Part 3 👏🏻❤
#مبروم_على_مبروم ❤😂
عطيه : بركاتك يا سيدنا زياااان
ليلى :?Qui est notre maitre zeaan ( مين سيدنا زيان )
عطيه : ايه .. طب مبتعرفيش تتكلمى عربى
ليلى : non, je parle courmment l'arabe ( لا انا بتحدث العربيه بطلاقه )
عطيه : ايه !!
ليلى : اسفه انا اتحدث العربيه بطلاقه
عطيه : ايوا كده
ليلى : اين عقدى ؟
عطيه : موجود
ليلى : هل لى انا اراه ؟
عطيه : حاضر
قام عطيه وجاب العقد
عطيه : اتفضلى
ليلى : افتح لى العلبه .. انا لا استطيع لمس الاشياء ولا الاشخاص
عطيه : عنيا .. ها اتفضلى
ليلى : اااه يا له من عقد جميل .. هل تعلم حكايته !؟
عطيه : اعلم .. بس احكى تانى
ليلى : حسنا .. لاكن احضر لنا بعض النبيت الاحمر
عطيه : مش انت قولتلى مبتعرفش تمسكى الحاجات !؟
ليلى : انا لن اشرب لاكن انت اشرب وانا سأفرح لاريتك تشرب
عطيه : ماشى
ليلى فضلت تحكى وتعيد وتذيد مستنيه فرصه تحطله المخدر لغايه ما عطيه قالها انه عاوز يدخل الحمام ... وحطت المخدر .. خرجت زى ما دخلت
نادر : عمليه جامده يا ريس مروحين بعقد ب ٢٥٠ مليون جنيه
يحيى :قر قر .. انا دماغى دى بتجيب افكاار
نادر : جامده يا ريس
ليلى : شوف كنا هنشتغل كام سنه علشان نجيب ربع المبلغ ده
يحيى : كتتتيررر اوى ... بس لازم ننجز ونبيعه عطيه هيفوق ويدور علينا
ليلى : الراجل قال هيستلم ويسلم بكره .. متقلقنيش بقى
يحيى : مش قلق ..بس حذر
ليلى : عموما انا هروح انام نتقابل الصبح
ومشيت ليلى على شقتها
يحيى : هتروح ولا هتبات هنا ؟
نادر : الجو متأخر ياريس
يحي : انا قولت كده برده هخاف عليك تتخطف !!
نادر : بطل تتريق علياا يا ريس
يحيى : طب قوم اعملى شاى
قام نادر عمل الشاى ونمت
وصحيت على انتن يوم ف حياتى واحلى قلم
عطيه : قووووم يلااااا قوم يا زيااان
يحيى : ايه !!! نهااار اسوووح !!!!
صحيت ع ١٢ مسدس مرفوعين ف وشى ورجالة عطيه قلبين البيت والراجل الدجال مضروب لم ورم
عطيه : فين العقد يا روح امك ؟
يحيى : عقد ايه !!
واحلى بونيه ف عينى
يحيى : اااااااه ... بص يا باشا العقد ف الجراج ننزل كلنا نجيبه هاتوا المفتاح يا رجالة
نزلنا علشان نجيب العقد .. وانا سلمت فورى .. ما اكيد الجيش ده هيعمل منى فطيره
الجراج فى مكان معين انا بحط فيه كل حاجه الفلوس واى حاجه تخص الشغل ..بس المفاجأة لا فى فلوس ولا فى شغل فى ضرب لصبح
يحيى : احيهه الفلوس فين !!!
عطيه : انت بتسألنى اناااا .. العقد فيييييين
وطبعا انتوا متوقعين الى حصل كلت علقه كنت هموت فيها .. بس الحمد اللله البوليس جه خلصنى منهم .. مفاجأة تانيه .. جايين يقبضوا عليا بتهمة النصب والاحتيال .. على كريم بيه بتاع الارض .. ما هى هيصه بقى ..
طلبت اشوف المحامى بتاعى احمد عبد الحى
احمد : يعنى ايه متعرفش !! ده معاه اسمك وعنونك !؟
يحيى :والله ما اعرف ..
احمد : طب مين كان معاك !!
انا وسط كل الرزع ده افتكرت ان كان فى ليلى ونادر !! راحوا فين !! نادر كان بايت معايااا !!
