*السكون الذي يسبق العاصفة 2*✍️نور ميسره

4

الحلقة الرابعة
دارين:  طب انتي هتسافري وانا وعمي ومرات عمي
مريم: ( دموع)  انتي هتيجي معايا وماما وبابا هيفضلوا في فرنسا مع ندى وتيتة وجدو
دارين:  طب وليه نفترق
مريم:  عشان مينفعش يشوفوا الكوارث اللي همر بيها وبابا كبر في سن وميستحملش المشاكل دي
دارين:  احنا هنسافر إيطاليا صح
مريم:  لسه مش عارفه بس انا هصفي الشغل كله
دارين:  وعمي هيوافق
مريم: ( دموع)  انا لازم اعمل كده وإلا مازن هينتقم مني ومن بابا وهياخد علي مني
دارين: ( ب عصبية)  ما تديلو علي بقا وريحنا
مريم: ( بصوت عالي)  علي ابن حازم ودي امانة في رقبتي ومازن اصلا ابنه مش فارق معاه هو عايز يكسرني افهمي بقا..... اخوكي عرض عليا الجواز عشان يتحكم في كل شئ.... اخوكي راجع وفي قلبه انتقام وكره ليا ولحازم وبابا
دارين: طب انتي ليه عايزانى اجي معاكي
مريم: ( تنظر لها بضعف)  لانك اختي بجد انا عمري ماكان في حد في حياتي زيك انتي وحازم
دارين:  الله يرحمه ويجعل مثواه الجنة
مريم: ( دموع وضعف)  انا تعبت من غيره 
دارين:طب انتي هتحتاجي وقت قد ايه عشان تصفي حاجاتك هنا
مريم:  انا قبل ما اتصرف لازم اقول لبابا الاول
دارين:  طب في حالة انه وافق هتحتاجي وقت قد ايه
مريم:  مش عارفه بس ممكن سنة
دارين:  ده كتير
مريم:  مفيش حل غير كده
في اليوم التالي
تدخل الخادمة على مريم
الخادمة:  مريم هانم استاذ فارس عايز يقابلك
مريم: ( بتعب)  انا مش قادرة اقابل حد
الخادمة: بس هو قال انه عايز يقابلك ضروري
مريم:  طيب انا نازله
تنزل مريم ويتضح عليها الارهاق
فارس:( يقف ويسلم عليها)  البقاء لله
مريم:  ونعمه بالله اتفضل استريح
فارس: متشكر
مريم:  تشرب ايه يا فارس
فارس:  لا متشكر انا جي اتكلم معاكي شويه
مريم: ( تبتسم)  اتفضل
فارس:  انا كنت جي عشان اعرفك ان حازم كان بيشتغل معايا في البيزنس
مريم: ( صدمة)  اول مره اعرف
فارس:  ماهو مش معرف حد..... بس هو عنده نسبة كبيرة من الاسهم تقريبا  حوالي 45%
مريم:  طيب انا اقدر اساعدك ازاي
فارس:  تساعديني ايه يا بنتي انا بقولك عشان نعرف إذا كنتي هتكملي معايا ولا هتبيعي
مريم:  لا هكمل انا مش عايزه اي شئ يتغير مهما حصل
فارس:  طب تمام.... لو احتاجتي حاجه قوليلي في اي وقت
مريم:  ( تبتسم)  اكيد طبعا
فارس:  بس انا عايز اسأل سؤال ومتديقيش
مريم: ( تبتسم)  اتفضل طبعا احنا صحاب من زمان
فارس:  هو انتي ليه مش لابسه اسود
مريم: ( تضحك)  اولا حازم مبيحبش الاسود وثانيا انا......
