Everything Leads Me To You

Chapter 087: Perks

PAGKAUWING-PAGKAUWI sa bahay ay diretsong principal's office kaagad ako.

"Sorry na po Sir Deej, huwag na po kayong magalit. Nagpaalam naman po ako sa professor ko at pumayag naman po sila at naiintindihan naman po nila Sir Deej. Sa katunayan nga po, binigyan na lang po nila ako ng mga assignments para gawin ko po." Mahabang paliwanag ko kay Sir Deej bago ako masermunan.

"Look. I appreciate everything you're doing for Summer especially for me, Katherine. Pero, hindi naman pwede ma pabayaan mo yung pag-aaral mo. Paano kapag may na-missed ka? Diba? Sinabi ko sa'yo kagabi na darating ako. Sa ginawa mo, parang wala kang tiwala sa akin!"

"Ay naku, Sir Deej. Hindi po. May tiwala po ako sa inyo, Sir Deej ah." Depensa ko kaagad. "Sorry po, hindi na po talaga mauulit."

Napabuntong-hininga na lang si Sir Deej. "Okay."

"Ah... Sir Deej, kape po?" Alok ko.

"Later na lang after lunch."

"Nagkape po kayo sa meeting?"

"Hindi ba? Sinabi ko sa'yo kanina sa kotse na hindi natuloy."

"Ay, parang hindi po." Napaisip kong sagot. "Ang sinabi niyo po sa akin kanina ay “it's a waste of time.”"

"Kaya ngaaa. Hindi natuloy kaya it's a waste of time."

"Bakit po, Sir Deej? Bakit hindi natuloy?"

"Yung supposedly ka-meeting ko is unprofessional."

"Ha? Bakit po?? Ano pong ginawa niya???"

"Pinaghintay ba naman niya kami ng ilang oras pagkatapos ay hindi pala siya darating. Tapos ang dumating yung representative lang niya."

"Aba, loko yun ah! Hindi po ba ay bagong CEO lang oo yun?"

"That's the whole point. Kapag siya ay hindi umayos, sisirain lang niya ang lahat ng pinaghirapan ng previous CEO. Masisira ang kumpanya nila. I hope for the sake of the company ay aayusin niya ang work ethics niya. Otherwise, babagsak ang Time Airways."

Naku, kaya pala bad mood kanina. Kaya pala ang sungit kanina.

***

NAHILO NA KO kahahanap kay Kuya. I can't find him and good thing, I saw Knight Hunter sa hallway and he said baka nasa library.

"Excuse me, Miss? Did you see my brother, Storm Ford?" I ask the assistant librarian in charge after I logged in.

"Ah yes, naka logged in siya rito."

"Alright, thanks."

Hinanap ko si Kuya and I found him studying sa pinaka dulong row ng hilera ng mga tables.

"OH MY G! Kuya, nandito ka lang pala!" Medyo napalakas yung pagkasabi ko kaya sinita ako ni Kuya.

"Ssshhh!" Sita rin nung librarian.

"Oops sorry... Huy Kuya kanina pa kita hinahanap." Mahinang sabi ko kay Kuya as I sat beside him.

"Eh, bakit kasi hindi mo ako tinext?"

"Eh, kasi sira na yung phone ko. Ang dali ng ma-drain nung battery."

"Oh, edi palitan mo." Parang walang kahirap-hirap na bagay na sabi ni Kuya.