အပိုင်း(၂၈)_ သတင်းထောက်ကို ရှာတွေ့ပြီ
နေဘုန်းခတစ်ယောက် နာရီလက်တံရွေ့သံ တချောက်ချာက်ကို နားထောင်ရင်း လက်ပေါ်မေးထောက်ကာ ထိုင်နေမိသည်။ အကြည့်တွေက မှန်တစ်ထပ် သံတိုင်တစ်ထပ်ကာရံထားသည့် တစ်ဖက်ခြမ်းရှိ နံရံဖြူဖြူဆီကို ပို့လွှတ်ထားလျက်ရှိသည်။ သူရောက်နေသည့်နေရာကား ထောင်ဝင်စာတွေ့သည့် အခန်းငယ်လေးတစ်ခု အတွင်းတွင် ဖြစ်လေသည်။
ထိုအခိုက် သံတံခါးဆွဲဖွင့်သံ ကြားလိုက်ရသဖြင့် ကိုယ်နေဟန်ထားကို ပြင်လိုက်သည်။ မရှေးမနှောင်းပင် ထောင်ဝန်ထမ်းတစ်ယောက်နှင့်အတူ ဝတ်စုံပြာဝတ်ထားသည့် ထောင်သားတစ်ယောက်ထွက်လာသည်။ နံပါတ် - ၂၄၄၄။ အသက်သုံးဆယ်ဝန်းကျင်ခန့်ရှိပြီဖြစ်သော ထိုအမျိုးသားသည် ညာဘက်ပါးပြင်ပေါ်တွင်ခြစ်ရာကဲ့သို့ အမာရွတ်တစ်ခုရှိလေသည်။
"ဟေး မတွေ့တာကြာပြီနော်"
"ငါတော့မင်းနဲ့ ခဏ ခဏ မတွေ့ချင်ဘူး နေဘုန်းခ"
တစ်ဖက်ကလူက အမြင်မကြည်ဟန်ရှိသော်လည်း နေဘုန်းခကတော့ ဂရုစိုက်ခြင်းမပြုဘဲ ပြုံး၍ပင် နှုတ်ဆက်လိုက်သေးသည်။
"ဘာလို့လဲ၊ ငါလာမှ မင်းအကျိုးအမြတ်ရမှာကို"
"Cobra အကြောင်းတော့ ငါတကယ်မသိဘူးနော်"
"Awl...Awl...ဆိုတဲ့ လူအကြောင်း သိချင်တာ..."
ထိုသူမှာ ဒုစရိုက်လောကထဲ သတင်းမုဆိုးအဖြစ် နာမည်ကြီးသည့် ထိုင်းကပြားလူမျိုးတစ်ယောက် ဖြစ်လေသည်။ ယခုတော့ ထောင်သားနံပါတ်(၂၄၄၄) အဖြစ်ပြောင်းလဲခဲ့ရပြီဖြစ်လေသည်။ ဒီနေရာကို အရောက်ပို့လိုက်သူကလည်း တခြားမဟုတ်။ သူ့ရှေ့တည့်တည့်တွင်ထိုင်နေသည့် နေဘုန်းခပင်ဖြစ်သည်။
"လွှတ်ငြိမ်းခွင့်၊ လုပ်ပေးနိုင်လား"
ထိုလူက အပေးအယူအတွက် သူ့တောင်းဆိုချက်ကို အရင်ဦးစွာပြောလာ၏။
"အဲ့ဒါတော့ မရဘူး"
"မရရင်ပြန်တော့..."
ထိုလူက ထိုင်နေရာထဖို့ဟန်ပြင်သည်။ နေဘုန်းခ အပြုံးမပျက်ထိုင်ကြည့်နေရာမှ ရုတ်တရက်ပြောလိုက်သည်။
KAMU SEDANG MEMBACA
The Dark Nights in the Rain
Fiksi Umum[Unicode Ver] ကံဆိုးမှုတွေနဲ့ နာကျင်မှုတွေ မိုးရေစက်တွေနဲ့အတူ လိုက်ပါလာခဲ့ကြလေသလား.....။ မိုးစက်ခတဲ့ ညတွေမှာ မှောင်မိုက်ခြင်းတွေ အစပြုခဲ့တယ်။ ကျီစားတတ်တဲ့ ကံကြမ္မာကြောင့် မိုးမှောင်ကျခဲ့ကြတဲ့ သူတို့ဘဝတွေ ဘဝရဲ့ရောင်နီပျို့ချိန်ကို ရောက်တဲ့အထိ လောကဓံ...