العميلة 306 (باللهجة جزائرية )

الحلقة 19 بارت 2

غزرلي ندرا كيف ...
ريان؛ بونجوغ ..
غزرت لإيادو منار .. جاو وراه ..
البوس؛ نقدروا نتفضلوا ؟
ريان؛ هه وي بالطبيعة .. قدمت من ورا البيرو .. نغزرلهم في ثلاثة .. حاجة غريبة عاللخر .. مدلي يدو بش يصافحني .. هه و نسا تاني شكون أنا .. أكيد ماو ضحاياه كثار وين يتذك.. مديت يدي من فوق قلبي صافحتوا وجبدتها فيسع
البوس؛  ياسين الهاشمي 
ريان؛ متحتاجش تعريف معروف راك مسيو
البوس؛ ههه مرسي
ريان؛ و أنا ريان
غزرتلوا نحب نتأكد اذا شاك ولا نو
تبسم ..
البوس؛ ديجا حكاولي عليك
تبسمت
ريان؛ انشالله بالمليح برك
تبسم .. و غزرلي يثبت مليح
البوس؛ لا شكرو فيك .. و أولادي جامي غلطوا فتقديرهم
ريان؛ آ هذا شي يفرح.. تفضلوا  اقعدوا
إياد؛ مش كي تحكي معانا سع
ريان؛ هههه باردون بونجوغ
البوس؛ خلي الطفلة عالصباح
إياد؛ واش بابا فيسع درت علينا
ريان ؛ هههه
منار؛ ني خارج مبعد نشالله .. متعييش روحك بزاف خرج..
قعدوا باقيين يحكو عالخدمة كل مرة .. نغزرلهم نحب .. نوض نقتل جدهم للزوز.. جامي كنت انسانة بزوج وجوه .. انو وصلت لمرحلة التنوفيق هاذي .. انا و متعجبة من روحي.. مع خرجوا .. رميت يدي للساك خذيت المهدئات شربتهم.. خذيت نفس و زوج و ثلاثة .. نحاول نبدل تفكيري.. و ننسا تفاصيل هاذيك الليلة .. نحاول ننسا كلشي خايب تعدا بش نقدر نكمل واش بديت..كملت النهار كيما كان الحال .. بين الدوسيات.. مع كملت خرجت.. تعديت للمول قضيت  و خرجت .. خدمت الطوموبيل .. تاعبة عاللخر.. مورالي زيرو .. مي وصلت للنقطة لي لازم نبدا نجبد بيهم لبساط .. تهزيت كي طرشق الباربريز تاع طوموبيل .. تلفت بزربة نشوف شكون... ورايا 3 جاغوار كوحل.. ما يبان والو .. كلش فيمي..
ريان ؛ ********* شكون هاذوو

زدت فالفيتاس عاللخر .. الرصاص بدا يضرب .. نزلت راسي.. بش مايقيسونيش من التالي و جبدت الفرد... من تحت الكرسي .. ركحتوا ... و حطيتوا فاليد اللي نسوق بيها... حليت البوشات نحوس  عالتيليفون...جيت نتكا عالنومرو تاع الجنرال.. تخبطت الطومبيل من اللورا..خلات نومرو منار يتطلب.. انحرفت عالمسار.. بلعت ريقي .. شفت مع الطريق .. و زربت حليت الباب بزربة.. قوصت عالروضة تاع وحدة من الطوموبيلات وزربت رجعت نسوق ..
منار يحكي :
كنت قاعد فاليخت تاعي .. لازم نبعد نعاود نبني أفكاري .. من جديد.. أنا و مش فاهم روحي .. كيفاه علاه تقلبت حياتي هكا.. نرشف من الكاس ونغزرللبحر.. حاب نديماري نروح لنص البحر.. هكا برك نقدر نرتاح .. دخلت للداخل .. دورت المفاتح .. تيليفون صونا بعد .. باين بابا .. نعرف يبدا فتحقيقاتو و مش ناقص ..يبقا يعيط .. نطفيه و نتهنا.. مشيت هزيتوا .. نشوف مع نومروها .. شفت مع الساعة العشرة تاع الليل .. كنت راح نكوپي مي هزيت ...
منار؛ واش تحتاجي 
مريبونداتش .. صوت موتور تاع طاكسي فيتاس فوق 180 متأكد .. شوي و ضرب صوت الرصاص .. ملامحي تقلبت نحاول نتأكد من الشي اللي نسمع فيه
منار؛ ريااااااان.. تسمعي فيااااا ؟؟ .. واش كااااين ؟
والو .. خرجت نجري من اليخت . مكوبيتش .. هزيت تيليفوني لاخر.. كلمت رمزي
منار؛ رمزي .. لازم تلقاولي ريان درج في يدك
رمزي؛ واش كاين
منار؛ علاه تضيع فالوقت *****
كوبيت عليه.. باقي نسمع غير فالفيتاس..ركبت فالطوموبيل .. و ديماريت
شوي و سمعت صوت خبطة كبيرة ..
و صوت الموتور حبس .. حبست الطوموبيلات بالوقت
منار؛ ر ر رياااااااااااااان !!!!!!!!!!!
#العميلة306
#يسرى_أمجوج