Everything Leads Me To You

Chapter 139: Para kay Summer

continuation...

MAGKAYAKAP KAMI ni Sir Finn nung madako ang tingin ko sa bandang harapan namin, hindi gaanong malayo sa pwesto namin.

"Sir Deej." Bulong ko pagkakita sa kaniya. Nakatingin lang siya sa amin ng matiman.

Bumitaw na si Sir Finn sa yakap namin sa isa't-isa. Tinignan niya rin yung tinitignan ko at kumaway pa si Sir Finn kay Sir Deej na hindi man lang nagulat kung bakit siya nandito.

"Katherine?" Tawag sa akin ni Sir Finn kaya binalingan ko siya ng tingin.

"Ay, s-sor-rry po Sir Finn." Paumanhin ko saka pasimpleng tumingin kay Sir Deej na nakatayo pa rin sa pwesto niya at pinanonood lang kami.

"I'll go ahead." Paalam niya.

"Sige po, Sir Finn. Happy New Year po!" Kako naman. Nagtungo na siya sa kotse niya at hinintay ko muna bago makaalis ito.

Tumalikod na ako pagkatapos kasi nandiyan si Sir Deej, nakatingin. Bakit kasi siya nandito eh!

Steady lang ako sa pwesto ko at hindi ako gumalaw. Kasi yung tingin na naman kasi kanina ni Sir Deej ay walang reaction. Plain lang.

"Yaya???" Dinig kong tawag sa akin ni Summer na nasa bandang likurang gawi ko.

Napilitan akong humarap at nakita kong matiman lang akong tinitigan ni Sir Deej na hindi ko mawari kung anong tumatakbo sa isip niya pero ako ito, kinakabahan lang.

"Yaya!!!" Nalipat ko kay Summer yung tingin ko nung takbuhin niya ang pagitan naming dalawa.

"Baby!" Masayang salubong ko at niyakap siya pabalik nung dambahin niya ako ng mahigpit na yakap.

Lumapit si Sir Deej sa amin ni Summer pero hindi man siya nagsalita at ang lalim lang niya kung tumingin.

Nakipagsukatan ako ng tingin at hindi bumitaw sa titig niya ngunit ako rin ang unang bumitaw nung marinig kong may tumawag sa akin.

"Oh My G! Katherine!"
"Katherine!" Sabay na tawag sa akin ni Ma'am Snow at Sir Storm.

Tumango lang ako sa mga bata at ngumiti.

"Hi, Iñigo!" Bati nila kay Iñigo nung nandito na rin pala. Halos sabay na dumating kina Ma'am Snow at Sir Storm.

"Katherine, anak. Tignan mo, nakabili kami ng mga damit ni N—" Natigilan si Nanay na siyang sunod na dumating dito nung dapat niyang ipakikita sa akin nung mapansin niyang may mga kasama na ako.

"Nay, diba yan yung boss ni Katherine sa Maynila?"

"Oo, Minda. Parang siya nga."

Hindi ko alam kung bakit pa sila nagbulungan. Dinig ko naman eh.

"Sir Daniel, napadalaw po kayo?" Basag ni Iñigo sa awkwardness na namamayani rito. Hay, buti naman!

"May site-visitation lang, Iñigo." Sagot ni Sir Deej.

"Ah siya nga po pala. Ito po si Nanay Minda o Min kung tawagin, siya po yung nanay ni Katherine. Si Nanay Luz naman po, siya po yung Lola ni Katherine." Pagpapakilala ni Iñigo.

"Magandang hapon po sa inyo." Magalang na bati ni Sir Deej.

"Magandang hapon din po– Sir Daniel." Bati rin ni Nanay na pinahabol pa yung Sir.