فتاة انتقائية

صدام حسين

أكو سالفة جديدة تؤدي الىتشويه صورة العلمانية بأدعاهم ان صدام حسين علماني ...

وللرد على هذا الكلام نقول الاتي :-  

1.صدام حسين مسلم سني وبحياته ما ادعى انتمائه لاي فكر خارج الفكر الديني الاسلامي السني .

2.صدام حسين لو كان علماني فهو بالاسم فقط ، العلمانية تضمنلك حرية التعبير اما صدام فقمع حرية التعبير ، العلمانية ضد الشمولية بينما نظام صدام كان شمولي دكتاتوري قمعي وحشي
العلمانية تضمنلك بلد مستقر داخليا بينما صدام ما خله العراق يستقر ولا دقيقة

3.الدستور كان خليط بين الاسلام والمدنية ، فمثلا المادة الرابعة تكول (الاسلام دين الدولة الرسمي ) وهاي العبارة  اكبر دليل ان صدام ما اله اي علاقة بالعلمانية ، لان لو تموت ما تشوف هاي العبارة بالدستور العلماني .

مثلا  (شروط انتخاب الرئيس)

يجب ان يكون من ابوين عراقيين وليس اجنبي (وهاي اصلا ضد مبادىء العلمانية ، يعني تخيل انت ابوك عراقي بس امك سورية بس انت منولد بالعراق وعايش بالعراق وكفوء  وذكي وكده وكدود بس ما يحقلك ترشح  بسبب امك! )

ثانيا / يجب ان يكون مؤمنا ! يعني لازم يكون مؤمن حتى يحقله يرشح ! ما اعرف شنو دخل الايمان بالسياسه لكن هذا دليل اخر دامغ يؤكد ان نظام صدام ما اله علاقة بالعلمانية .

ثالثا / مؤمنا بالاشتراكية ! wtf .

ايضا مثلا التملك العقاري ممنوع لغير العراقيين !  هاي علمانية ؟؟

مثلا الخدمة الالزامية في الجيش
هل الخدمة الالزامية موجودة في الدستور العلماني ؟؟؟

صدام حسين ما اله اي علاقة بشيء اسمه حرية او ديمقراطية او علمانية لا من قريب ولا من بعيد وكل شخص يحاول يخرب سمعة العلمانية بأسم هذا الدكتاتور فهو اما مدلس وكذاب واما فاهم غلط حيث يعتقد ان صدام حسين بفصله الدين عن الدولة قد اصبح علمانيا  وهذا خطأ كبير
التاريخ حافل برؤساء فصلوا الدين عن الدولة مثل هتلر وستالين وموسليني
هل يمكن اعتبار هؤلاء الدكتاتوريين
علمانيين ؟؟؟ كيف علمانيين وهمه يقمعون الناس وحرياتهم  واول مبادىء العلمانية عكس ذلك !

صدام حسين فصل الدين عن الدولة حتى يثبت مكانه ، حتى يسيطر اكثر مو علمود الشعب لان هو يريد الحكم فقط اله
هاي عقلية الدكتاتور .

______________________________

وهسه محبين صدام اكيد حينزعجون من الي طرحته على الرغم اني ما حجيت شيء غلط فقط بينت ان صدام انسان دكتاتور نظامة قمعي شمولي دستوره مخربط اسلامي على مدني على اشتراكي  وما اله علاقة بشيء اسمه علمانية ! ، فما اعرف وين الخطأ بالموضوع .

وتكدرون تدخلون على اي موقع يصنف الانظمة راح تلكون ان النظام العراقي من من نهاية 79 الى 2003 هو نظام شمولي دكتاتوري
وادخل على اشهر الدكتاتوريين راح تلكون اسم صدام مع مبارك والقذافي وستالين وغيرهم  ...

ثانيا تعال ، افرض انت معجب بشخصية صدام وبقوته  ومعجب بحزب البعث ، بس كولي شنو تبريرك لحرب ايران ؟ شنو تبريرك لدخوله للكويت ؟ شنو تبريرك للمقابر الجماعة ؟ شلون تركع سالفة قمعة للشعبانية ؟ ضربة لمقام الامام الحسين !!
وغيرة وغيرة وغيرة ....

برأيي الي يحبون صدام 3 انواع
اما مستفادين سابقا
واما جاهلين بالتاريخ ومغيبه  عقولهم
النوع الثالث هذولة لا مستفادين ولا جاهلين وانما هيج على الهوبعة يدري صدام دكتاتور ويدري بي قاتل بس مع هذا يحبه او يدعي حبه .

من يتوقف الشعب عن تقديس الماضي (صدام) (عبد الكريم) (الملكية)
ويتوقف عن تقديس الحاضر (الكهنه والخطوط الزرباء) بهاي الحالة راح نصنع مستقبل محترم يليق بينا 💙

ماعندي صورة لصدام ... سوو محطيت صورته بهالموضوع ..

تحياتي ❤