فارس:  ثانيا ايه
مريم: ما انا محدش هيصدقني
فارس:  ( يبتسم)  لا قولي
مريم:  انا مش مصدقه انه مات.... حسيت اني شفت جثة تانية غيره ده غير اني بحس بيه
فارس:  ( يبتسم)  والله مش عارف اقولك ايه بس يمكن كلامك يبقى صح مفيش حاجه بعيد عن ربنا
مريم: وممكن تخاريف
فارس:  المهم تخلي بالك من نفسك وانا موجود لو عوزتي اي شئ مهما كان
مريم:  متشكرة جدا يا فارس
فارس:  الشكر لله

😃😃😃😃😃😃😃😃😃😃😃😃
في منزل  محمود عباس وهو رجل في منتصف الستينات وطبيب
في الصالة
محمود:  انت بقا بتشجع كورة ولا ملكش فيها
باسم:  واللهي مش عارف اقول ايه لحضرتك
رنا:  ( هي ابنة محمود وعمرها 22 عام وهي في السنة الاخيرة من كلية الفنون الجميلة)  ( تضحك)  اكيد مبتحبش الكورة
باسم: ( يضحك) مش عارف
رنا:  لا انشالله هتفتكر بس انت تاخد الدوا هتبقا ذاكرتك حديد
باسم:  يارب...... بس انا اسف على قعدتي معاكم
محمود:  متقولش كده وبعدين انت كمان انقذت حياة رنا متنساش والناس لبعضيها
باسم:  ده واجب عليا
محمود:  طب انا طالع انام.... تصبحو على خير
رنا:  وانت من اهل الخير يا بابا
يخرج باسم إلى الحديقة ويجلس وتلحقه رنا
رنا:  انت كويس
باسم:  يعني....بتسألي ليه
رنا: ( تضع يده على كتفه) لانك تهمني
باسم: ( يبعد يدها)  لو سمحتي يا رنا
رنا: ( تخجل)  انا اسفه بس
باسم:  مش محتاجه تبرري
رنا: انت عارف كان نفسي اعرف مين اللي عمل كده
باسم: ( بإبتسامة سخرية)  انا نفسي مش عارف ومش فاكر اسمي انتي هتعرفيهم يعني
رنا:  ماانا لو كنت لحقتك قبلها كنت عرفت اي شئ
باسم:  انا مش فاكر حاجه اليوم ده غير لما صحيت ولقيت نفسي قدامكم
رنا:  لا انشالله تفتكر بابا و الدكاترة بيقولو ان الموضوع فقدان ذاكرة مؤقت
باسم:  ياريت يا رنا نفسي اعرف انا مين
رنا: ( تضحك)  تعالى نخمن كده
باسم: ( يبتسم) 
رنا:  من شكلك انا بقول انك بتشتغل رجل اعمال
باسم:  اشمعنا
رنا:  معرفش بس عموما انت غني انا عرفت من اللبس اللي كنت لابسه
باسم: ( يضحك)  ممكن
رنا:  وممكن يكون اسمك ايه مثلا
باسم:  برضو معرفش
رنا:  انت ممكن عمرك 27 او 28 المهم انت في نهاية العشرين
باسم:  ( يضحك)  اهي دي ممكن...... وياترى عندي عائلة ولا وحيد
رنا:  اكيد طبعا عندك بابا وماما واخوات
باسم:  معرفش
رنا:  انت عارف انا اتعلقت بيك جدا
باسم: ( يضحك)  تفتكري اهلي بيدورو عليا
رنا: اكيد طبعا بس مش عارفين يوصلو
باسم:  طب والحل
رنا:  معرفش والله بس خلي التفكير ده بعدين لان احنا مسافرين
باسم:  مسافرين فين بالضبط
رنا:  رايحين إيطاليا
باسم:  طيب تروحوا و تيجوا بالسلامة
رنا:  ماانت هتيجي معانا
باسم:  ازاي يعني
رنا:  احنا هنصيف هناك وانا قلت لبابا انو يطلعلك ورق بإسم باسم وتسافر معانا
باسم:  لا طبعا مينفعش
رنا:  لا ينفع انت هتيجي معانا ده امر( تضحك)
باسم:  ربنا يسهل.
