ويبقى الامل

الحلقة 48

شفنا حسن وصاحبه فراس اني لن شهقت
ريان وقفت
حسن ابتسم : شني مني تبو شيء
ريان جت واقفة قدامه
ريان ابتسمت : لا لا منور ‏Ⴢ̤ صقر م نبو شيء منك
اني بصوت واطي : حسن حسن
داليا : مصحوجهك انتتي ، تي سياره واقفة ‏Ⴢ̤ خوي ومفيش تغطيه
سندس : حسن
حسن شبح لسندس : اي حسن
فراس : جيتو منطقتنا
ريان : عليك منطقة خاربة زي اصحابها ، خونا قلنالك م نبوو شيء نبو نباتو اهني عادي عكسه وجو مليح
ريان رجعت ركبت فوق سيارة
وداليا تجي دايخه وطايحه ف الارض تلمدنا عليها وني نزلتلها حاولنا نفيقوها مبتش
فراس : هاك ميه
حسن خداها منن فراس ومدهالي
ريان : منبوش منك شيء قلنا خيرك لصقه هكي
سندس جبدت شيشه منه وبخينا داليا بس مبتش تفيق
سندس : اكيد الشمس ضربتها ولا شن القصة
اني : مشكل مفيش اجهزة ولا شيء اهني نرفعوها المستشفى
حسن : تفضلو هي اني نوصلكم فـ‏Ⴢ̤ مستشفى قريب منن اهني
ريان : تو نمشو ؏ رجلينا
سندس : ريان سكري فمك قدامك البنت دايخه فهميني بتقيمها ؏ ظهركً وتمشي بيها جمل انتتي
حسن : حولو حولو تو نقيمها
اني : سندس اركبي انتي
اني شبحت لريان : تحركي قداممممي بنسكر سيارة ونجي
ريان قلبت عيونها ؏ حسن وركبت بعدين ركبت سندس وحسن و داليا اني سكرت سيارة وخديت مفاتيح وركبت منن تالي وحسن حطلنا داليا مهم منعرفش كيف سدتنا سيارة وصلنا مستشفى نزلنا دخلنا بالاسعاف لقيت دكتور ايهاب
ايهاب : ملاك شديري اهني
اني : ايهاب انت شندير اهني مرة خوي اغمى عليها
ايهاب : خشي معاي هي
خشيت الغرفة ني وايهاب وممرضات وباقين يراجو البرا
ريان قعدت تتمشى وحسن وفراس وسندس واقفين
حسن : عاش منن شافك سندس
سندس : تعيش وتشوف
حسن : شني وين تقري توا
سندس : حولت جامعة ال&)& وانت شنجو قرايتك
حسن : وقفت نخدم تجارة سيارات توا ني وفراس
سندس : باهي ربي يعاونك
حسن : وينك معاش تدوري ؏ النت ولا شيء
سندس سكتت
حسن ابتسم : متخافيش حسن متاع قبل تغير
جت ريان كانت تتكلم ف نقال
ريان : مالكك احني ف مستشفى قتلك تسمع فياا ، زفتت تي شن هالمكان يلي احني فيه حتى تغطيه زي عباد ربي مفيش باهي يلي حصلت شوية
مالك : يا بلوى مستشفى شنني ليششش شنفي تي نسمع فيكك
ريان فنصت لحسن : اما مستشفى احني
حسن : الايواء
ريان : مالك احني ف مستشفى الايواء داليا اغمى عليه
مالك : اهو جاي هي
_______
مر شوية وقت
اني طلعت مع دكتور ايهاب ونبتسم
ايهاب : ااي اني اليوم شاد توكة اهني
اني : باهي كويس
اني جيت حضنت ريان
اني : دالياا حامللل
ريان : شنوو تبصرري حاممل قولي الله
سندس : الله حامل
سندس سلمت عليا : العقبة ليك ‏Ⴢ̤ ربي
حسن ابتسم : الف مبروك♥️
اني رديتله نفس الابتسامة : يبارك فيك
فجاءة جي مالك يجري وقريب يطيح شدني
مالك وهو داهش : شنفي شنفي
