Part 1
المحامى معتز : نقول مبروك ؟
كريم : لازم انسه ليلى تحضر وتوقع
المحامى معتز : ما هى مسافره ياباشا والتوكيل موجود !
ليلى : جايبين ف سيرتى صح ؟ ازيك يا معتز سورى مقولتلكش انى راجعه انهارده لسه واصله حالا من المطار
مفهمتش ايه الى بيحصل خااالص !!
ليلى : ازيك يا مستر كريم ؟ ليلى الصرفى
كريم : اهلا اهلا انسه ليلى
ليلى : اهلا بيك ... ها يا معتز وصلت مع كريم بيه لكام !؟
المحامى معتز : ....
كريم : ٢ باذن اللله
ليلى : لاء لاء .. انا عوزه ٢ ونص الارض دى غاليه اوى
كريم : لا كده كتتتير
معتز : احنا نقسم البلد نصين ... يمشى معاكوا ٢ وربع ؟
يلا هو الكلام بفلوس .. لازم احط التاتش
كريم : جاايين علياااا اوى بس ماااشى
ليلى : خلااااص مااشى
المحامى معتز : تمام عربون نص مليون والتسجيل السبت مبروك
كريم مشى
- انتى مين يا شاطره ؟
= انا قدرك يا حبيبى
طبعا انتوا مش فاهمين اى حاجه ... انا يحيى القاضى .. محاسب سابقا نصاب محترف حالياا حلمى الوصول للعالميه .. كان عندى عمليه انى ابيع الارض دى لكريم بيه .. لا فى معتز ولا ليلى ولا عقد حقيقى للارض ولا تسجيل السبت .. لغايه ما ظهرت ليلى .. وبدء اللعب ..
- اهلا وسهلا .. مين بقى ؟
= اولا نسبتى ٣٠%
- نعم يااختى !!
= زى ما بقولك كده وهاخدهم لم العمليه تخلص
- خلصتى ! .. العمليه اصلا خلصت اصلا ومفيش فلوس !!
=لا فى يا يحيى
- !!!
= متنحش كده ... انا عارفه عنك كل حاجه
- ازاى يعنى !!
= هو كده هتدينى الفلوس بما يرضى اللله ولا افضحك واكلم الراجل ارسيه ع الفيلم بما لا يرضى الله ؟
- اعرف الاول انت مين ؟
= قولى يا ليلى
- ونبى ؟
= وحياة عبد النبى وفكك بقى خلينا نعرف هناخد باقى الفلوس ازاى ؟
- ازاى ايه .. انت معاكى عقد الارض ؟
= لاء
- امال هنسجل الهوا ؟
= عندى خطه
- !!!
كنت قاعد اتفرج ع الفيلم الى حاصل عليا .. مش مدايق بالعكس متكيف جدا .. اصل بحب اللعب الحلو ..
= هتكلم كريم تقوله انى هسجل السبت وهسافر بعدها وعوزه الفلوس لو الفلوس مجتش هسافر من غير ما نسجل العقد ويدور ع ميته تسخن ...
- وبعدان ؟
= هيروح يسحب الفلوس بكره علشان بكره الخميس .. ومفيش بنوك جمعه وسبت
- تمام وبعدان ؟
= هتخلى نادر يمشى وراه
- انت عرفتى ناادر ازااى !!!
= قولتلك انا عارفه كل حاجه
- كملى يااختى
= هيرقبوا ويتأكد ان الفلوس معاه
- وبعدان !!
= مش عارفه !
- ... انا بقى عارف
= ايه !؟
- ايه انتى احنا هنتصاحب ؟
= لا هنشتغل سوا
قعدنا نخطط وقد كان كريم خارج من البنك ومعاه شنطه الفلوس ووقف ف اشاره ومستنيها تفتح ليلى لبست لبس الشاحتين وانا كمان وعملنا تنكر ميخرش المايه
ليلى : حاجه ل اللله يا بيه ؟
كريم : امشى يا ماما مش فاضى
ليلى : يا بيه ربنا يسترك ويريح قلبك ويسعدك
كريم : خدى ده انتى لزقه
يحيى : انتى تاننى يا بت بتحشتى هنا !!!
ليلى : يا معلم واللله يا معلم
هوب خناقه والناس اتلمت والاشارة واقفه اصلا ... نادر ع موتسيكل خد الشنطه من العربيه ومشى ... هوب مفيش خناقه وفص ملح وداب
يحيى : ابن اللذينه كان جايب مليون ونص بس
ليلى : احمد ربنا انت كنت عاوز ٥٠٠ الف ولا نسيت
نادر : صراحه يا استاذه ليلى انتى دماغك سم
يحيى : استاذة !!! قوووم يلااا اعملنا شاى
نادر : مااشى يا ريس مااشى
يحيى : مش هتقولي اسمك ؟
ليلى : ليلى على ما تفرج ههه
يحيى : هنستظرف
ليلى : ليلى لغايه ما تثق فيا وتوافق نشتغل سوا
يحيى : انت تعرفينى منين ؟
ليلى : حكايه طووووويله
يحيى : ارغى
ليلى : من سنه كده كان عندى عمليه انى اخد لوحه من مزاد .. بس جه حد واخدها قبلى .. وطبعا ده انت .. عرفت انك زميل نصاب يعنى .. عجبنى اسلوك وانت بتبلف الراجل فضلت ارقبك ٣ شهور وعرفت عنك كل حاجه ... كنت ناويه ابلغ عنك واخلص .. بس قولت لاء حرااام .. اتكعبلت فيك تانى و عمليه تانيه بوظتهالى .. قولت هبلغ .. بس عجبنى اسلوبك ف النصب ..ف قولت اكسر سمك واشتغل معاك وهنعمل تيم حلو ولا ايه ؟
يحيى : مين قال انى هوافق ؟
ليلى : متوفقش انت حر .. بس لو لقيتك ف عمليه تانى هبوظ اللعب كله عليا وعليك
يحيى : تهديد ده ؟
ليلى : تحذير
نادر : الشاى
شربت الشاى وخدت ال ٣٠% ومشيت وطبعا قولت لنادر يمشى وراها بس رجعلى وجارر خيبته وراه ..
يحيى : ايه الى حصل لعينك !!
نادر : ايديها تقيله اوى يا ريس ... بتقولك انك هتلاقيها لوحدك
يحيى : يا ريتها كانت جابت دكر بط امشى يلااا
انا اصلا مكنتش ممانع انى اشتغل معاها لانى زى ما قولت بحب شغلى جدا وبشجع اللعبه الحلوه .. بس مبحبش حد يلوى دراعى .. لازم اعرف هى مين قبل ما نشتغل سوا
روحت وديت فلوس المكان بتاعى .. وروحت ع البيت و فجئه باب الشقه الى قصادى يتفتح ..
ليلى : مروح متأخر انت ؟
يحيى : يااااه انا قولت هتحلى وتسيبنى يومين تلاته احتار !!
ليلى : لا معاش ولا كان الى يحيرك .. تشرب شاى ؟
يحيى : ممكن اكل كمان ...
#حدوته_وعوديه
#وعد_ياسر
#مبروم_على_مبروم
اتمنى الحدوته تعجبكوا ❤ لو عجبتكوا شير ولايك ساعدونى اوصل افكارى لكل الناس ❤❤ شكرا مقدما ❤
* ملاحظه صغيره الهشتاج جاى من اسمى وعد نوع من انواع النرجسية والغرور 😂❤❤*
