سجينة بعشق يوسف

🤎٣٤

في البصرة بيت شيخ علاء بعد مرور شهر ..

يوسف : مشتاق لريتة ولحضنها ولعطرها ولوجها ولسمارها ولكل تفصيل يخصها مداانساها ببالي دائماً ودائماً احاول الهي روحي واتعب نفسي بالشغل حتى من ارجع مااحس على شي وكبل انام ماافكر بيها ومافكر بحضنها بليل حتى الغرفة وحشة بدونها وكمت مانام بيها كمت انام بغرفتها الجوة وعلى مخدتها وعطرها التارس الغرفة صحتي تعبت كلش طلكت مرام وتوسلت علمود اسامحها بس لو تطلعلها كرون هالجلبة الحقيرة الطماعة الحمدالله خلصت منها مبيدي حيلة على ريتة لااني البردان بعشكها ولا اني الشابة بية نار حتى كعدة البيت كمت اكرها ومااحبها واذا متناسيتها اروح اخطبها من اهلها ..الله كريم

جنات : داشوف يوسف تعبان ومالة واهس بكلشي لااكلة اكل لا نومتة نومة متلوع تلوع سودة علية واذا ضل هيج احاجي عمي علاء ونروح لريتة نخطبها على سنة الله ورسوله

محمد : اني برأيي كل الي ديصير هذا حوبة ريتاج يتيمة وتعذبت ودخلت سجن يوسف نوب حييقى ابنها بلاية اب ماعرف شلون واني هم قررت اروح لعسل اشوفها لان مشتاقلها وهماتين اتطمن على ريتة واشوفها شمحتاجة ....

(نرجع ليوم طلاگ يوسف ومرام)
مرام : بعياط وبجي يوسف انتة مو تحبني وتريدني لتكسرني بروح ابوك
يوسف : انتي جبتيها لروحج ويلا منا لا الزمج اطلع بيج قهري كلة ولتجيبين ابوية على لسانج لا اكصة واعلكة بأذاناتج مفهموم يحلوة !
مرام : والله احبك واريدك ونفسي بيك لتعوفني
يوسف : بلا كذب وبلا تمثيل ودموع هاي متهزني انتي طامعة بالفلوس وتدورين الي يصرف عليج ويطببج ويطلعج
مرام : لارد وبس بجي
مرام : اني مجنت ادري يوسف محصن ولو ادري ماذب نفسي بهالهبية واسحب روحي بس الموضوع كلة انكلب علية ونفصحت كدام العالم ولو باقية جان منرحمت ف احسن حل ابيع ذهب المهر لان مطالب بي يوسف واسافر وبعد ماارجع

يوسف : من بعد هاليوم بعد مشفت مرام ولاشوفتني وجهة وحتى هي من الشغل بطلت يعني بالمختصر ملمحت وجهة بعد والحمدالله خلصت منها ومن شكولها الزفرة ......

_________________________________________
محمد : ردت اروح لبغداد وكتلها لامي انو داشوف ريتاج اطمن عليها واكمل كم شغلة عندي ف داطلع بليل لبغداد ولاكاني يوسف
يوسف : وين رايح
محمد : عندي كم شغلة ببغداد اريد اكضيها وارجع
يوسف : اهااا توصل بسلامة خوية
محمد : الله يسلمك تاج راسي
يوسف : سالم راسك
محمد : مع السلامة
وصلنت لبغداد ونزلت بأحد فنادق منطقة رتو العايشة بيها بوكتها اتفقت وي عسل تجي تبات ببيت عمها هي وزهراء واجوي ارتاحيت ونمت وثاني يوم بدلت ورحت لبيت ريتة استقبلني علي
محمد : السلام عليكم
علي : هلا زارتنة البركة
محمد : هلا بيك علاوي
علي : تفضل تفضل
محمد : والله جيت اشوف ريتة شلونها شمحتاجة وهم اطمن عليها
علي : اي يابة هسة اصيحها
ريتاج : صاحني علي وشفت محمد سلمت عليه وكعدنة سوالف
محمد : ولج شلونج شلون صرتي شلونة الطفل
ريتاج : الحمدالله زينة والطفل زين وثبت سولفلي انتة شلونك وين ماوين
محمد : على الله وعلى عسل 🥺
ريتاج : يمة الحب يمة
محمد : وينها صيحيها
ريتاج : تدلل
عسل : صاحتني ريتاج واني كلبي طبل
محمد : شلونج حبيبيتي
عسل : ها الحمدالله وانتة
محمد : اني مشتاقلج
عسل : واني هم
محمد : حضري روحج باجر جايج ونطلع
عسل : وين
محمد : معليج
عسل : الله كريم

ريتاج : راح محمد بس مرجع للبصرة ووصاني انتبه على نفسي وع طفل واشرب الدوة واكل زين وودع عسل وعلي وراح مر اليوم طبيعي مابي اي شي مر ثاني يوم عسل اتفقت وي محمد على طلعة وراحت ووصيتها تنتبه لنفسها ومتسوي شي يزعجة لمحمد لان شخص اعزة وكلش لطيف ومحبوب ومو مثل يوسف عصبيتة وبرودة راكبي وميكدر يسيطر على روحة وكلش حنين عاد رجعت عسل وفرحتنة كلش وتحجي عليه وعيونها تلمع اتمنى ينجمعون بالحلال وميصير شي يعيق علاقتهم فد فرحنالها اني وزهراء وزنو فرحنة لان طلعت من كابوس ليث الحقير ...

