كرونيك:🔫💕ابتسمي فانت من املاك الشيطان💕🔫

180

180
تيمور: ااا هاو في جيبي
شيماء: اي لبسها مالا
تيمور بقا يخزر اش باش يعمل قام شدها من يدها قومها وقفها قدامو
تيمور: اا ظاهرلي الخاتم مش باش يجي قد صبعك
نور: هه ميسالش يا روحي المهم كي جبتو
هارون: ههه اي ورينا عاد ذوقك
تيمور: اا نسيتو
هزار: شنوة ؟؟
نور: نسيت الخاتم؟؟
شيماء: هه باش جيت مالا
تيمور: اي دخلت بعضي و نسيتو اش نعمل توا نجيبو غدوة
مازن: باش تخلا توا
هزار: اسمع ولله لا تاخذها الا متجيب الخاتم
هارون: هزار عزيزتي مش مهم الخاتم
هزار: اسكت لا نعرفك لا تعرفني
نور: تيمور كفاه تنسا الخاتم في شكون تخمم هاذا الكل
تيمور: نور ولله عشية كاملا نلوج علي الورد الي تحب عليه هزاار و نسيت
نور: مم باهي
مازن: اي لبسها اي حاجة
مشا للطاولة الي فاها العشا هز زيتونة مقصوصة و جا وقف قدامها شدلها يدها و حطهالها في صبعها
تيمور: هاذي منا لغدوة نوعدك نجيبلك احلي خاتم في الدنيا
نور: ههه كي تبدا معايا انت يزي
تيمور: باهي هات الزيتونة علاه حرام هكا
جبدها من صبعها كلاها بقاو الكل يخزرولو باهتين
تيمور: شبيكم ؟؟
هارون: صحااا
تيمور: باهي وقتاه العرس
هزار: مزروب
تيمور: اي كان نخلوه بعد غدوة و اكهو
هزار: لا بعد شهرين
تيمور: علاه هاذا الكل
هزار: هو كان بعد جمعة كي نسيت الخاتم ولاو ثنين و كي كليت الزيتونة ولاو تلاثة و كي سئلتني توا ولاو شهر و شماتا فيك ولاو شهرين
تيمور: هارون كلم مرتك
هارون: منعرفهااش
هزار: تنجمو تروحو توا
هارون: برا روح
هزار: قلت تنجمو يعني انتوما التلاثة اخرجو
مازن: اش مدخلني فيكم انا شيماء هيا ياسمين لازم ترقد توا
هزار: لا شيماء باش تبقا معايا ايا روحو و انت متنساش الخاتم غدوة
مرتاحو الا معملو الي في راسهم و خرجوهم
شيماء: توا شموة تلاثة جمعات مش باش نشوف راجلي
هزار: هانا الكلنا عزيزتي علي عملت اليوم
شيماء: اي انا نتوحشو
هزار: لا حتي وحدا فينا مش باش تشوف راجلها حتي ليلة العرس يعني في الوطية يمكن يجيو
شيماء: احنا صبرنا صبرنا نكملوه النهار اذاكا
هزار: باهي انا داخلا نرقد كل وحدا تختار بيت و ترقد ..حطت ولدها رقداتو بحذاها لين سمعت تلفونها
هزار: هارون عزيزيي
هارون: توا عزيزك بعد مطردتني
هزار: ههه ولله منعرش كفاه عملت هكا افف
هارون: باهي كان رقدو اهبط
هزار: باش نخلي آزر وحدو
هارون: آزر ميفيق كان غدوة هيا تحرك
هزار: باهي ...لبست شلا