#يوميات_شباب_مجانين 😜
#للكاتبة_رغودة_خالد ❤
أحمد : و من الفالح اللي بيشووووي ؟؟؟😄
وسام : ههه أكيد انت.😂
محمد يضحك : تي لا يا راجل خاطرك تاكل لحم محروق ولا شنوو 😂😂😂
وسام يكلم في احمد: ما عمري في حياتي شفتك درت حاجه باهيه 😂.. فتلكلنا عشي قنين مره وحده بس 😂💔
أحمد يضحك : أني نعرف حاجه بس نديرها صح الصح 😎
محمد : أيه ماه نعرفك اكيد النوم 😂💔
وسام : وما تنساش الهدرزه مع البنات ع السكايب😂😂
أحمد : خيره دمكم مولي الزفت هكي😒😒
وسام: تعرف ما تديرلناش شوا قنين الما نقول لي بوك قداش بنت تكلم فيها كل يوم ،فاهم ولالا😂😂
محمد : أي مها و سها و تقوى و عبير و شرشبيل 😂😂 و من ثاااااني ..
وسام : و فتاة النينجاا المقنعه 😂 ..
احمد : هههههه إسمها غاده يا حيوان 😂😂
.............
اليووم الموعوود 😂💔
محمد يعيط ويخبط علي وجهه : شن هدا لي جايبه يعطيك البلي 😱😱
وسام شاد زوز شناطي كبار و يحط فيهم فالكوفني😁: شن دخلك شناااطيا ولااه
محمد : شكلك جايب دولابك ودولاب امك 😱😱
وسام: هاهاها 😒
أحمد جاي و شاد فايديه شنطتين حتى هوا 😂 : حي جيت بكري 😂😂
وسام : 😂..
محمد : نحس في روحي رافع معاي مدامات 😂😂😂😱😱😱 خيركم هبلتوا بنخيموا يوم مش نعيشوا غادي
أحمد و هوا يشبح وسام : والله خططت نتزوج جنيه و نعيش غادي😂😂😂
وسام خاف😁: يا حيواان ما عاش تفكرني 😰 خلاص معاش خاطري نمشي اني ..
محمد : اني توا تأكدت انك رافع شمالات معاك 😂 خيرك مولي عيل يا راجل ارزن ..
أحمد : و انا جايبله مرضعه بش نحطله فيها سريري لاك ولا شن يسمو فيه😂😂
وسام تعفلق و ركب للسياره : كان ما تبوش اني بنروح 😡
محمد : وين سيارتي راه😂
و شبح لاحمد وشدو ضحكتهم 😁 خير ما يهرب وسام ويسيبهم
.............
محمد : واااه قربنا للمكان لبنخيموا فيه 😊
وسام : الدنيا ظلمت يا شباب 😰 شايفين حتى القمر مهناش اليوم 😱 حيه علمااا 😵😵
أحمد : الجوو مليييح 😍
محمد يطفي و يولع في فلاشات السيارة و يبي يخوف وسام باي طريقه 😈😂
محمد : يا هوووو شوفو غادي في جني يرقص 😱💃
وسام يعيط : وووه وييين ويين 😱😱
أحمد : جنبك فالكرسي 😨
وسام ناض و قعد يضرب في احمد ومحمد علي راسهم و هما مايتين بالضحك علي منظره 😂
محمد : تي والله اني بهيم جبتك معاي
أحمد يضحك : اعصابك يا ماان 😂😂
وسام متعفلق من صحابه و بينفجر ..😡😡
وصلوا للمكان وين ما بيخيمو و وسام ولع النار و أحمد و محمد يساوو في الخيم ⛺⛺
محمد و أحمد في خيمه و وسام في خيمه ..
و قعمزو بحدا النار و حطوا بكرج شاهي ع الحطب😍 وبعدها محمد قرر يشوي هوا و تعشوو لحم خروف مشوي و مشروب بيببسي و طبعا ضروري مالأستهبال 😂 و محمد خدي دوش بباقي شيشه البيبسي 😂😂 و غطس محمد صحابه أحمد ووسام بالترااب 😱😂 ..
