سجينة بعشق يوسف

🤎٢١

في البصرة بيت معتز الساعة ٧:٠٠ صباحاً

مريم : كعدت الكل ع ريوك علمود دنروح لبيت الشيخ علاء ونكحل عيونة بشوفتها وشوفة طولها الحلو كعدو البنات وعلي ومعتز ع ريوك ومحد نطق كلمة الكل يريد يخلص بسرعة بسرعة علمود نطلع كملو اكل كمت نضفت المواعين ع سريع ورحت غسلت لبست جبة رسمية وحجاب اسود احترام الهم لان ع حجي معتز وعلي الاربعين مال ابنهم البارحة ....

معتز : كامو البنات من الاكل ووصيتهم يلبسون حجابات وشي طويل لان هناك شيوخ وزلم وسئلت عليهم ميقبلون العيبة ( الغلط ) للابنية البنات مكالو لا كمت غسلت ولبست دشداشة نيلي وشماغ وعكال ....

علي : اول مصبحت بوجه زهراء كعدتني بكل نشاط وفتحت البردة وشمست الغرفة وباستني وطلعت نزلت تريكت وصعدت غسلت ولبست بنطرون قماش نيلي وقميص سماوي ورفعت شعري ....

زينب : كعدتنة مريم وكمت غسلت واكلت وصعدت لبست تنورة سودة وقميص رسمي ووياها لونة اسود وكسرت بحزام لونة نمري وحجاب اسود مخليت مكياج بس جريت كحلة لعيني وكلش متحمسة لشوفة رتو  ....

زهراء : كعدتني مريم رحت غسلت وكعدت علي نوب نزلت اكلت وصعدت لبست بنطرون جينز سماوي وتيشيرت اسود وفوكاه بشت اسود طويل وياهم حزام ولبست حجاب زيتوني وجنطة وحذاء زيتوني مخليت مكياج بس تنت لان وجهي مصوفر😂ومكيفة مو شلون مجان على شوفة ريتاج ....

عسل : كعدت اخير العالم نزلت اكلت خفايف وصعدت بدلت ع سريع لبست بنطرون اسود وفوكاه قميص طويل اسود وجنطة بيجي وحذاء بيجي وحجاب بيجي هماتين مخليت مكياج بس كحلة وحمرة خفيفة وبودي اكمز من الفرحة لان ححضن واشوف ريتاج بعيني مفتقدتها مو شلون مجان ....

علي : صعدوا البنات بالسيارة ليورة واني اسوق وابوي بصفي وعلى وصف العالم وصلنة لبيت شيخ علاء بيت جبير مزارع منا ومنا جبيرة وكدامة شط كلش حلو المنضر والخضار بس بنيانة قديم نزلنة دكينة الباب ....

طالب : جايك جايك
معتز وعلي : السلام عليكم
طالب : وعليكم السلام حجي معتز زارتنة البركة ومباوعت بوجه علي ولا رديت السلام ولو بودي اشرب من دمة لو ما العيبة
معتز : الله يسلمك وليدي
طالب: فوت فوت البيت بيتك
معتز : البنيات بالسيارة روح علي صيحهن
طالب: تفضلو بالديوان والنسون جوة يم النسوان
علي : فاتو البنات وهذا دنك راسة شكد عدهم احترام للمرة ولو هوة مبين مكروه حتى سلام مردة بس حقة
طالب : تفضلو منا الديوان
معتز : فتنة للديوان محد جان موجود وكعدنة
معتز : عمي طالب وين عمك ابوك
طالب : والله ببيتهم انتة جاي لبيت الجد
معتز :وصفولي هذا بيت الشيخ علاء
طالب : اي عمي بيوت شيخ علاء هواي هذا بيت الثاني
معتز : لعد نترخص واذا مصير زحمة اريد عنوان البيت العايش بي
طالب : لا والله عمي تجينة ضيف ومانضيفك هاي وين صايرة تبقة ع الغدة
علي : لا يابة نرفع الزحمة
طالب : هاي عيبة بخصوصنة اذا مبقيتو
معتز : خلص يابة بقينة بقينة

مريم : دخلنة ومجان المكان هوسة او وصخ جان هادء هدوء عضيم ويرن رن من النضافة جتي بنية بعمر ٢٠ سنة حلوة بيضة وقزمة ضيفتنة وكعدت يمنة..

مهرة : اني اخت طالب الي طلعلكم ووصلني بيكم
البنات : ونعم تشرفنا
مهرة : انتم اهل ريتاج فصلية يوسف مو
مريم : اي جينة نشوفها شنو ماموجودة هنا
مهرة : لا والله البيت العايشة بي ريتاج يصير بيت عمي واهلي راحو البارحة ليغاد علمود اربيعينية امير سودة علية
مريم : الله يرحمة حبيبتي بس شلون حنبقى هنا لو نروح
مهرة : لا يمة تبقون ع الغدة ونضيفكم
مريم : ان شاءالله
مهرة : ونعم بالله يعمري
مريم : طلعت الابنية والبنات كمزو علية بالاسئلة
زينب : مريم شلون
زهراء : ياامداني مهلكيها مبينين
عسل : خلنروحلها وعوفو الغدة
مريم : بناتي ميصير لازم نبقى ع الغدة تنسحب عليهم واحنة ضيوف الهم واذا ع روحة تصير باجر مطايرين على كيفكم بنات
زينب : هففففف الله كريم
زهراء : ان شاء الله ان شاءالله
عسل : لارد

معتز وعلي : تغدينا وضيفونا ولل ٤ سوالف وجايات وماشاء الله شكد محبوبين وينحطون ع الكلب

مريم : تغدينا والبنات اكلو والابنية طلع اسمها مهرة كعدت اكلت ويانة فد محبوبة وتحب تسولف عاد دكيت على معتز لان تأخرنا ورا شوية طلعنا ونطو العنوان الصحيح المعتز نوب رجعنا للبيت بس هلكانين كبل نمنا  ....

معتز : اصبر لشوفة بنتي وعندي امل بالله جبير وين تروح قابل الله كريم

زينب : شكد جنت متلهفة على ريتاج بس من كثر خيبة اليوم ذبيت روحي بالفراش ونمت حتى احمد محاجيتة

زهراء : قلقانة كلش على ريتاج ماعرف ليش كلبي واجعني عليها بس محسست احد بشي بدلت وغسلت ورحت لعلي ..
زهراء : حبيبي محتاجتك يمي
علي : اني اكثر وعيونج الدمعهن حاركني
زهراء : ضمني بيك
علي : تعاي يبعد الروح والرية
زهراء : نمت بحضنة وولاحسيت على روحي
علي : نامت زهراء واني العب بشعرها وافكر شلون حنرجع تيتة وليوين مطولة بينة اني وزهراء لحد مغفيت ....

عسل : جان عندي امل جبير بس خاب املي من كثر الضوجة بس بدلت وغسلت بس حطيت راسي المخدة غفيت .....