رنا:  طب انا هنام بقا عشان الجامعة.... تصبح على خير
باسم:  وانتي من اهله
😃😃😃😃😃😃😃😃😃😃😃😃😃
في الشركة
دارين:  طب وبعدين هتعملي ايه
مريم:  معرفش يا دارين
دارين:  هو اصلا ليه عمي رفض انك تصفي
مريم:  عشان هو عايز يستقر في مصر
دارين:  هو عنده حق بصراحة
مريم: وبعد اللي حكيتهوله ده
دارين:  هي العملية بتاعته نجحت ولا لسه
مريم:  نتائج العملية مش هتبان غير بعد العلاج الطبيعي يعني مش قبل سنة
دارين:  ربنا يقومه بالسلامة
مريم:  يارب يا دارين
دارين:  رايحه فين
مريم:  انا خلصت شغلي وتقريبا الحمد الله الوضع مستقر في الشركتين 
دارين:  وشركة حازم
مريم:  مش انا اللي بديرها اللي ماسكها فارس وهو اللي بيبعتلي الفلوس وبعدين انا عايزه اشوف الاجراءات بتاعت دار الايتام
دارين:  طب كويس...... رايحه فين بقا
مريم:  رايحه لعلي عشان اخده من المدرسة
دارين:  مش السواق هو اللي هيروحه
مريم:  لا انا هروحه انهاردا عشان انا وعدته
دارين:  طب يلا روحي وانا هروح بعدين
تذهب مريم إلى المدرسة وتجد علي بإنتظارها
مريم: ( تبتسم وتقبله)  اسفه اتأخرت عليك شويه
علي:  ( يبتسم)  عادي يا ماما يلا نروح عشان انا جعان اوي
مريم: ( تضحك)  طب يلا
ويذهبون إلى المنزل ويجدون ان دارين عادت إلى المنزل
مريم:  مش قولتي هتقعدي
دارين: ( تضحك)  زهقت
مريم:  طب يلا بقا عشان نتغدى
ويبدأ الجميع بالاكل
وتدخل عليهم الخادمة
الخادمة:  مريم هانم في ضابط برا
مريم: ( بإستغراب)  طيب انا جايه
تخرج مريم وتجد مازن مع الضابط
مريم:  اي خدمة
الضابط:  انتي مريم فريد
مريم:  ايوا انا
الضابط:  انا معايا امر محكمة وجي انفذه
مريم:  امر ايه
الضابط: امر ضم الطفل علي لحضانة ابوه مازن فريد
مريم: ( صدمة)  بس الولد ابن حازم فريد
الضابط:  ده مش صحيح استاذ مازن عمل تحاليل وتأكد انه ابنه وجي ياخده
مازن: ( ابتسامة باردة)  ارجو يا مريم ان الاجراءات تتم بشكل كويس من دون اي مشاكل
تخرج دارين وعلي
دارين:  في ايه يا مريم
الضابط:  ياريت تتعاوني معانا من دون شوشرة
مازن: ( يقترب من علي)  يلا يا حبيبي عشان نمشي
علي:  نمشي فين
مازن:  نروح بيتنا يا علي
علي: انا بيتي هنا مع ماما و عمتو
مازن:  لا يا حبيبي انت هتيجي معايا
علي: طب وماما
مازن:  يلا يا حبيبي
ويأخذ علي ويذهب
مريم: ( صدمة وتقع على الكرسي) ازاي كل ده
دارين:  ( بإستغراب)  معرفش انا هروحله
مريم:  اقعدي
دارين:  متقلقيش ميقدرش يعملي حاجه انا اخته
في منزل شيرين
دارين: ( ب عصبية)  انت ايه اللي رجعك احنا استريحنا من شرك
مازن: (ببرود)  الولد ابني وانا من حقي اخده
دارين:  انت عايز تاخده عشان تقهر مريم
مازن: ( لا ينظر لها)  متدخليش يا دارين
دارين: ( بصوت عالي)  لا هدخل.... انت فاكر انها سايباك عشان خايفه منك مثلا نصيحة متلعبش معاها عشان ممكن تدمرك
مازن: ( يجز على اسنانه) بكرا تشوفي مين اللي هيضحك في الاخر انا ولا هي
دارين: ( نظرة استحقار)حقيقي انت حقير