اني شديت ايديه : اهدا اهدا داليا حامل
مالك : حاممممل
اني : وطي صوتك يعنشكلك😂
مالك : هءءي وين وين توا
اني : هي ف غرفة مركبينلها تغذية عندها هلبا نقص وخايفيين تفقد الجنين ضروري تاكل وتركب تغذية مدة هادي عندها هلبا نقص ‏Ⴢ̤ مالك بس حاليا حالتها مستقرة ، احني ماشيين ف طريق سيارتنا وقفت وهي اغمى عليها وقفلنا اهوا
مالك شبحله وسلم عليه : اهلين بجودة بيك
حسن : خلاص الامانه سلمناها ولو خوي م تدور شيء زي اوخياتي
حسن وفراس مشو
ريان : حمدلله
مالك : ملاك تكذبيش عليا داليا كويسه
اني : اقسم بالله كويسه تعال نخشولها ، تفيق وخودها ونروحو
مالك : تمام سيارتك وينن انتي خنتصل بالتصليح يجو ياخدوها
________
فراس : مشعارف نحسك قاعدة تحبها هالريان
حسن : لا لا نسيتها خلاص
فراس : قايمه خشمها ومتغطرسه ؏ الفاضي
حسن : متخافيش يجيها يوم وينكسر غرورها وتضعف ومعاش تلقى حد جنبها
فراس : ‏Ⴢ̤ راجل شن جيبها لسندس سبحان الله ؏ الفرق بينهم هديكا تحساب روحها البنت الوحيدة فيك ‏Ⴢ̤ ليبيا
حسن ابتسم : منن جمالها عندها الحق عاد
فراس : وكان حلوة تتجكتر هكي تي تمشي تملح
_______
خشيت اني ومالك لداليا قعمز ف كرسي وشد يدها وباسها وهي بدت تفيق شوية شوية
داليا : مءءالك
مالك : اس ارتاحي
اني : منغير دلع تو حتبدي ف جوي اني حامل وياي فكينا منه طروح الزقرلو😂😂😂
داليا جاية بتقعمز : حاممل
مالك شدها ورجع رقدها : اهدي اي حامل
اني : حامل بس تبي عناية وراحة قاعدة ف اول شهر معقول م حسيتي بشيء لا اعراض لا هم
مالك : ليها يومين حاسة روحها مش طبيعيه هي بس شيء شيء تقاوم
اني : لا توا خلاص راحةً وبس داليا ، خلي تتم التغذية وننوضو نروحو
قعدنا نراجو شوية لن تمت التغذية نضنا بنروحو جي مالك شد داليا وسندها عليه مشينا رسبشن بنخلصو
البنت : لا لا يلي كان معاكم خلص
سندس : حسن
ريان : عطه سم انشاء الله
اني نخصتها
مالك : والله بارك الله فيه شكله ولد بيتيه
ريان : تي اما بارك الله فيه قول انشاء الله تنقلب بيه
اني : سكري فمك صوتك عالي راه ياسر دعاوي ف عباد ربي وانتي تقول ام زكي اليوم
ركبنا سيارة مالك حطني ني وسندس ف حوش ومشو روحو هما وطبعا بعت التصليح باش يصلحو ويجيبو سيارتي
خشيت الحوش لقيت ام محمد وسهى وسارة ومحمد مقعمزين قعمزت معاهم
ام محمد : لا والله بكرري
اني : اسفين عمتي سيارة وقفت بينا وداليا رفعناها مستشفى
محمد : علاش شنفي
اني : لا لا طلعت حامل
محمد ابتسم : الف مبروك
ام محمد شبحت لمحمد : وامتى بنشوفوه عندكك يعني
اني : بنخش داري نبدل شوية ونجي نوتي العشاء
خشيت داري ام محمد خنست وقعدت تشبحله
ام محمد : سندس مش سيارة وقفت بيكم كيف رفعتو داليا المستشفى
سندس : وقفلنا وليد وصلنا