أحمد : شرايكم نحكيلكم قصه رعب 😈😉
محمد : هيا هي 😉
وسام : لالا فوت الموضوع ياراجل 😒
أحمد : لكن هدي قصة حقيقيه وصارت فالصحراء 😈😂
محمد : تي احكي ولي مايبيش يقلب وجهه😏😂
أحمد : باه .. يقولو انه في غول اسمه
" أبو رجل مكسورة"😰 كان شاب و جاي هوا و صحابه للصحراء وخيمو زينا🌚 طلعلهم جني في الليل و قعد ياكل فيهم واحد واحد لين وصل فيه الدور قعد يقاوم فيه مشي كلي رجله وقعد فالصحراء بروحه لين مات💀 و لحد الٱن الناس لما يجو يخيمو في الصحراء يطلعلهم " أبو رجل مكسورة"👻 و يقطعلهم رجلهم مش يبدو زيه 😈😱 .. و تيرارارارا تمت القصه 😰
محمد يتسهوك : ينعن جدك خوفتني 😨
وسام جامد في مكانه و خايف من كلام أحمد 😵😵 ..
و نعسو الجماعه و مشو لي خيمهم 😴..
وسام طلع من خيمته و خدي عصيات صغيره في طرفها نار زي الشمعه و بدي يغرس فيها حوالين الخيمه ..؟😓
محمد طلع راسه من الخيمه : خيرك يا راجل تخيلت روحك تورته عيدميلاد 🎂🎂😂😂
وسام : هدي ماتخليش الارواح الشريره تمسني 😐
محمد : باه ليلتك سعيده وسلملي علي ابو رجل مكسورة 😈😂😂
......
في خيمه محمد و أحمد 😈
أحمد : خيره البيبي هدا 😂
محمد: خايف😂😂
أحمد : 😂😂 قصه مش عادية صح
محمد : حلفتك بالله من وين جبتها بس 😂💔
أحمد : الخيال يا مان 😎 عندي خطه حلوه حتخلي وسوم ينجن 😈😈😈😈
محمد : هااات 😍😈😈
أحمد : .......................
محمد : 😈😈 هيا
..........
عند خيمه وسام😂
وسام يقرأ فالمعودات : الله لا تربحكم يا محمد واحمد 😭😭
و يسمع في صوت خرخشه من برا الخيمه😰 ..
و خيال لشخص عنده رجل وحده بس 😱
وسام يعيط : ياووووووووك عليااا بو رجل مكسورة جاااني 😱😱😱😭😭😭😭
و يسكر في سوستة الخيمه و يقرأ في آيه الكرسي 😰
ابو رجل مكسورة يقرب من الخيمه و يسمع في صوت ديب من وراه 😰😰
وسام : ياااااربي سااامحني يااارربي و االله نصلي والله 😭😭😭والله معاد ندير اي حاجه غلط 😭
و يضرب في وجهه
أبو رجل مكسورة: ضروووري أقطع رجلك 👻😈 ياوسام..
وسام : بالله عليك والله عندي زوز صحاب في الخيمه الثانيه هما اللي يدوو عليك مش اني والله 😭😭
أبو رجل معوره يفتح الخيمه 👻👻
وسام يعيط : أحمد يا حيواااان يا ككللب 😭😱
أحمد : و درنا فيك مقلب 😂😂
و جي محمد و هوا كان يدير في أصوات أبو رجل معوره و أصوات الذئاب 😂😂😂💔
محمد : تعيش و تاكل غيرها😂
وسام وقف و هجم عليهم و اعطاهم طريحه ماهي طريحه نبااشهه قبووور 😂😂
و مشو رقدو من جديد و لكن هدي المره في واحد ما رقدش و قعد يخطط كيف ينتقم من محمد و أحمد 😂
وسام : لما نوريهم اني ع اللي داروه 😈
.............
محمد و أحمد راقدين و حسو بشي يتحرك فالخيمه
أحمد : فااااار 😱
محمد : ينعن جده مكبره 😰😱
أحمد فتح الخيمه ونط يجري : قنتشاااا
محمد يلحقه : جيب رشادة ولا حاجة😵
و فجأه أحمد خبط بشيء كبير رفع راسه و كان غوله عندها قرون
محمد طاح و من الضحك لين معاش يقدر يتنفس😂😂
أحمد مشي جبد القناع من ع راس وسام😂: تي شنو تحساب روحك بتخوفنا
محمد يلوح عليه الرملة : يحسابنا زيه خوافين😂
قعد وسام يلحق فيهم و يكتح عليهم ف الرملة يجرو و يتعايطو ف الخلاء في الصحراء و يطيحو و يتشقلبوا و ضي الفجر كيف بدي يطلع😂
رجعوا لجهة الخيم و طار النوم ولعوا الحطب و جابوا شاهي و حاجات فطور
قرمة و ضحك بعدين مع الساعة 10ص ولعوا السيارة و لمو حاجاتهم و روحو كان يوم لا ينتسى ابدا خصوصا بعد ما حياتهم بتنقلب💔
..................
