العميلة 306 (باللهجة جزائرية )

الحلقة 34

الحلقة 34 :
ريان؛ ههه في بالك هكا نكره ..
الجنرال؛ مام تتحملي هذا التدريبات .. الدومان اللي راكي حابة دخليلوا .. أفضع من هك
ريان؛ علابالي وين راح نحط رجلي .. و مكنتش راح نتحمل هذا الشي كامل كون كانت عندي ولو شوي من فكرة الإستسلام
الجنرال؛ ماكش رايحة تحكيلي السبب ورا تدريبك ل 3 سنين فالقوات الخاصة .. واحد ما يتحمل واش راهو يصرا هنا .. غير اذا كان عندو هدف
ريان؛ عايلة الهاشمي
الجنرال؛ الهاشمي !! ..
ريان؛ كامل علابالكم بلي توفيق الهاشمي واحد من البارونات .. و دليل ما قدرتوغ تحكموه عليه .. أنا نحب نطيحوا .. هو و كلشي يخصوا 
الجنرال؛ راكي توزني فالشي اللي راكي تقولي فيه !!! أفضل العملاء تدريبا.. من كوريا و الماريكان مقدروش .. علابالك قداه من عميل تسحبت منو هاذي المهمة !!.. 304.. و اللي مزال مهمتوا صعيبة .. يعني 305 عميل مقدروش.. رامي تستوعبي فالرقم ؟!.. 147 منهم تقتلوا .. وحايد اختفاو ..و كاين اللي انسحبوا ..و كاين و كاين .. السلطة في الجزاير.. مخلية كلشي يمشي تحت الطرف.. و الخدمة اللي راني تمشي فالكلام .. معقودة في شبكة.. مكانش الدخلاء عليها .. يعني كلش منهم ليهم ... بش تحاولي تخربي فيهم و نتي مازالك منزلتيش للميدان و زيد طفلة .. أكيد راح يجيب نهايتك .. نظن من الأحسنلك تتفرعي لشرطة الجرائم .. أحسن من الجوسسة ..هكا يكون الخطر أقل
نزلت راسها تبسمت .. و مبعد ضحكت بقهرة .. هزت راسها مسحت لعرق تاع التدريب من جبهتها ..و ثبتت مليح مع عينيه ..
ريان؛ 3 سنين و شهرين و خمس ايام و 3 سوايع من النهار اللي قررت بلي يا حياتي يا حياتهم .. و الشي اللي صرا معايا .. صرا مع ألف غيري.. و مش رايحو نكمل كون منديش حق كل روح منهم .. كل دم مشا فيه الدروس.. و كل فم تقفل للأبد .. و كل وحدة تحطت على فراش.. و كتموا صرخاتها ..و كل روح بريئة تعمات للأبد .. منيش قاعدة نرقد جنرال .. و بالنسبة ليا هذا التدريب هو طريقي ..بش نوصلهم .. غدوة تخلص فترة التدريب..و يتحط مركزي فالجوسسة .. راح نطلب منك هذا الطلب ..و اعتبروا رجاء .. أنوا نتابع قضايا الفساد و المخدرات اللي في دزاير .. خصوصا البارونات الكبار.. و اللي فشلوا فيه اللي قبلي أنا راح ننجح فيه ..و راح نكون "العميلة 306 "
{و هكا تكونوا عرفتوا المغزى من تسمية الكرونيك هكا .. و موال بزاف ألغاز راح يتكشفوا .. }
~~~~~~~~~~~~~~~~~~~~~~~~~~~~~~~~~ 
قدم ليه واحد من رجالوا .. يجري .. تلفت ڨحرلوا
منار؛ واااش!!!
-مسيوا منار .. إياد عالخط .. عيطلك و
حكم عليه التيليفون و شاورلوا يروح .. باقي حاط يد على الطاكسي قدام جنبي  الثاني .. و حكم التيليفون حطوا على وذنوا ..
منار؛ وي
إياد؛************** وين حاط تيليفونك
منار؛ ******** مش ناقص .. علاه تعيط !؟
إياد؛ الخط
للحظة ملامحوا تبدلت ..
