كرونيك:🔫💕ابتسمي فانت من املاك الشيطان💕🔫

184

184
هارون : هزار تحكي بجدك مش تفدلك
هزار: ههه لا مش نفدلك كنت عند الطبيب قبل منجيك و هو قلي ..رجع عنقها و كبس علاها عندو
هارون: يا روحي تعرف انت احسن المرا في الدنيا عيشك بدلتلي حياتي الكل
هزار: هه ممم كان تطلع بنية و الأخرا
قص علاها : باش تطلع بنية و حتي كان مش بنية ماو تفاهمنا المرا الي بعدها
هزار: اي المرا الثالثة باش يبطي شوية ثنين رام باش يتعبوني برشا
هارون: يا روحي هاني معاك انت تتلها بواحد و انا بواحد
هزار: اي هه و آزر نطيشوه
هارون: شبيك داخلا بعضك ماو قتلك انا توا نتلها بآزر و انت اتلها بلي باش يجي
هزار شاخت تضحك عليه: ههه يا روحي ماكش فاهم الحكاية صار
هارون: انا حكاية
هزار: باهي قداه من لبسة انا جبتلك
هارون: ثنين
هزار: حسب رايك لشكون ؟
هارون: مم وحدا لآزر و الأخرا لبنتنا ولا ولدنا
هزار: ممم لا غالط آزر توا نشريلو بعد اما اذوكم لأولادنا
هارون: ياخي شبيك اي اولادنا آزر و بنتنا ولا ولدنا
هزار : هههه اي آزر ولدنا باهي هاو باش نسهللك كي مشيت للطبيب قلي الي احنا التلاثة لباس
هارون: هزيت معاك آزر
هزار: ههه اووه هارون ماللخر انا حبلا بتواما قام من كرسيه تقول ضربو الضوء يمشي و يجي حاطط يدو علي فمو
هارون: لا تفدلك اكيد تتبولد كي العادة
هزار: هه لا مش نفدلك تصور يطلعو الزوز بنات ...مشا قعد قدامها هبط علي ساقيه و هي قاعدا مقابلاتو هز يدو جبدها عنقهت و حط راسو علي كرشها
هارون: توااما ؟؟
هزار: ههه اي
وقف و وقفها معاه جات باش تتكلم حط شفايفو علي شفايفها مسيبها كان بسيف
هارون: لا مش مصدق
هزار: ولله انا اول مقتلي مصدقتش
هارون : متأكدا خلينا نمشيو لطبيب آخر
هزار: هه لا متأكدا اصلا شفتهم صغاااار و لاصقين لبعضهم
هارون: ففف الحمدلله يا ربي باهي هيا نروح بيك باش متتعبش
هزار: لا كمل انت خدمتك توا نروح وحدي
هارون: تحرك قدامي المرة هاذي 9شهر وجهي في وجهك
هزار: مم باهي حضر روحك مالا
هارون شدلها يدها و خرجو مع بعضهم الي غادي الكل يخزرو
هارون: اسمع الليلا باش نرجع نبات في الدار ميهمنيش
هزار: هه انا بيدي توحشتك
ركبو في الكرهبة و رجعو للدار لقاوهم بداو يحضرو في رواحهم
هارون: وين ماشين
هزار: ااا اي حقا اليوم اللوطية متاع نور باش تهز آزر معاك
هارون: شنوة اللوطية
شيماء: ههه يا ماما مسكين معاشش في تونس
هزار: مم حفلة متاع نسا اي لحظة نجيبلك آزر ..طلع