مازن: ( يصفعها بقوة)  متنسيش اني اخوكي الكبير
دارين: ( تنظر له بشمئزاز وتغادر)  
في منزل آدم
مريم تجلس في الصالة وتضع يدها على رأسها
دارين:  مازن مش ناوي خير
مريم: ( ب عصبية)  عارفه وعارفه انه ناوي ينتقم منا احنا عشان ابوكي
دارين:  انتي لازم تلاعبيه زي مابيلاعبك
مريم: انا لو لاعبته هموته بس انا مش هعمل كده
دارين:  خلاص يبقا هو اللي هيقتلك
مريم:  فوقي اللي بتتكلمي عنه ده يبقا اخوكي
دارين:  بس اخويا ده خان عيلتنا ودمرنا
مريم: المطلوب
دارين:  احمي نفسك منه
مريم:  انا همشي شغل بابا  وشغلي وهعمل دار الايتام
دارين:  ده انتي مش خايفه
مريم:  لا مش خايفه وعلي هرجعه بطريقتي لازم كل شئ يمشي مضبوط زي ما انا وحازم عايزين
دارين:  اهم حاجة مازن يبعد عنك
في اليوم التالي
في الشركة
يدخل فارس على مريم
فارس:  انتي طلبتيني في ايه
مريم:  محتاجه مساعدتك يا فارس
فارس:  وانا تحت امرك
مريم:  انا عايزاك تعملي اجراءات بتاعت دار الايتام
فارس:  ( بإستغراب)  ايه الطلب الغريب ده
مريم: ( تبتسم)  لا مش غريب ولا حاجه دي وصية حازم
فارس:  ( تبتسم)  وانا تحت امرك انتي وحازم
مريم:  متشكرة يا فارس
فارس:  مريم انا عرفت حاجه كده
مريم:  قول يا فارس احنا صحاب
فارس:  هو انتي عندك مشاكل مع مازن
مريم: ( تضحك)  ده مشاكلي كلها مازن
فارس:  طب ما تخلصي منه
مريم:  ( تبتسم)  لا طبعا انا مليش في الحوارات دي
فارس: طب وبعدين
مريم:  انا مش عايزه حاجه غير يسيبلي الولد
فارس:  ازاي ياخد الولد هو مش ابن حازم؟
مريم:  ( تضحك)  ياريته ابنه ده ابن مازن
فارس:  انا دماغي وجعتني فهميني الحكايه
مريم: ( تحكي له الموضوع)  بس هو ده
فارس:  انا لحد دلوقتي بقولك ان الولد ده ابن حازم
مريم:  ازاي
فارس: لان حازم قبل ما يموت قالي انه اكتشف ان الولد ابنه
مريم: ( صدمة)  انت بتتكلم بجد
فارس:  واللهي العظيم بتكلم بجد
مريم:  و مقاليش ليه
فارس:  معرفش
مريم: انا لازم ارجع الطفل بأي شكل
فارس:  خلاص هنروح نجيبه
مريم: ( ب عصبية)  قوم حالا
فارس:  طيب اهدي
في منزل شيرين
شيرين:  عايزه ايه
مريم:  عايزه ابني
شيرين: ده ابن مازن
مريم:  مش صح ابنك كذاب
ويخرج لهم علي
علي: ( يجري نحوها)  ماما وحشتيني اوي
ماما: ( تنزل وتقبله وتحتضنه) وانت كمان وحشتني اوي يا حبيب ماما
شيرين:  ( بجدية)  ادخل جوا يا علي
علي: ( يبكي)  لا انا عايز ماما...... ماما خديني من هنا عشان خاطري
مريم:  هاخدك من هنا يا علي اوعدك
شيرين: ( ابتسامة سخرية) هتاخديه ازاي بقا
مريم:  ( نظرة اشمئزاز)  انا هاجي بليل اشوف ابنك هيوصل لأيه
😃😃😃😃😃😃😃😃😃😃😃😃😃
في النادي
رنا:  انت قاعد ساكت كده ليه
باسم:  مش عارف اقول ايه
رنا:  قول اي حاجه وانا هسمعك
باسم:  بجد
رنا:  اه بجد
باسم:  انا عايزك تساعديني ادور على اهلي
رنا:  بس كده حاضر
باسم:  ( يبتسم)  شكرا انا مش عارف من غيركم كنت عملت ايه
رنا:  ماشي ماشي اشكرني بعد ما نرجع من السفر
