أحببناها مريمية ( ٣ أجزاء )

كلمة قدر (٦)

#كلمة_قدر
#أحببناها_مريمية_٣
#الحلقة_السادسه

في منزل جود ...

يجلس جود ومروان مع سعد ابن خالهما وتجلس رهف مع مريم التي تتحدث معها عن فتيات العائلة وكيف أنهم سيرحبون بها بينهم وكيف ستصبح جزءًا لا يتجزء عن عالمهم ..

مروان بهدوء :
- محلولة يا جود .. هتقعد في شقة مالك .. هي جاهزة بفضل الله ونكلم معاذ يخلي ديالا تبات معاها كل ليلة أو أريج .. ومعاذ وإسلام مش هيرفضوا .

جود بتفكير :
- عظيم أوي .. وأهو هيروحوا ويرجعوا مع بعض كلهم .. رهف مش هتحس بالغربة بأمر الله خالص .

سعد بتنهيدة:
- والله أني ما عارفش كيف أرد لكم جميلكم دِه .

جود :
- عيب يا سعد اللي بتقوله ده .. انت أخويا ورهف بنتي زي ما هي بنتك .. وإحنا عيلة واخوات وملناش إلا بعض .. وبعدين إيه ده .. هو أنا لو قصدتك في خدمة هتقصر فيا ولا أي !

سعد :
- أني رقبتي سداده يا ولد عمتي .

مروان :
- يبقى على بركة الله .. وما تقلقش شقة مالك مش بعيدة.. هي في نفس العمارة اللي أنا فيها بس في الدور اللي فوقي على طول .. هاخدك بعد ما نشرب الشاي أنا وجود وتشوفها انت ورهف .. وإن شاء الله اللي فيه الخير يقدمه ربنا .

سعد :
- على بركة الله .

(~~~ 🌸 صلي علي رسول الله 🌸 ~~~ )

أريج ببكاء :
- يا ماما لازم أشوفها .. لازم أكون جنبهم .

أروى :
- يا أريج بطلي دماغك الناشفة دي .. قلت أبوكي رفض .. كلميه وقوليله وبطلي توجعي دماغي .

أريج :
- وانتي كمان لازم تكوني جنبهم يا ماما .

أروى :
- يا حبيبتي عارفة.. بس أبوكي ودماغه أعمل أي بس .

أريج :
- أنا هكلمه.. ما يرضيش ربنا كده أبدا .

أخرجت هاتفها وقامت بالاتصال بإسلام الذي أجاب سريعًا :
- السلام عليكم .

أريج :
- وعليكم السلام ورحمة الله .. بابا لو سمحت المفروض نكون أنا وماما جنب سبأ وطنط سالي .. ممكن نروح لو سمحت .

إسلام بتنهيدة :
- يا أريج يا حبيبتي أنا كلمت سفيان وعرفت منه إنهم محجوزين .. حالتهم ما تسمحش بالزيارة .. انا مش همنعكوا عنهم يا أريج .. بس في الوقت المناسب تروحوا .. مرواحكم دلوقتي ما منوش فايدة .. وليد ومعاذ ورقية هناك .. وأنا هخلص أمور الشغل وهعدي عليهم أشوف الوضع وآجي بأمر الله .

أريج بتنهيدة استسلام :
- حاضر يا بابا .. خلي بالك من نفسك  .

إسلام :
- سيبيها على الله يا حبيبتي .. في أمان الله .

أغلقت أريج مع إسلام وقبل أن تضع الهاتف وجدته يعلن عن اتصال من عمتها  .. فأجابت سريعًا :
- عمتو .