فتاة انتقائية

بعض المصطلحات

تؤمن بنظرية التطور؟
-اي
شكد غبي لعد !
-ليش؟
لان تؤمن بشيء اسمه نظرية ما مثبت علميا وليس حقيقة !

هواي مثل هيج اشخاص نشوفهم بحياتنا
عدهم التباس بالمصطلحات ، فهذا المنشور من خلاله راح نحاول نشرح اهم المصطلحات

1.النظرية العلمية (بكل بساطة عبارة عن شرح لكيفية حدوث ظاهرة طبيعية) يعني من نكول نظرية التطور  معناها الطريقة الي من خلاله راح تفهم حقيقة علمية اسمها التطور . فلا تجي تكولي هي نظرية وليست حقيقة، النظرية تشرح كيفية حدوث الحقيقة (الية العمل) يعني الميكانيكية . مثلا الحقيقة ان الاجسام تسقط الى مركز الكرة الارضية  والي يشرح هاي الحقيقة هي نظرية الجاذبية !

ملاحظة / النظرية عند عامة الناس هي مجرد رأي او حدس او تنبؤ  اما في العلم فهي شرح لحقيقة ما .

2.الفرضية العلمية (عبارة عن حل مقترح لحدث غير مفسر ) يعني مثلا اكو فد مشكلة معينة بالنظرية النسبية  فيجي عالم ينطي حل لهاي المشكلة هذا الحل يسمونه افتراض ومو شرط صحيح ممكن يكون صح او خطأ
ومن يكون الافتراض خطأ او مابي فايدة يسمونه (الفرضية العدمية) .

3.الحقيقة (توافق بالاجماع) بين العلماء والباحثين والراصدين على فكرة معينة .

4.القانون (عملية ترتيب للحقائق المرصودة)

اذن ! النظرية تشرح الحقيقة
والقانون يرتب الحقائق .

5.الرصد (بكل بساطة يعني الحصول على معلومات حول ظاهرة ما  باستخدام الحواس والاجهزة ...الخ)

الموضوع متشعب لكن هاي الزبدة .

تحياتي ❤❤