يحيى : اكيد مش هعترف عليهم .. كده بعترف على نفسى
احمد : كده كده هتاخد سنه .. ربنا يستر
يحيى:الله يطمنك
سنه سجن .. وعطيه مستنين بره هيطلع عين اهلى وحاجه منتهى الجمال .. طبعا كلنا بنسأل بعض فين ليلى ونادر ؟
انا اقولك بعد ما دخلت السجن جتلى زيارة كبيره جدا وعرفت ان حد حطلى ١٠ تللاف جنيه ف كانتين ...وكان مع الزيارة جواب ..
عزيز يحيى ..
الريس .. حبيبى عامل ايه ف السجن ؟ ٣ سنين شغال معاك زل واهاانه وطااالع رووحى
.. بس نفكنا من الموضوع ده .. انت اكيد بتفكر ليلى فين !؟.. طب ندور حبيبى فين !؟ كل ده حصل ازاى !؟
انا هقولك ... هحكيلك من الاول كان فى بنت عندها ١٦ سنه اسمها سلمى .. ابوها وامها اتوفوا ف حادثة عادى بتحصل ف احسن العائلات ... كان عندها اخ صغير عنده ١٠ سنين .. اسمه نادر .. سلمى .. اشتغلت وتعبت اوى علشان اخوها يتعلم ويبقى حاجه مهمه وفعلا قدرت تعمل ده .. ودخلته الجامعه .. وبقى مهندس كمبيوتر شاطر .. حفى علشان يلاقى شغل علشان يريح اخته .. بس ملاقش شغل غير مع واحد نصاب ...وياريت نصاب عادى .. لاء صبى نصاب .. ورضيت سلمى بالامر الواقع .. وومقالتش حاجه .. بس انا مرضيتش .. خصوصا ان انا ذكى جدا ودماغى انضف منك بمراحل وانت كمان بتزل امى ليل نهار وفاكرنى غبى زيك .... بس الخبره برده بتفرق سمعت كل كلمه انت بتقولها وحطيتها حلقه ف ودنى .. وقررت ابدء اول عملية نصب تفتكر هنصب على مين ؟
عليك صح انت صح
٦ شهور بشتغلك وانت هتموت وتعرف هى مين !؟
ليلى ولا سلمى ؟
يحيى : روح يا نادر واعرف هى مين !!
نادر : حاضر يا ريس
سلمى : اضربك ايه !!
نادر : اضربنى بس يلاا
كتر خيرها سمعت كل كلامى بالحرف .. هى جايبه الذكاء ده منين ..منى يابنى امال انت فاكرنى عويل زيك !!؟
كنت سامع كل كلمه اتقالت على العشا ..مانا معاكوا ف الشقه
يحيى : روح اعرف العقد باسم مين !
نادر : حاضر
العقد باسم ليلى فعلا وورق مضروب بس انا الى ضاربه ع الكمبيوتر ياسطا .. مش حد تانى
صراحه انا كنت طمعان ف فلوسك بس
بس وانا بشتغل على سيستم مراقبه فى بيت حد مهم سمعت حكاية العقد .. اه بيت عطيه انا الى عامل سيستم المراقبه برافو عليك ..قولت العقد وفلوسك العقد علشان اعيش ملك وفلوسك علشان تتربى ...
عرفت مكان الفلوس ازاى يا نادر ؟
براقبك يا باشا زى ما راقبتلك !
ليلى او سلمى لم خدرت عطيه سابت ورقه صغيره فيها اسم محمد زيان عارفه ؟
وبعد ده كله قولت مش كفايه لازم تتربى صح .. كلمت كريم وقولتله ع اللعبه وفاعل خير وكده .. وقت ما تقرا الرسالة دى هكون راكب الطيارة ومسافر بره .. سلام يا ريس خادمك المخلص نادر
طبعا انا هنا قومت سقفت .. مش استاذ رامى قالك سقف .. سقفت لغايه ما ايدى ورمت ودخلت العباسيه ف صدمه عصبيه .... دلوقتى الحمد اللله استفدت من التجربه .. وبكتب كتاب لا تثق ف احد من احد غرف العباسية 🖤😂
#حدوته_وعوديه
#وعد_ياسر
اتمنى الحدوته تكون عجبتكوا لو عجبتكوا شير ولايك ساعدونى اوصل افكارى لكل الدنيا ❤❤ وشكرا مقدما ❤
*ملاحظه صغيرة الهشتاج جاى من اسمى وعد نوع من انواع النرجسية والغرور 😂❤❤*