في بيت محمد
العيله مقعمزه ع الغدي
أم محمد : ها اوليدي كيف حالك اليوم ؟ تغديت 😍😊...
محمد يبوس ع راسها : الحمدلله .. اي صحتين😇 ...
أب محمد : .. غير تعالى تغدا ☺
تليفونه يرن " ريم "
محمد باس ع راسها : لا والله شبعان.. تبو حاجه 😇
أب محمد : صحيت وليدي .. نبو سلامتك 😇
محمد : ..... 😊 نستأدنكم توا بنرقد تعبان 😴
أم و أب محمد : إذنك معاك يا وليدي ❤
ركب محمد رد
ريم : حبيبي وينك امس كله منشغلة عليك نتصل يفصل الخط
" محمد كان حاطها ف الحظر 😂"
محمد : اااه كنت ف حوش اختي تغطيتهم زيرو
ريم : اها استحستك
محمد كل مرة يتسبل سبلة و يحاول يدير مشكلة لين سكر الخط
.............
للكاتبة رغودة خالد
......
عند وسام😂
أم وسام : خيرك يما وجهك أصفر فحاله 😢...
وسام : لا يالغاليه مابيا شي ☺ خديتي دوا السكر يما 😇...
أم وسام : إي ياوليدي دوا السكر تم امس 😴
أب وسام متوفي 😩 و ما عنداش خوت شباب ، إثنين بنات بس لميس ، و سلمه عمرها 16سنه ❤
و يشتغل مدير في شركة بيبسي متاع بوه ...
سلمه : اسووومي 😜
وسام : ها شنو 😕
سلمه : بلييز بليييز ارفعنا اني ولميس للسوق اللي فتح جديد 😭
لميس : إي بالله علي اسوومة😭😭
وسام : باه بعدين توا تعبان منستريح 😐..
لميس وسلمه وهما يطقو يدين بعض : يـاااس 😍
أم وسام : يا بنات خلو خوكم يستريح وانتو ما متعيوش من الطلبات 😑...
لميس : خيرك يما احني لينا هلبا معاش طلعنا و بعدين عرس بنت خالتي زهرة قريب ونبي قفطان قنين 😍...
سلمه : تعالي نوتو روحنا خير مايغير رأيه😉
لميس : هيا هي 😉
في دار نوم سلمه و لميس 😈...
سلمه : الفرخ وسام عنده اصحاب طروووف 😍
لميس : اي صحح 😍 أني مره خبطت في واحد منهم😂
سلمه : إيه و القووونا الصفراء😂 مسكين كسرتيه الولد 😂
لميس : والله ما كنت نندري عليه 😇
سلمه : لو كان قلت لوسام راه حصلتي طريحه😈
لميس : عييينك يا حيوانه 😡😡
سلمه : هههه طريحه سممحه 😂😂
لميس : ضممي فمك خير 😬
و مشو غيرو حوايجهم و قعمزو زي ملائكه الرحمن😇 ع الكنبه و هديكا نظره فيفي عبدو☺😂😂
لبسوا عبايات خليجيات مطروزات من الحواف و قماشهم ناعم و حلو إشراهولهم وسام هديه لنجاحهم 😃...
وسام : ها واتيين ؟؟
البنات : اييييه 😍
وسام : هيا للسياره 😑
البنات مشو جري السياره ويتعاركو على الكرسي القدامي و فالأخير قعمزت فيه لميس 😂
جي وسام و مشو للسوق 🏢🏢🏢...
فالسوق ...
لميس : واااو شووفي هدا القفطاان يهببل😍😍
سلمه : اهااا 😍😍😍 وووه و شوفي هدااا
كان القفطان الي لفت انتباه لميس أسود طويل يلمع و مخصر و فيه فتحه من الظهر 😘😘
و القفطان اللي عجب سلمه جيشي قصير منفوش و منقوش بالاسود من اطرافه 😍
البنات : اسووومة 😇😇
وسام : نعم 😑....يتبع
أنت تقرأ
يوميات شباب مجانين (كاملة💖)
Romanceرواية ليبية مليئة بالمغامرات و الغموض و الاثارة و الرومنسية ❤ قراءة ممتعة