باسم: ( يضحك)  اتفقنا
في المنزل
رنا:  انا خارجه هروح مشوار و راجعه تحب اجبلك معايا حاجه
باسم:  لا متشكر انا هطلع انام لاني حاسس بتعب
رنا:  نوم الهنا
ويصعد باسم وينام
😃😃😃😃😃😃😃😃😃😃😃😃😃
في منزل ادم
دارين:  متأكده انك هتروحيله
مريم:  اه هروحله ومعايا الحرس
وتذهب مريم لمازن
مازن:  ياااه ده انا مستنيكي من ساعة
مريم:  عايز كام وتسيب علي
مازن:  ده ابني
مريم:  انت مصدقك نفسك انت كذاب الولد ابن حازم وانت مزور التحاليل
مازن: ( ببرود)  اتكسرتي من غيره صح
مريم: ( بقوة)  معاش ولا كان اللي يكسر مريم فريد
مازن:  ( يضحك)  انا ممكن اديهولك بس بشرط
مريم:  قول
مازن:  تتجوزيني
مريم:  ( ب عصبية)  باين عليك خرفت
مازن:  خلاص براحتك الولد معايا ومحدش هيقربله
مريم: ( تضحك)  خليهولك بس اتحمل مسؤوليته
😃😃😃😃😃😃😃😃😃😃😃😃😃
وبعد مرور عدة اسابيع
في منزل آدم
فارس:  انا جهزتلك العقود بتاعت دار الايتام
مريم:  الله عليك
فارس:  بس المطلوب منك تجهزي المكان
مريم:  المكان جاهز ومتوضب كمان
فارس:  ايه السرعة دي
مريم:  من ساعت ما قولتلي وانا اشتريت فيلا كبيرة اوي واتفقت مع ناس مختصين عشان يعملوا اللازم
فارس:  ربنا يوفقك
مريم:  متشكرة اوي يا فارس
فارس: ( يضحك)  مفيش حاجه.... عملتي ايه مع علي
مريم:  ( بحزن) سيباه عشان مازن ميمسكش نقطة ضعفي
فارس: ( بإستغراب)  انا مستغربك واللهي
مريم:  ليه
فارس:  اقصد انتي مضايقه عشان علي وهو مش ابنك
مريم:  لا ابني وحازم دايما يوصيني عليه طول عمري بحس انو ابني
فارس:  ربنا يرحمه ويغفر له
مريم: ( تتجمع الدموع في عينها)  يارب
😃😃😃😃😃😃😃😃😃😃😃😃😃
في المستشفى
الدكتورة:  انتي الحمدلله حالتك مستقرة
مريم:  بجد يا دكتورة
الدكتورة:  اه وتقدري تكملي الحمل بس تبعدي عن الارهاق والتعب والعصبية
مريم:  ( بفرح)  انتي فرحتيني اوي
الدكتورة:  مدام مريم هو فين زوجك
مريم: ( تتجمع الدموع في عينها)  انا ارملة
الدكتورة:  انا متأسفة يا مدام بس انا كنت هقول حاجه مهمه
مريم:  اه اتفضلي
الدكتورة:  طبعا انتي بعد ما تولدي لازم يكون ليكي معامله خاصة
مريم:  مش فاهمه
الدكتورة:  يعني متحمليش تاني غير بعد فترة طويلة جدا ممكن 7 او 8 سنين وكمان انتي هتبقي في حالة ضعف كبيرة جدا ولازم حد يتابعك في المنزل عشان ميحصلش حاجه
مريم:  انشالله خير
😃😃😃😃😃😃😃😃😃😃😃😃😃
في فرنسا
خلود:  ( تحتضن ابنتها)  حمدالله على سلامتك ليه مقولتيش انك جايه
مريم:  حبيت اخليها مفاجأة
آدم: ( بفرح)  وحشتيني اوي
مريم: ( تجري وتقبله)  وانت كمان اوي يا بابا
ندى: وعلى كده جايه قاعدة معانا ولا زيارة عابرة
مريم:  لا واللهي زيارة خاطفة لان مينفعش اسيب الشغل
آدم:  ( يبتسم)  ربنا يوفقك...... ليه مجبتيش علي
مريم: ( بضعف)  مازن اخده مني بالقوة
آدم: ( ب عصبية)  وانتي ازاي تسكتي
مريم:  لانه جابلي ضابط وامر محكمة
آدم:  يبقا مازن لعب لعبته وزور الورق
مريم:  ثواني كده..... هو انت كنت تعرف ان علي ابن حازم
