في قلبي حروب دامية

البارت السابع و الخمسون

السلام عليكم و رحمه الله تعالى و بركاته ❤

البارت السابع و الخمسون

🌺 بقلم ؛ حمامة السلام 🕊 ( عاشقة غوكو ❤ ) 🌺

‏مناطرين ..ومن تجينه
نسابڪَ الشوف لشبڪَتك
مناطرين ..وشال حيل
ولاتخلينه برڪَبتك!

لا تعودنه إعله فڪَدك ..
تلچم عيون البعيده
أڪتب إلنه وتدري مڪتوبك نريده!

شڪَد ڪتبنالك سوالف
وأحنه چم ساعي بريد ..
من الرسايل طاحت إيده

أڪتب إلنه نسمعه صوتڪ
بالمڪاتيب التجينه ..
عايشين إعله الرسايل تدري بينه!

مروه

- كولي منو

- عمتي ازهار

- شنو انتي متاكده من الي جاي تحجي هاي بته لا لا مو معقوله تسوي هيجي ابته منو كلج هالحجي

- محد كلي اني سمعته و هي تحجي و تتمضحك ويه عمتي

- خاف سمعتي غلط

- لا حتى اذكر بيومه عمتي كالتله بتج و ضربتيه بسحر حتى متزوج ابنج و بتج الخ شلون اجيبيهم يمج

- مو معقوله توصل بيه تاذي بته لا ما اصدك

- الله يشهد على كلامي هذا لو ما متاكده من كلامي جان ما اجيت و حجيتلج صالي اسبوعين اكول لزوجي يوديني الكم علمود اكلج الي سمعته و كل شوي مأجل الجيه بسبب شغله

- مدا استوعب الي دا تحجي خاف جانن يقصدن غير احد بحجيهن

- لا جانن يحجن على سوسن و اذا مصدكين بكلامي بعد شكم يوم تجيج عمتي سها

- و شعليه سها بالموضوع

- مو هنه اتفقنه ويه عمتي سها علمود تجيج و تحجي وياج بسالفه السحر و اذبه براس اهل اركان علمود انتو تفسخون الخطبه

حطيت اديه على راسي اريد استوعب الي حجته بس عقلي رافض كل هالحجي

معقوله توصل بيه تشمر بته للموت و ما يرفله جفن

معرفت شجاوب على حجيه بس مدا اصدك الي كالته

حجيه ضل يفتر براسي

بته هاي شلون ينطيه كلبه تسوي هيجي

ضلت ايلاف يمنه شويه نوب ترخصت و راحت

اذا صدك و اجتي سها لهنا يعني هذا الحجي كله صح

- ماما

كعدت من صفنتي على صوت رقيه

- هااا

- وين صافنه ماما

- لا هيجي رايده شي

- لا بس بابا يكول اجيبلكم عشه من بره لو انتي تسوين

- لا خل يجيب من بره