Bukas Na Lang Kita Babastedin (Published Under Psicom Publishing, Inc.)

Chapter Nine

Matapos ang meeting nila with the wedding coordinator ay tumuloy sila sa condo niya. Wala roon si Richael dahil sinamahan nito sina Hamiel at Limien sa isang mall tour. Nothing much for a simple date. All they have were food to eat and DVD's to watch. Pang-third movie na ang pinapanood nila, isang horror Thai movie.

She was enjoying the movie so much. Mahilig siya sa horror film. "Cielo oh, nakapatong iyong mumu sa balikat niya. Astiggg!" Nakasandal siya sa headrest ng kama, nakahiga naman ito.

Wala siyang narinig na sagot mula dito kaya nilingon niya ito. She sighed. Cielo was sleeping like a baby beside her. Marahil ay napagod na rin ito sa dami ng ginagawa nito araw-araw. Aside from being a celebrity, he was handling the Pontez Media Productions. Mula sa isang show ay tatlong shows na ngayon ang mina-manage nito. Plus gigs and concerts pa with the band. Mas madalas na kulang ito sa tulog at tamang pahinga. Wawa naman ang Cielo Baby ko, pagod na pagod.

Kinuha niya ang remote control at pinatay ang tv. Mas magandang panoorin ang binatang mahimbing na natutulog sa tabi niya kesa sa babaeng nagmumulto at sumasakay sa balikat ng ex-boyfriend. Habang pinapanood niya ang pagtulog nito ay bigla itong nagising at umubo nang umubo.

"Cielo..."

She gently tapped his back. Natigilan siya dahil medyo mainit ito. Sinapo niya ang noo nito, pati na rin pisngi. Confirmed, nilalagnat nga ito. "Cielo!"

"Hmmm?" tugon nito bago ito ubuhin uli. "Tapos na ba iyong movie, naku sorry nakatulog ako."

Bumaba siya ng kama. She turned the aircon low. Ikinumot niya ng ayos dito ang comforter. "Kanina pa ba masama ang pakiramdam mo? Bakit di mo sinasabi sa akin?" Pumasok siya sa built in dresser niya at kumuha ng paracetamol sa medicine cabinet.

"Well I thought it won't go further into fever."

Kumuha siya ng isang basong tubig sa nadaanang water dispenser. Pinabangon niya ito para makainom ito ng gamot. "Uminom ka ng gamot kanina?" Umiling ito. "Dapat inaagapan mo yan. May schedule ka pa naman ng mall tour sa Laguna bukas."

"Thanks, I think I should go. Sa bahay na lang ako magpapahinga para di na kita maistorbo." May kinuha ito sa ilalim ng unan niya.

Natigilan si Danica. Iyong pictures ni Cielo, nakalimutan niyang itago. Waaaaaahhh. Patay ako! Dead me!

"Mukhang kasing di pa tapos ang pangungulam mo sa akin, Danica Baby," he impishly grinned.

Inagaw niya ang pictures dito. Dahil siguro sa masama ang pakiramdam ay hindi na siya nito pinahirapan na makuha ang mga pictures. "Pwede ba, mind your own pangungulam. Kung naiinggit ka e di kulamin mo rin ako."

"No need, I know you're drop-dead, head over heels, upside down in love with me."

Pinagtaasan niya ito ng kilay. "Sigurado ka? E paano kung gumaganti lang ako sa'yo?"

Natigilan ito. Pagkatapos ay tuluyan na itong bumangon ng kama. "I'll go ahead."

"No!" pigil niya dito. Hinila niya ito at pinahiga ulit ng ayos sa kama. Inayos pa niya ulit ang pagkakakumot ng comforter nito. "Dito ka na lang. Malakas ang ulan sa labas, siguradong traffic at baha pa. Mas magandang magpahinga ka na lang dito."

Wala na itong nagawa kundi ang humiga ng ayos. Napangiti si Danica. Naalala niya ang mga sandaling iniilusyon niyang magiging sunud-sunuran sa kanya si Cielo. Though hindi naman ito under sa kanya, masarap pa rin sa pakiramdam na sinunod siya nito. Somehow, she felt that he valued her care.

"Magpahinga ka muna. May kukuhanin lang ako."

"Okay. Balik ka agad."

"Bakit mami-miss mo agad ako?"