في قلبي حروب دامية

البارت الرابع

السلام عليكم و رحمه الله تعالى و بركاته ❤

البارت الرابع

🌺 بقلم ؛ حمامة السلام 🕊 ( عاشقة غوكو ❤ ) 🌺

يحيى

طلعت من المحل و هو يسب و يدعي عليه

رجعت للبيت

شفت ماما واكفه مخوصره

- وين الفلوس

- ما انطاني

- و ليش ما انطاك

- محد اشتره مني

ضربتني قوي على ظهري و حجت

- فاشل مبيك خير ما منك غير المصايب

رحت اشوف اخواني نهله كاعده تفلس بالخضره

هسه هي صف اول متوسط

بس حيل وكيحه متنجرع و ايده قوي مثل ايد ماما

مرات اشوفه و هي تضرب بالجهال

نسخه مصغره عن ماما

و عمر نايم على المندر

هسه هو صف خامس ابتدائي

بس ابد ميقره

هو و المدرسه اعداء

و مكضيه بالشارع يلعب و يسوي مشاكل و كل يوم متعارك ويه ولد الجوارين او ضاربله واحد

و سميه صف ثاني ابتدائي

وضعه بالقرايه زين بس وكاحته شايله البيت و مكعدته

و تقى الي عمره اربع سنوات هاي قرده البيت تصعد على الشغلات

كلهم طالعين على ماما بطباعهم و تصرفاتهم

عداي اني طالع على بابا مثل ميكول عمي فقير ما أذي احد

و اما منتهى اخر العنقود الي عمره بعده سنتين الله اعلم شتطلع

يا تطلع مثل هذولي العفاريت يا تطلع فقيره

كعدت يمه منتهى اللاعبه و اغنيله و هي مكيفه و تضحك

حد معاطت بيه نهله

- متطلع منا بس اجيت دوختنه بصوتك انت و هاي

سكتت مرديت عليه 

اعرف بس تعيط نهله تجي ماما و اخذلي كتله معدله

ضليت اباوع على منتهى شلون هاديه

نادرا ما تبجي

دائما على صامت

على اقل خل يطلع واحد باخواني عدل

كمت رحت للغرفه

مبقه بس شكم يوم و تخلص عطله نص السنه

حتى ما اتهنيت بيه كضيته بالحمام ويه الوزغ و الصراصير

جانت الدنيه ليل و بارده نوعا ما