آدم:  ايوا اعرف وحازم قالي مقولكيش عشان هو ميعرفش ردة فعلك هتكون ايه
مريم:  ده واضح اني فايتني حفلة
خلود:  سيبك من كل ده انتي عامله ايه
مريم:  انا كويسه جدا والدكتوره قالتلي اني ممكن اكمل في الحمل
خلود: ( بفرح)  يجد
ندى:  ربنا يفرح قلبك يا مريم
مريم:  على فكرة مازن مش ناوي يسكت وانا لو  شيطاني حضر هنسفه انا عامله حساب ليك
آدم:  هو عمل حاجه تاني
مريم:  بيلعب معايا وانا مش هسمح بالمهزله دي تحصل
آدم:  طب عايزاني اعملك ايه
مريم:  حط في بالك انك قولت اني مصفيش الشركة
آدم:  ( ب عصبية)  ولحد امتى هنفضل عايشين برا
مريم:  الموضوع مش فارق معايا..... اللي فارق معايا ولادي وانتم غير كده لا
آدم: انا عموما هرجع مصر خلال شهر او اتنين
مريم:  طيب يا بابا
وبعد مرور 3 ايام
دارين:  حمدلله على السلامة
مريم:  الله يسلمك عملتي ايه في الشغل
دارين:  لا الحمدلله كل شئ ماشي تمام
مريم:  طب كويس.... مازن اخباره ايه
دارين:  جه امبارح وسئل عليكي ومشي
مريم:  يا ترى كان عايز ايه
دارين:  انسي
مريم:  نفسي بس انا عايز اشوف الولد
دارين:  مريم انتي بتحبي علي عشان بتشوفي حازم فيه
مريم: ( تبتسم)  طبيعي مش حته منه
دارين:  طب يلا بقا اطلعي ارتاحي بقا
مريم:  طب تمام
😃😃😃😃😃😃😃😃😃😃😃😃
في إيطاليا
في فيلا كبيرة
مهاب:  يا ابن الايه عرفت تطلعني ازاي
إيهاب: ( يضحك)  دي اختصاصي انا
مهاب:  بس خسرت كل حاجه
إيهاب:  كلنا خسرنا بس لازم نعوض الخسارة
مهاب:  هتعوضها ازاي
إيهاب:  مريم فريد
مهاب:  ياساتر كان يوم اسود يوم ما عرفتني عليها
إيهاب:  مريم لوحدها ضعيفة بس مع ابن عمها بتبقا قوية
مهاب:  طب يعني ايه
إيهاب:  ( يبتسم)  انا خلصت من حازم
مهاب: ( بفرح)  بتتكلم بجد
إيهاب:  وانا فاضي اهزر
مهاب:  ده عمها مات معايا في السجن
إيهاب:  انطوان مبيهزرش
مهاب:  طب وابوك
إيهاب:  بابا و انطوان مع بعض ومعرفش عنهم حاجه
مهاب:  طب واديك خلصت من حازم وبعدين
إيهاب:  ناوي اجيبها هي وانتقم منها بطريقتي
مهاب:  ازاي
إيهاب:  سلطت عليها مازن ابن عمها
مهاب:  وانت مين قالك انه هيساعدك
إيهاب:  ( ابتسامة شر)  هيساعدني لانه بيكرها
مهاب: طب مايمكن ياخد غرضه ويختفي
إيهاب:  ما انا مش هسيبها ليه نهائي انا بس عايزها ترتبك من المشاكل و المصايب وتبقا مش عارفه تاخد قرارات من الاخر هدوخها
مهاب:  وانا معاك في اي شئ تطلبه
😃😃😃😃😃😃😃😃😃😃😃😃😃
في منزل محمود
في غرفة باسم وهو نائم
الحلم
يجلس باسم ويشاهد فتاة يعرفها لكن لا يقدر على تمييز ملامحها ويقترب منها لكي يكلمها ولا يعرف وفجأة يأتي احد بجانب الفتاة ويقتلها وتحاول الفتاة الاستنجاد به
يصحو وعلامات الفزع على وجه
باسم: ( بصوت عالي وعصبية)  لا لا لا
على العشاء
محمود:  مالك يا باسم يا ابني
باسم:  مفيش يا عمي
رنا:  وشك مخطوف واضح جدا
باسم:  مفيش حاجه يا جماعه
محمود:( يعطيه جواز السفر)  ده جواز سفر بإسم باسم ياسين
باسم:  طب ازاي