________________________________________

ليث : اني طول هالفترة مراقب عسل واعرف وين تطلع ووين تطب وين دتروح ووين دتلتقي واعرف اخبارها واخبار بيتهم وبيت عمها كلشي اعرف بيوم من الايام داتمشى وشفتها طلعت من بيت عمها وصعدت بسيارة وي واحد لحكتهم بس محسستهم اني وراهم عاد رجعت واني وراهم ذبها وراح لفندق بالمنطقة قريب سئلت عليه طلع كرايبها من البصرة وعلساس ديخطبها اني نار وشبت بية من عرفت هالشي وكلت لازم تخرب هالعلاقة بس معرفت شلون عاد حجيت الموقف لصديقتها تبارك الي هي خلتنا ننجمع بس من تخاربنا اني وعسل خربت علاقة تبارك بعسل ....
تبارك : شوف حدزلك صور عسل عندي وحاول تفبركهم وتخليهم مال كح..... وروح شوفهن لمحمد واذا مصدك نطي دليل على جسم عسل
ليث : شلون يابة شبيج مخبلة
تبارك : اي والله شبيك وتخرب علاقتهم وهي اكيد مكايلتلة عليك
ليث : وشنوة الدليل
تبارك : كلة عدها شامة يم صدرها
ليث : دزي الصور خلي اسويهن اني وصاحبي يعرف يفبرك
تبارك : تمام

ليث : دزت تبارك الصور وفبركتهم وطولعو توب ثاني يوم رحت للفندق الي كعد بي محمد وطلبت ينزل جوة
محمد : جنت نايم ودك تلفوني اكو شخص يريدني جوة بصالة الفندق وبموضوع مهم استغربت محد يدري بية اني هنا غير عسل وريتاج
ليث : نزل محمد طول وهيبة واني يمة هلكدوتني حتى تلعثمت شلون ابدي الموضوع
محمد : تفضل خوية شرايد
ليث : اني جايك بخصوص عسل
محمد : منو انتة !
ليث : حبيبها القديم واحتمال محاجيتلك علية
محمد : لا حاجيتلي وادري بيك منو ووين تريد توصل اطلعلي من الاخير
ليث : مرايد شي بس اريد تعوفها اني احبها واريدها
محمد : لك انتة شنو تالي وكت جاي وتحبها وتريدها بيا مناسبة وشنو تلفض اسمها على لسانك ولزمة دك كتل كطعة تكطع كسر ضلوعة وخشمة
ليث : محمد لزمني وين اليوجعني بحيث منطاني مجال ادافع على نفسي او اتنفس من هدني كتلة انتة شنو تدافع علمود وحدة كح..... واذا ممصدككك هاك هاي صورها شوفففف عسل الشريفة الي جاي تدافع عليها ونافخ روحك علمودها واذا ممصدك روح اسئلها عندج شامة بصدرج لو لا وهاي الصور خليهن يمك على كلبك وروح شوفلك حل ويا حبيبة كلبك يلا مع السلامة

محمد : من شفت الصور نعميت ومكمت احس على روحي وحجي ليث مكمت افرزنة بحيث كبل رحت خابرت عسل سئلتها
محمد : هلاو عسل (بعصبية)
عسل : هلا حبيبي صح النوم
محمد : بس عندي سؤال جاوبيني عليه داروح لان عندي شغل ومتأخر
عسل : كول عمري بس شوية اعصابك شبيك هلكد اعصاب
محمد : عندج شامة بصدرج لو لا !
عسل : اي عندي شمدريك ( بأستغراب )
محمد : لا هيج حبيبتي ليضل بالك اني حروح عمدي شغل
عسل : تمام ديربالك على نفسك
محمد : مع السلامة
عسل : الله وياك عمري .
محمد : من تأكدت من عسل كرهتها وحقدت عليها وكرهت الايام الكضيتها وياها وكرهت كلشي يخصها  شلون كدرت تعيشني بأوهام شلون دتستغلنيي شلون ريتاج مكلتلي هي مو تعزني وتريد مصلحتي  تملكتني هواي اسئلة بس قررت اخطبها ونتزوج واطلع الوهم العيشتنيا من عينها .............