EXPOSED [COMPLETED]

41

"BRIX!" galit na sigaw ni Noah pagdating niya sa tambayang warehouse ng mga ito. Nang makahanap ng pagkakataon ay dali-dali niya itong pinuntahan matapos malaman mula mismo kay Betty ang ginawa nito. "Brix, show up!"

Lumabas si Brix. Kasunod nito ang dalawang tropa na kapwa humihithit ng sigarilyo. Nakangising sinalubong siya nito.

"Noah, my dear," saad nito. "I'm glad you've finally shown up."

"Itigil mo na ang palabas, Brix! Hindi ako nagpunta rito para makipaglokohan sa'yo. Anong sinabi mo akay Betty, ha!"

"Woah, woah," anito na itinaas ang dalawang kamay. "Masiyado ka naman yatang mainit, dude. Wala naman akong sinabing masama sa sugar mama mo. Nagtanong lang naman ako tungkol sa sex life ninyo, eh."

Kumuyom ang mga palad ni Noah. Gusto niyang suntukin ang pagmumukha nito, ngunit pinigil niya ang sarili dahil nasa teritoryo pa rin siya nito.

"Betty is not my sugar mama. She is my girlfriend. At wala akong pakialam sa iniisip ninyong lahat!" galit na buwelta niya rito. "Our deal is off, Brix! I never produced any sex video and I never will. Wala na akong pakiaalam kahit ipachop-chop mo pa ang motor!"

Nagkibit-balikat si Brix. Parang inasahan na nitong marinig mula sa kanya iyon. Kinutuban siya nang hindi maganda.

"You know what? I knew you would chicken out. And it's fine." Brix said. "Actually, you can get your motorcycle if you want."

Kinumbatan nito si Marlon. Dumukot ito sa bulsa at inihagis sa kanya ang susi ng kanyang motor. Naguguluhang pinaglipat-lipat niya ang paningin sa mga ito.

"I-I don't understand," sabi niya. "Bakit mo biglang isinosoli sa akin ang motor?"

"Well, if you really want to know, tinanggal na ni dad ang pagkakagrounded niya sa akin. It's less than a week before the detention and community service is over. And I don't think I would want to do something that will harm me again."

"I don't buy this shit!" nagdududang bulalas niya. "Anong pinaplano ninyo?!"

"I'm not shitting, dude. Kung ayaw mong maniwala ay wala akong magagawa. Take your motorcycle with you, and don't ever come back."

Hindi kaagad nagawang gumalaw ni Noah mula sa kinatatayuan. Hindi pa rin niya mapaniwalaan ang mga sinasabi nito. Ayaw man nitong aminin ay gagawa siya ng paraan para malaman ang pinaplano nito.

"Aalis ako, pero tandaan mong hindi pa tayo tapos, Brix. Sa oras na lapitan at bastusin mo uli si Betty ay hindi na ako magdadalawang isip na basagin ang pagmumukha mo. Tandaan mo 'yan."