وبجانب اذنها بصوت منخفض /اعرفيه لوحدك... وابتعد واتجه الي الحمام
ديمه بصوت عالي / يبقي حوسه ... وطلعت تجري علي اوضتها وقفلت الباب بسرعة
حسام طلع يجري وراها /انا حوريكي الحوسه
.....
ياااا صباح الفل يااااصباح العسل يااااصباح الحب والجمال ياااا اجمل صباح يااا احلي عروسه
كلمات استقبلتها ايمان من خطيبها علي الواتساب
ايمان /حبيبي صباحك سعاده وهنا
حبيب/ سعاتي وهنايا معاكي يا روحي
ايمان / ماما منتظراك اليوم عشان تحدد ميعاد الفرح
حبيب/ تمام يا قلبي يبقي اخر الاسبوع الجي .. ايه رايك
ايمان / حلو جداا جداا
حبيبب/ حتبقي احلي عروسه في الدنيا
ايمان /متكسفنيش بقي ... حقوم اشوف ولاد حازم
حبيب /طيب يا روحي قومي
حوريه/ايمان حبيبتي اصحي
ايمان /صباح الخير يا مامتي انا صحيت اهو
حوريه /صحي ولاد اخوكي عشان السواق حياخدهم للحضانه
ايمان /حضانه ايه اللي الساعه ١٠ يا حاجة
حوريه/انا عارفة بقي اخوكي قدملهم في حضانه من الساعه ١١ لحد 4 تقريبا
ايمان /اااه اكيد حضانه الفشله الكسلانين
حازم /والله سامعك وحقوملك
ايمان /فين ايام الصحيان بدري والشبشب اللي كان عمره ماكلمته تنزل الارض ابدا
حوريه /اااه والله وحشك الشبشب موجود .. وحيترفع لو العيال منزلوش في ميعادهم بسببك
ايمان /لا علي ايه ... اومي يا بت منك ليها عندكم طلعه
حوريه /في حد يصحي اصفال كدا
ايمان /وهما دول اطفال
حازم /البنات صحيه اصلا من بدري وبيلبسه هدومهم
ايمان /حبايبي حبايب عمتو
حوريه /مدا اللي انتي فالحه فيه
جني /هو انتم كل يوم عندكم الدوشه دي يا جماعة
ايمان /دوشه ايه يا بنتي احنا اصلا عائله علي الصامت
جودي /ازاي بس يا عمتو دا صوتكم بيوصل لحد الشارع مامي مش معودانا علي الصوت العالي دا
حوريه /يا حازم يلا عشان تنزل الفطار جاهز ... يلا يا حبيبتي خدي الساندوتشات
جني /فين اللانش بوكس بتاعي
حوريه /ايه يا جني
جودي /بس يا جني هما بيحطه السندوتشات في كيسه زي الناس النوتي
حوريه/ملها الكيسه يا بنت حازم
جودي/ابدا يا تيته بس الكيس البلاستك مش صحي وبيفرفت السندوتشات وكمان مش صديق للبيئه
ايمان واضحه يدها علي كتف اخوها /بتقولك مش صديق للبيئه ...هههههههه تحب ارد عليها ولا ترد انت
حازم /سبيلي الطلعه دي .... ماما اللانش بوكس بتاعهم في الشنط الجديده ... معلش تقاليع حنعمل ايه يا ماما
ايمان /دي الطلعه بتاعتك .... بلا وكسه ... وقررت الانسحاب بدخولها الحمام
....
وصلت اميره بيت ديمه ففتحت ديمه وعلي وجهها علامه الفرح
اميره /حبيبتي وحشاني اوووي
ديمه /حضرتك اكتر بكتير
اميره /مش قولتلك تعالي عيشي معانا في القصر انتي وجوزك
ديمه /حسام مش موافق والله يا ماما
اميره /انتي عامله معاه ايه ... انا عارفه انك في مأساه وخصوصا بعد ماسبتي حبيبك عشانا
تدخل حسام الخارج من حجرته /عمله معاه صنيه معكرونه بالبشاميل تجنن
ديمه /ضحكت علي نكتته البيخه
فاحست اميره ان الاحوال بنهم في افضل خال واحست ان ما وصاها بيه سيف ستفشل في عمله/هو انت هنا يا ابن حوريه
حسام /سامعه امك يا بنت اميره
ديمه /ايه يا جماعه ماما اكيد متقصدش يا حسام ...
اميره /لا اقصد هو مش ابن حوريه
حسام /طبعا ابن حوريه علي الاقل حوريه ربت رجاله انما انتي فشلتي في تربيه بنت
اميره/يعني انا بنتي مش متربيه
حسام / انتي عارفة وانا عارف انتي جيه ليه فبلاش بقي تقولي متربيه
ديمه /حسام ايه اللي بتقوله
حسام /انا نازل ياديمه ... وحتعرفي ان امك جيه تخرب الدنيا
اميره /مدعيه الزعل البكاء انا غلطانه اني جيه اقولك تعالي عيشي معانا
ديمه /معلش يا ماما حسام مش بيفكر وبيحدف دبش
اميره /لازم تتطلقي منه نكدي عليه لحد ما يسيبك احنا مش عايزين الفلوس انتي اهم عندنا بس اهم حاجة هو اللي يسيبك عشان يعيش قهران طول عمره
ديمه /بس انا مش عايزه اسيبه
اميره /سامح بيحبك وانتي بتحبيه واحنا عرفنا انك رجعتيله
ديمه /انا استحاله ارجعله ابداا .دا .....
اميره مقاطعه لها /بيحبك واحنا موافقين تفضلي علي علاقه معاه لحد ما تطلقي
ديمه /يا ساتر يارب .. عنده حق حسام في كلامه ... انا مش عارفة انتي امي ازاي .. اطلعي بره بيتي وحياتي
اميره /بتقولي ايه
ديمه /اخرجي من حياتي كل دا عشان الفلوس ... سامح اللي جيه تدافعي عنه كان عايز يغتصبني ويصورني ...سامح دا قالي اجيب عيل منه وانسبه لحسام عشان الفلوس
اميره/ ايه الكلام دا ازاي حصل
ديمه /حصل وانتم بتخططه للفلوس .. انتم دمرتوا حياتي ... اخرجوا من حياتي ... ليه حق حسام يقولك معرفتيش تربي عايزاني اعرف واحد علي جوزي .. اخرجي بره حياتي
خرجت اميره من بيت ديمه لا تري شئ امامها فامها ستدمر حياتها .. وقررت قرار صعب ولكنه واجب تنفيذه
