عشق الطوائف( عشقي)

البارت الثامن والاربعين

♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني
قدري
♧🌹♤الحلقه-23-♤🌹♧
الكاتبة:- فاطمة علي
🌸لايك+تعليق🌸

لم يكُن الأمر عاديًا كما تظُنّ،
إنَّه أصبح عاديًا بعد ألف معركة في عقلي
وألف كسرًا في قلبي
وألف دمعة مِن عيني،
هكذا اِستنزفت كُلّ مَشاعِري دُفعَةً واحِدةً
حَتّى أبدو لَك بهذة الصُورة الَّتي تُطلق عليها، بأنَّها عاديّة ،⚜️
.
.

نرمين : انذبت على راسي عباية رفعت راسي جان اشوفه فارس واكف ...

فارس : الزلم كلها واكفه روحي دخلي جوه...

نرمين : مشكور خوية ماقصرت ، دخلت جوه وبيدي ياس حاظنته ، بدو تجهيزات الحنه
دخلت الغرفة دنيا صايره هوسه ونور مرت فارس كاعده تنظف بدنيا وكلها تصنف وتضحك عليهن ، كافي شبيجن تضحكن على البنية الي يكول انتن ممريتن بهيج يوم ...

فاطمة : اي والله شحلاته اصلا احلى يومين بحياتي وباقي كله گراب ، بس الحمدلله علاوي يحبني مردلي طلب صح تصير مشاكل بس كبرنه ....

نرمين :اي والله صحيح ، اني متهنيت بهل يومين ههههه بس ورها بسبوع تهنيت ، كلهن باوعن عليه هاي شبيجن ترى مكلت شي ...

نور : الله يسعدج حبيبه ، ولجن كوومه شغلن شي خل نركص ونوخر من عدنه الهبطه مال قبل شوية ...

نرمين : اي والله ، شغلن دي جي وكعدن يركصن ويهلهلن ، طبعاً بتنه يمهم وثاني يوم جان يوم خميس هو يوم الحنه ، كعدنه من الصبح البيت هوسه بالناس كلها جاية اتحس البيت يخنگ رغم هو البيت جبيير ، الدنيا جانت بين الصيف والربيع الجو يخبل جان ...

... اخذوا دنيا من الصبح للصالون لان بالكوت مو يمهم ام الصالون تغدينه وكملنه غده اني والبنات كعدنه غرفه وحده كلهن بدن يعدلن ويبدلن اني اخذت فستاني وبدلت ، ورجعت اخلي مكياج
دا اخلي بالرموش باوعت كلهن يباوعلي ، ها اكو شي بوجهي ...

زهراء : لا ولج بس مكياجج طلع يجننن جنج عروس طلعتي شلون تعلمتي المكياج ...

نرمين : بالممارسه تعلمت من اروح كلية اخلي وبالبيت دائماً وهم اتابع على اليوتيوب وتعلمت منهن ..

حوراء : دكعدي خية حطيلنه جا بس انتي طلعين احلى من عدنه ، هههههه....

نرجس : اختي من يوم يومها حلوه حتى اذا بس تجر كحله هي من كاعه بيضه والخدود جنهن تفاح و الحلك كرز ...

فاطمة : بس مو احلى مني اني احلاجن كولجن ...

نرجس : شهادة لله اصلا فاطمة تجنن بعدها نرمين ورهن اني ...