عبير : يخي هو عجباتو الطفلة و كلش علاه جاء ولا علاجال لبروفيت يجي
لويزة : جابلي ربي تحوسي على نقشة 54 تاع كلاكيط عمران في وجهك
عبير : مش كنت تقولي لازمني نتزوج بصح كي تضربني يبقى ليطراس ونبير و نقعد فوق راسك
لويزة : نزيدك علما ديجا راكي برت
عبير : حشاك مزالني صغيرة و نهبل و يتمناني الف واحد
لويزة : هيه راني نشوف خطابا دايرة صف لبرا
وراحت لويزة و قعدت نرعى تفكرت لازمني دير بعض تحضيرات المنزلية و منها تقرعيج على لعروسة و عائلتها و كيف و متى و أين اضافة إذا عندها اخوتها زلول
نضت على سعدي وعدي نوجد في رجينة مش نتخلص من رجولة و بينما ريجينة تطيب رحت نقرعج على كنتنا المستقبلية
عبير : عصااااااااااااااااااااااام
عصام : خير نشالله
عبير : ارواح هنا اقعد معايا شوي
عصام : معليه و قعد و قال وش تحوسي
عبير : علاه لزم نعيطلك إلا للمصلحة حق فيا مش نسقسي عليك و كيفاه فاتو عليك هاذو لعوام
عصام : هذا وين تفكرتي راني خوك بقيل شعرة و قتلتيني
عبير : الله غالب ضربت وتر حساس وخرجتلك عبدو وحد ماقلك طلع صوتك عليا درت فيك شوي رحمة و ماخرجتش لسانك من بلاصتو و درت بيه بوزالوف
عصام : هههههههههههههههههههههههه شهيتيني في بوزالوف
عبير : ماتلعابهاش عليا تاع راك شهيت مش نطيبلك روح للويزة طيبلك
عصام : متوحشة هنا
عبير : عبير هدوء هدوء مزال لازمني نخليه حي مش نقرعج
عصام : وش تحبي تعرفي
عبير : كلش
عصام : مش خسارة في دلولتي صغيرة انتي عمبالك راني رحت للارمي و رحت ثماك درت كونطرا تاع ربعة سنين و تعرفت على واحد ثماك و عقبنا لارمي مع بعضانا و كي كملنا جددنا انا وياه و قبل مايعطونا سكن سكنت معاه مع عايلتو وحد ثلاث شهر وقتها شفت اختو و عجبتني و تعرفت عليها و تفاهمنا و قلت لصاحبي وقلت عليها كلمة و بعدها عطاونا دار و بديت نخدم دركي فوتت عام و رحت مش نخطبها و شرطو عليا يشوفو عايلتي و يتعرفو عليها باسكو قلتلهم راني كنت ساكن في جبل و عليها تفاهمنا على نهار و بعدها جيتكم .
عبير : هاذي هيا نحسبها قصة طويلة وفيها رومانسية و زيد وش اسم عروستنا
عصام : اسمها رانيا عمرها 22 سنة
عبير : امممممممممممممممممممممممممم مليح و كيفاش شكلها
عصام : نهار خطبة تشوفيها
عبير : و زعما تحبها
عصام : ايه نحبها
عبير : مبروك ربي يهنيك معاها
عصام : صغرونتي كبرت و عادت مرا خليتها قد نملة وبدأ يفرعسلها في شعرها
عبير : علاه قبل كنت راجل و زيد عمري 25 سنة
عصام : ياو تعودي عجوز تقعدي صغرونتي
عبير : نخرجاهلك مريقلة صاحبك زين إلا هكا دبر راسك و زوجني بيه
عصام : اباب تحلبتي دقول
عبير : متخافش غير منك مانحشمش راك خويا و كان ماجيتش خويا راني طرت بيك بما انك تطابق مواصفاتي عالمية
عصام : ديجا لازم يكون لمخير مش نمدك ليه و علاه نتي مقطوعة من شجرة
عبير : ديجا راني رايحا اكتملت مهمة تقرعيج .
عصام : اببببببببببببببببببببب وتقولي فيها في وجهي
عبير : ايه قل حقا والو كان لجون سينا
عصام : و تعرفي جون سينا ثاني
عبير : والو راني رايحا أسئلتك ماتكملش و سامطة كي وجهك
بعد ساعتان
عبير : اييييييييييييييييييييي مسكين راح وهو مزالو على ديدانو ( تبكي على مسطاشها لي نحتهولها أمها بعد ماكتفتها في شجرة ) يا قاتلة
لويزة : أيا بلعي على موسطاشك درتيلنا مندبة مش نروحو نخطبو لخوك و هيا اكثر انوثة منك
عبير : فكرتيني هو مش يخطب و نتي و شيخ مش تخطبولو و أنا و مسطاشي وش دخلنا
لويزة : لازم يبان معانا واحد من أخوة عماد الله يعلم وينو و عمر مستحيل ندوه و بقى غير نتي
![](https://img.wattpad.com/cover/216859756-288-k878583.jpg)
YOU ARE READING
كرونيك كوميديا على هيئة بنادم - عبير *سفيان *مكتملة *
Humorقصة كيما يحبها قلبك كوميك مع شوووي رومانتيك قصة واحدة نوصوفها بكلمة مرفوع عليها القلم ساكنة في ريف ووووو حاب تعرف القصة ادخل ذرك تشوف نضمنلك تدخل لباس عليك تخرج رايح لسبيطار كرشك توجع فيك من ضحك