محمود:  ( يضحك)  لا ماانا حبايبي كتير
رنا:  معنى كده ان احنا هنسافر في الميعاد
محمود: ( يبتسم)  اه.... رنا عايزك تاخدي باسم وتنزلو تشتروا لبس عشان السفر
رنا:  ( تبتسم)  طبعا يا بابا
باسم:  بس كده كتير فعلا مينفعش
محمود:  لا مش كتير ولا حاجه انت زي ابني
باسم:  متشكر ربنا يقدرني و ارجعلك الفلوس دي
محمود:  كفايه اللي عملته مع رنا.... الله اعلم كان حصلها ولو ملحقتهاش
باسم:  ده واجبي وبعدين هي انقذتني الاول
😃😃😃😃😃😃😃😃😃😃😃😃😃
وبعد مرور اسبوعين في الشركة
فارس:  ( بفرح)  الف مبروك عليكي يا مريم كل شيء بقى جاهز
دارين:  واللهي من غيرك يا فارس مش عارفه كنا عملنا ايه
مريم:  اه والله يا دارين عندك حق
فارس:  ( يضحك)  ايه يا جماعة الموضوع مش معضلة انتوا بتبالغوا
مريم:  لا فعلا بجد انت ساعدتني
فارس:  وانا تحت امركم في اي حاجه
دارين:  كده الوصية اتنفذت
مريم: ( بجدية)  مش كلها
دارين:  قصدك ايه
مريم:  لسه علي
فارس:  لو عايزاه عندك انهاردا اعتبريه حصل
مريم:  انا اصلا عملت تحاليل جديدة وطلعت النتيجة إيجابية
دارين:  جبتي عينة منين
مريم: ( تضحك)  لما رحت لعلي في المدرسة اخدت شعره من راسه اما حازم بقا فلقيت في مشط الشعر بتاعه
فارس: ( يبتسم)  طب هتبعتي تجيبيه قانوني ولا ايه
مريم:  لا ابعت هاته بطريقتك مفيش ام بتخطف ابنها ولا ايه
دارين:  ( بإستغراب)  ايه العك ده
فارس:  انتي هتدي الولد لصوفيا
مريم:  قصدك صوفيا هي اللي باعتلي الولد
فارس:  ازاي ده
مريم:( تحكي الموضوع)
فلاش باك
في فرنسا
صوفيا: ( تتفاجئ) صدفة غريبة
مريم: ( تبتسم)  ليست صدفة فأنا عرفت انك هنا
صوفيا:  وماذا تريدي
مريم:  انا عرفت انك خدعتي مازن وحازم كلاهما
صوفيا: ( بتأثر) غير صحيح نهائي
مريم:  إذا احكي لي ماهو الصحيح
صوفيا:  انا احب حازم منذ كنا مع بعض في المدرسة وهو يعرف ولكن يتعمد ان يتجاهلني وكنت دائما اراه معك في جميع الاوقات إلى ان اعترف لي قبل ان نتزوج بأنه يحبك حب لا يتصوره احد وان ابتعد عنه بعدها تضايقت وكرهت حياتي و كرهتك وكرهت الناس إلى ان جاءني مازن وخدعني وقال لي انه يحبني واصبح يتودد إلي كثيرا ويحضر لي الهدايا وقلت له انني احبه وقال لي انه يريد الانتقام من اخيه واعجبني الموضوع وذهبت لحازم وشربت ورقصت معه وكل شئ تم تنفيذه واصبح مازن فخورا بي و قال لي اذهب له واخبره بالحمل وكان مازن يزعم ان هذا الطفل ابنه
مريم: إذا ولماذا قلتي لحازم ان الطفل ابن مازن
صوفيا:  انتقمت لكرامتي...... فأنا استخدمت مازن وسيلة لاصل لحازم فقط لا غير
مريم:  تقصدين انك خدعتي الطرفين لكي تتزوجي حازم
صوفيا:  صحيح فأنا لا استطيع ان احب غير واحد وماكنت لاسمح لمازن ان ينتقم من حازم ابدا
مريم: ( تضحك) انتي شيطانة صغيرة
صوفيا:  لست شيطانة بل كنت احمي انسان احببته
مريم:  حسنا انتي هكذا سهلتي علي الكثير من الكلام
صوفيا:  لم افهم
مريم:  مازن اخذ علي بالقوة مني لكي يأخذ املاك حازم وان.....
