♧'🌹'♧'عشق الطوائف'♧'🌹'♧'
'🌸'{عشقي}'🌸'
الموسم الثالث
♧🌹♤الحلقه -1-♤🌹♧
الكاتبة:- فاطمة علي
🌸لايك+تعليق🌸
نرمين : مرت الايام بكل بروود ابرد منها ماكو ، ياس بيني وبين اهله يجي عثمان ياخذه كل سبوعين تلاثه لان عمتي وعمي حيل متعلقين بي ميكدرون يفارگوا ،صديقتي هي بس سما و دنيا علاقتي كولش قوية وياهن وبس هن افضفض عدهن عرفت ان نور زوجة فارس جايبه بس متوفية الطفله حيل انقهرت عليها، دك تلفوني استغربت رقم غريب سديته ورجعت اباوع تلفزيون ، رجع دك مره ثاني وانسد اجاني اشعار من الواتساب ، فتحته واشوف رساله خربطت كل حالي ...
فارس : جمارة انه فارس ...
نرمين : احس حيلي راح وجسمي كله كام يررجف ، بالوقت الجنت محتاجه احد يحتويني واطلع من ظلم امي راسلني فارس ، كمت وكفت وبالكوه امشي بخطوات بين المتسارعه والعلى كيف ، صعدت الغرفتي وجنت حيل متردده اجاوب ، اوف يااسمري بعدني بقلبك ،
ضليت اروح واجي بالغرفه والاشعارات تجي بالواتساب ومتردده ارد او لا ، اخذت نفس وفتحت الواتساب ....
فارس : ياكل هلي ردي ليش تشوفين الرساله وماتردين ، جمارتي انه حبيبج الاسمر ، ولج ردي مو علعلتي قلبي ،ها براحتج مترديني تحجين وياي في مالالله ...
نرمين : رديت والرجفه ماخذتني واحس نفسي رراح ينكطع وقلبي دكاته كولش متسارعه للحظه نزلت دمعتي واني اجاوبه واكوله ، هلا بفارس شلونك يبن عمتي ...
فارس : اووويلي رديتي يجماره واخيراً ولج مشتاگلج كد الهوى ....
نرمين : تشتاقلك العافية ، خفت اجاوبه بأي كلمه واخاف اخلي عنده امل بس اني محتاجته هووواي ، خل احجي ويا سطحيات احسن جان عندي تضارب بالمشاعر وحرت شحجي كبل دك ، خليته صامت ورحت شفت محد فوك كلها جوه ، ردتي بصوت يرجف وتردد ، الوو جان يجر حسره حسيتها شكت قلبي وقلبه شگ ....
فارس : هفففففففف ، واخيراً سمعت صوتج ، ولج احجي احجي اريد اشبع من صوتج ، مشاگلج كلش ...
نرمين : شلونك فارس جان يعيط بأعلى صوته ....
فارس : شلوووني وانتي بعيده عنني شلووني وانتي مو بحظني شلوني وانه مااشتم عطرج
واشوف طولج شلوني وانه بالاحسره عليّ اسمع صوتج ، بعد اسألي شلوني حتى تعرفين انه شلون حالتي بدونج ، شوكت بعد تصيرين اليه مو كافي ....
نرمين : شلون اصيير الك ومرتك ...
فارس : لج انتي تعرفين كلش زين انه من زمان هاجرها ، و لو ما انتي بعرس دنيا ضغظتي عليّ وكلتيلي انه شفت حياتي انت هم شوف حياتك ، انه تقربت النور للمره الثانية وعلگت البنية الثانية بسرعه بطنها ، وبعد من يومها حرمت عليّ مره غيرج ، هذا حظني بس الج ما يضم مره غيرج ، صدكي حياتي متوقفه بدونج ، وادري بحياتي تمشي وياج ....
YOU ARE READING
عشق الطوائف( عشقي)
ChickLitقصة عشق الطوائف { عشقي}🌷 الكاتبة:- فاطمة علي أبـحـث عـنــكِ عــن ملامـحكِ بســمتـكِ صـــــوتـكِ بيـن أنيـــــن العـاشقين وشــوقهـم فى مـدحهـم ... غـزلهم .. نبضهـم أبحـث عـنــك بيـن الـعـبـــــــــــارات و الـهـمســات و في كل الـروايــات أبحث عنكِ...