منار؛ و وشبيه !!!!
إياد؛ حطنا على راس المطلوبين .. يخي راك فالفيلا مع باباك !!!
منار؛ شكون قالك!!!.. وكتاه تحط القرار ؟! ..
إياد؛ مكانش وقت مناااار .. مام بابا تحط معانا .. غدوة نهبط و منا لهاذاك لوقت .. الدعم اللازم كامل حطوا .. أكيد هوما ورا الهجوم اللول
منار؛ شكون تاني مطلوب !!!!
إياد؛ اللي حذرني عيد من نومروا روسي .. ظهر مبعد طاكسيفون .. هدر غير عالعايلة .. منعرف شكون تاني..
منار؛ *********** ناقص غير تقوم التصفية دوك .. ازرق اهبط و توله على روحك ..
إياد؛ صحا ..
كوبا عليه جبد عليا .. حط يدو على راسوا .. لحظات ..و تلفن عدا عينيه عالبلاصة كامل .. غزر الكاميرات للي قدام الفيلا .. و وحدة فالبوطوا تاع الضو .. هز الفاست جبد سلاحوا .. صوب عليهم طرشقوا ..  تلفت عيط لواحد من هادوك .. الظاهر ذراعوا .. خاطر لبستوا مختلفة..
منار؛ لم الدعم اللي تقدر .. نحبهم يكونوا كامل قدام القصر.. و المستودع اجبد وش فيه سلحهم كامل ..و توله من الكلاب تاع المخابرات مش ناقصهم ..
هزيت حاجبي .. واش اللي صرا خلاه تقلب هكا .. تلفت شفت مع الكاميرات.. زعما فاقوا بلي المخابرات وراهم !!.. تلفت ليا .. قدم حكمني من يدي .. جلدني قريب طحت .. حالي الباب تاع طوموبيلتوا ..
ريان؛ بلعقل .. ديجا شكون قالك رايحة معاك ...
غمض عينيه بالقاوي و كلهم من منظروا باين واصلا بيه للتالي..
منار؛ شوفي راني بالسيف ما راني قادر نحكي بلا ما نخلط جدك باباك الحلوف اركبي.. لا تطلعي pièce détachées ..
غزرتلوا .. تاففت و طلعت .. قدم .. ركب .. يسوق فيتاس مش نورمال .. هاو تيليفون يعيط و يعاود .. مبعد بدا يحكي بلغة مش مفهومة .. كاين كلمات عرفتهم .. كيما خطر .. وقت .. دعم .. غزرت فالمراية للحشد اللي وراه .. تقول في فيلم .. شوي و حبس قدام قصر الهاشمي طلعت راسي غزرتلوا .. تحل الباب .. قصر كلوا طوموبيلات .. و رجال في كل بلاصة مسلحين .. و بالعادة مش هكا .. الوحيد انو كاين حاجة قاعدة تصرا .. و مش من جهة المخابرات .. على خاطر كون صرت تطور .. كون قال لي الصباح .. حبس قدام الباب.. تلفت غزرلي ..
منار؛ انزلي.. قدموا حلو البيبان نزلنا .. عدا عينيه عليهم ..
منار؛ و القناصين ؟؟
-في مواقعم سيدي
منار؛ دز الجماعة الثانية تأمن طريق إياد غدوة يلحق ..
مع سمعت اسموا تلفت .. يعاود يهبط ؟؟ .. لازم نفهم وش راهوا يصرا هنا .. تلفت حكم يدي .. و قدم حط يدو على آلة مسح البصمات اللي فالباب ..
-mr manar welcome ..
تحل الباب دخلنا .. غزرت للدار .. ضحكت بسخرية في داخلي .. شكون كان يقول .. يجي نهار و نكون في دارهم .. تلفتنا .. كي هابط هو و مرتوا .. يحكيو حتى هوما ملامحهم متتفسرش .. تلفت ليا هاديك هزتني و حطتني ..
قدموا عندنا .. غزرولي
منار؛ نورمال احكيو قدامها
مريم؛ شكون خاذي يع !!
سليم؛ منار
منار؛ اللي رايحة تكون مرتي
#العميلة306