عصام : فكرتيني علاه كنتي تعيطي خفت نحسبو جينرال جاء و يعيط بعدها قالولي راهي طفلة طلت من تاقى دقوشي عزرائيل شبعتهم ترخاص و خافو على رواحهم و سكتو و شفت بالي صفات ذيك طفلة نفس صفاتك
عبير : قلقوني قاعديني يعيطو كأنو معزة كي تعود تولد و خرجتلهم قلتلهم يبلعو
عصام : ويسمعو كلامك وقيل نخدمك معايا مش يخافو منك
عبير : شفتني بارجي وقيل أنا نروح لنبدأ نلاشي
و نسمع في تدريز تاع باب و رحت فتحت و شفت وحد الزل قريب ندوخ
عبير : تفضل بواش نعاونك و حاولت نخلي نبرتي أنثوية قدر أمكان
*** : نحوس على عصام
عبير : دقيقة عصااااااااااام - بكل انثوية – ذرك يجيك
جاء عصام
عصام : صباح الخير سفيان وش تحوس
سفيان : صباح النور والو نحوس على متوحش لي كان يعيط و سقسيت قالولي من دارك
عصام : اااااااااااااااااااااااه عبير راه عليك
سفيان : ماتتمسخرش هاذي أنوثة و جمال كله يجي منه ذاك توحش
عصام : راه قال عليك متوحشة أرحميه راهو مزالو صغير و خزر في صاحبو متشوكي و قالو اهرب اهرب يا صحيبي مدامها مزالت عبير قبل ما تتحول لعبدو و تشوف توحش على أصول
عبير : شكرا على رأيك لي كي وجهك و أطلق راسك تشوف و عسس روحك من عزرائيل مع ساطور
YOU ARE READING
كرونيك كوميديا على هيئة بنادم - عبير *سفيان *مكتملة *
Humorقصة كيما يحبها قلبك كوميك مع شوووي رومانتيك قصة واحدة نوصوفها بكلمة مرفوع عليها القلم ساكنة في ريف ووووو حاب تعرف القصة ادخل ذرك تشوف نضمنلك تدخل لباس عليك تخرج رايح لسبيطار كرشك توجع فيك من ضحك