صوفيا: ( تقاطعها)  ماذا تريدي
مريم:  اريدك ان تتنازلي عن الولد لي واصبح انا امه وسوف اعطيك ما تطلبين
صوفيا:  وانا موافقه ان اعطي لك الطفل ولا اريد منك شئ
مريم:  توقعتك ان تطلبي
صوفيا:سبق لي وانا اخدت كل ما اريد وحان دوري لكي اعطي
باك
دارين: ( بفرح)  ده انتي عبقرية
مريم: دلوقتي هتبعت تجيبه بطريقتك
فارس:  بس كده عيوني حاضر
مريم:  فارس لو سمحت
فارس:  اتفضلي
مريم:  عايزاك تعلم دارين كل شئ في شركتك انت وحازم عشان هي اللي هتمسك شغل حازم هناك
دارين: ( صدمة)  بس الحاجة دي بتاعتك
مريم:  لا مش بتاعتي حازم كتبها بإسمي عشان اخوكي ميدخلش في الورث بس هو قال علمي دارين تبقا زيك وده حقك انتي
فارس: ( يبتسم)  وانا مستعد اعلمك يا آنسة دارين في اي وقت
في المساء في منزل آدم
يدخل فارس وفي يده علي
علي: ( يجري عليها)  ماما
مريم:  ( تحتضنه وتقبله)  حبيب مامي
علي:  انا زعلان منك
مريم: معلش انا عارفه اني قصرت معاك بس اوعدك اني اعوضك
علي:  متسيبينش تاني
مريم:  حاضر يا حبيبي..... يلا بقا اطلع نام
علي:  انا هنام جمبك
مريم:  ( تضحك)  ماشي ( يغادر علي)
فارس:  ربنا يخليكم لبعض
مريم:  انا مدينه بالشكر ليك
فارس:  مفيش شكر ولا حاجه
دارين:  وبالمناسبة السعيدة دي انت هتتعشى معانا
فارس:  لا ملوش لزوم
مريم:  لا طبعا مينفعش
فارس:  لا خليها مرة تانية
دارين:  انا قولت خلاص على فكرة وانت هتنفذ
فارس: ( يضحك)  طيب
على السفرة
مريم:  اكيد هيعمل مشاكل
دارين:  مريم حبيبتي انسيه احنا دلوقتي انتصرنا.... ايه رأيكم في الاكل
فارس: ( يضحك)   دارين معاها حق.... الاكل تحفه
مريم:  اه تسلم ايدك
دارين: طب كويس انه عجبكم عشان المحل ده اول مره اشتري منه اكل
مريم: ( تضحك بقوة)  وانا فاكرة انك اللي طابخة
فارس:  معلش بكره تتعود
مريم:  طبعا احنا آسفين اكلناك اكل الشارع
فارس:  لا عادي انا متعود على كده بحكم اني بشتغل اغلب الوقت
مريم: ( بإستغراب)  هو انت عايش لوحدك
فارس:  من زمان والدي توفى من سنة وانتي عارفه ان ماما متوفية من زمان خالص
مريم:  طب وايه اللي خلاك متكونش اسرتك
فارس:  بصراحة مفكرتش في الموضوع وبعدين ملقتش واحدة عجبتني
مريم:  ربنا يوفقك يارب
😃😃😃😃😃😃😃😃😃😃😃😃😃
في منزل شيرين
مازن: ( ب عصبية)  ازاي كل ده يحصل يا ماما
شيرين:  معرفش انا كنت برا و سايبه الولد نايم في اوضته
مازن: ( يجز على اسنانه) 
شيرين:  هتعمل ايه
مازن:  ناوي ارجع حقي بدل المره مليون
😃😃😃😃😃😃😃😃😃😃😃😃😃
وبعد مرور ايام
دارين:  مش مصدقه ان الدنيا احلوت
مريم:  الدنيا بتديكي راحه مؤقته وبعد كده تديكي قلم ورا قلم لحد ما تقعي
دارين:  انتي خايفه من ايه
مريم:  اخوكي مش لوحده اخوكي في حد بيساعده وهيفتح علينا باب جهنم
دارين:  لو كان عايز يعمل حاجه كان عمل ساعتها
مريم:  مسكينه اخوكي عمال يفكر وهينفذ قريب
دارين:  يابنتي افصلي بقا وافرحي بالدنيا
مريم:  هحاول اسمع كلامك
في منزل آدم
علي:  ماما انتي هتجيبي ولد ولا بنت
مريم:( تضحك)  انت عايز ايه
علي:  معرفش
مريم:  انا هجبلك بيبي صغير تلعب معاه و تحبه
علي:  قصدك هيبقا عندي اخ
مريم:  ايوا
علي: مش احنا هنسافر صح
مريم:  اكيد طبعا عايز تروح فين
علي:  عايز اروح بيتنا في إيطاليا
مريم: ( تبتسم)  بس كده حاضر
دارين:  عمي مروح امتى بقا
مريم:  المفروض الاسبوع الجاي
دارين:  ياترى هو عامل ايه
مريم:  يارب تكون العملية نجحت
دارين:  طب ما تتصلي بيه
مريم:  لالا خليه عشان ممكن يكلمني في مواضيع تانيه انا مش عايزه افتحها
وبعد مرور اسبوع
علي:  جدو وحشتني اوي
آدم: ( يستند على عكاز)  وانت كمان يا حبيبي عامل ايه
علي:  انا كويس
مريم: ( الدموع تلمع في عينها وتحتضنه)  حمدالله على سلامتك يا بابا
آدم:  الله يسلمك يا مريم