العميلة 306 (باللهجة جزائرية )

الحلفة 20 بارت 2

ريان؛ إياد ؟؟
الطبيب؛ متعرفيهش ؟
ريان؛ وينو ؟
الطبيب؛ كاين دوا مش متوفر فالكلينيك راح يجيبوا
ريان؛ وكتاه نخرج
الطبيب؛ فهاد الوقت مستحيل .. وضعك مش مستقر
ريان؛ نقدر نحكي تيليفون ؟
الطبيب؛ وي هاو تيليفوني هاني نعدي عالمرضى كي نكمل نهزو
ريان؛ مرسي
الطبيب؛ بالشفا
خرج .. هزيت تيليفونو طلبت نومروا الجنرال ..شوي و هز عليا ..
الجنرال؛ رياان .. فقتي !! .. صافا !!
ريان؛ تعرفني بلا ما نحكي
الجنرال؛ النومرو هاذي تعيطي فيه غير نتي .. كنت متأكد بش تتجاوزي الغيبوبة .. ربيت لبؤة
ريان؛ شكون كان ورا الحادث ؟
الجنرال؛ منجمناش نحددوا شكون بالضبط
ريان؛ ميكونش البوس شك فيا ؟
الجنرال؛ محتمل ..  رانا ندرسوا فتحركاتهم قضية وقت برك.. نتي دوكا ارتاحي
ريان؛ إياد هو اللي سلكني من الموت
الجنرال؛ هاذ النقطة لازم تكتشفيها .. خاطر كاين زوج احتمالات اما كان يتعقب فيك .. اما اللي هاجمك يعرفو
ريان؛ دوك نشوف ..
كوبيت حطيت التيليفون فوق التابل .. غزرت للورد الأصفر .. هزيت حاجبي باستغراب .
~~~~~~~~~~~~~~~
ريان؛ منحبش الأحمر إياد
إياد؛ نورمال نتي البنات كامل يحبو الأحمر نتي تحبي الورد الأصفر رمز الغيرة راهو
ريان؛ ممم مي شباب ..
إياد؛ أوكي جامي نزيد نجيبو أحمر تهنيتي ههههه
~~~~~~~~~~~~~~~~
رمشت بزربة .. كبست عالفرش بيديا .. ي ي يعني عرفني !! .. كيفاش !! .. تحل الباب .. ترشقوا عينيا مع اللي دخل ..
ريان؛ منار؟
واقف يغزرلي ندرا كيف .. تنهد .. قفل الباب و قدم عندي  .. قعد على حرف السرير .. طبس هز يدي اللي مش مكسرة باسها .. و حط راسو عليها .. يحكي
منار؛ 8 أيام 17 ساعة 30 دقيقة و 4 ثواني .. مكنتش عايش .. مكنتش نتنفس كيما الناس الباقيين .. نورمال نتي تخممي تموتي !!!
طلع راسو غزرلي .. اول مرة نشوف الغزرات هاذو ..لف يدي بيديه الزوج .. يحكي و يحكم فيهم .. غزر للكسور و الجراح .. عدا عينيه عليهم الكل ..
منار؛ ريان
غزرتلوا
منار؛ سامحيني
ريان؛ علاه ؟
منار؛ مكنتش قد كلمتي.  وعدتك نحميك مي فرطت .. راح نهبل قريب قتلوك ..
وقف يمشي رايح جاي .. عدا يديه على وجهو .. و قد عندي قعد
يغزر للأرض ..
منار؛ كنت راح نبعد فالوقت اللي نتي كنتي تحاربي بش تعيشي .. الفكرة وحدها تقتلني مية مرة .. فكرة أنك متكونيش فحياتي تقتلني بالعرڨ .. مي والله و رحمة ماما .. نخليهم يتمناو الموت و ميوصلولوش .. خليه يستعرف برك شكون وراه ..
ريان؛ حكمت واحد منهم
منار؛ اممم كنت عندو .. راسو خشين مي مش كثر مني .. خلينا منهم كيفاه تحسي دوك .. يوجع فيك ؛!
ريان؛ راسي شوي
منار؛ راسك يوجع و مخليينك .. اسناي *********
جا ينوض .. حطيت يدي على يدو . غزرلي .. تنهد و قعد ..
منار؛ كون مش إياد كان مڨاري فالبلاصة هاديك .. وشاف المطاردة كون دوك منعرف واش صرالك..
ريان؛ كيفاه عرف بلي أنا
منار؛ معرفكش نتي .. عرف  الطاكسيات اللي يتبعوك  فيك .. شفتيهم بلي جاغوار
هزيتلوا براسي ايه
منار؛ بصح مش أي جاغوار .. كاين اكسسوارات يتحطوا من القدام و اللورا .. بش يبانو بلي ظن المافيا .. بش واحد ما يحبسهم من البوليس ..  كي تبعهم .. را طوموبيلتك كي تقلبت و هوما راحو .. حكم نومرو لوحة منهم.. و اللي منها حكمت ***** .. اللي محبش يهدر من البارح  .. و حبس يشوف بيمن تقلبت لقاها بيك ..كي لحقت أنا ديجا لومبيلونس هزتك .. يعني لحقت روطار
تنهد تنهيدة تاع حسرة .. منعرف واش ندير فموقف هكا .. ..كبست على يدو بيدي .. تلفت ليا .. غزر للفاصما اللي على راسي .. ملامحو مقلوبة .. تلفت يغزر للطاقة ... شوي وقت و حكا من غير ما يتلفت عندي
منار؛ ريان كبرت بلا عايلة .. غير إياد كان سندي .. و حتى لليوم هو ديما سلاحي .. و هو اللي سلكلي المرا اللي نحبها .. إياد غالي عليا .. و نتي تاني غالية .. صح صرات بيناتنا مواقف مش ملاح .. بصح اتأكدي بلي راكي تاعي .. و اللي يمس شعرة وحدة .. والله غير تخليه يتوجع عليها دوبل و نتي تشوفي و اللي دارو معاك هكا .. راني شاك بلي صهيب و جماعتو نتأكد برك .. و نفرجك فيه .. نتي جيست ارتاحيلي و كونيلي بخير .. و تشوفي
ريان؛ منار
منار؛ آ حبيبي
الهدرة اللي كنت حا نهدرها وحلت
تلفت ليا .. قدم يدو رحعلي شعرات كانو على وجهي للتالي
منار؛ الحياة بلا بيك ظلمة
دار المقبض تاع الباب
ريان؛ نوض .. قادر يدخل عليك الطبيب و نتا قاعد هكا و حاكم يدي
منار؛ ******* معندو ما دخلوا ..
تحل الباب
منار؛ نتي ليسونسيال تكونيلي بخير .. و الباقي يمشي بالقباحة ولا بالظرافة ..
طبس باس يدي ..عينيا حابسين مع إياد اللي واقف فالباب .. صدمة تاع الصح..
#العميلة306
#يسرى_أمجوج