ام محمد : مشاء الله وليد صار سمعت مرتك ‏Ⴢ̤ محمد وخيرها م اتصلتش بيككككك اقل شيء تققولك شن معندهاش والي وراجل يحكم فيها
محمد سكت وناض لحقني ف دار كنت ننحي ف حوايجي جي شد يدي بالقوية
**
سندس : خيرك هكي امي ضروري ضروري يعني تحفري
ام محمد : بدون قلة ادب انتي تانيه مش ناقصاتك وهادا كلام الحق
سارة : اي خلي يهزبها كيف تركب مع ولد غريب
________
محمد : منهوو يلي ركبتي معاه اهوا وصلكم مستشفى ، وعلاش مكلمتينيش اني
اني نحيت يدي منه وفنصت فيه : لو مكنتش مجبورة وداليا مغمى عليها راه مركبتش فاهم وحاولت نتصل بيك وبمالك م فيش تغطيه بكلل فاهم محمدد ممشيتش نتصيع معاه انني
خديت حوايجي وخشيت الحمام وقربعت الباب دوشت وبدلت جيت طالعة نجفف ف شعري جي محمد داخل وقايم شكارة شكالليط حذفها ف سرير وشدني ‏
محمد : الحلوة زعلانه
اني دفيته : ونبي حول
محمد رجع شدني : ولو مبيتش نحوللل
اني : حوول محممد
محمد دفني ؏ الحيط وجي مقابلي قعد ينحيلي ف شعري منن وجهي ويمس ف شعري ويشبح لعيوني
محمد : اسف باهي
اني خبطته : معاش تعاودها
محمد : منن عيوني
اني : بنقولك
محمد : قولي
اني : نبي نرجع للخدمه ونعرف خدمه حوش بس نخدم نص دوام منن ثمانيه للواحد ونجي ندير باقي الحاجات
محمد : منن عيوني اي اوامر تانيه
محمد قرب بيبوسني امه دفت باب وخشت قعدت تشبحلي منن فوق للوطا اني طول بعدت محمد منن عليا وقعدت نساوي ف شعري
ام محمد : والله قاعدة نراجي ف كنتنا يلي قالت بتدير العشاء بس منعرفش انها مش فاضيه خلاص تو نديره حتى اني الله غالب عليا
اني : لا لا يا عمتي اني توا كنت جاية بنديره
ام محمد : باهي بسرعه بسسس
ام محمد شبحت شكاليط ف سرير
ام محمد : مشاء الله مفيش تفضلو
اني خديتهم اعطيتهولها : اصلا محمد كان جايبهم للبنات غير دخلهم معاه اهني
ام محمد : تو نعطيهولهم اني ‏Ⴢ̤ حنه متعطليش ف العشاء خاطري اليوم ف فاصولياء
اني ابتسمت : ‏ᘓɹ̇ᓄ عيوني
طلعت ام محمد وهو قعد يتافف
محمد : لما نقول فايده الحوش بروحنا اريح تقولي لا وعادي
اني : اس اس محممد تو تسمعك زي مرة فاتت وتزعل
ام محمد : ميه ميه بري طيبي هي
محمد رقد ؏ سرير وراقد بسبيدروه
اني جيت نحيتوله : كم مرة نقولك معاش ترقد فالسرير بيهههه بتهبلني راه
محمد قعمز وشدي يدي
اني : حول ونبي تو يخشو مرة تانيه محمد
محمد : لا لا مدح حيجي توا غير هيا بوسه وحدة بس ؏ سريع
اني : محمممد
خشت امه منجديد وهو طلقني ورجع رقد
محمد : اخرط عاد
ام محمد : جيت بنقول ديري رز مع الفاصولياء ولا نقولك تعالي قدامي توا لن نتاكد انك ف كوجينة ولا خليني ني نخًنطيب
اني : هيي
اني شبحت لمحمد وقعدت نديرله ف علامات تو نوريك وطلعت مشيت كوجينة بديت نطيب ف العشاء
_________
مالك : معااش تتعبي روحك
داليا : حبيبي خيرك والله م فـ‏Ⴢ̤ تعب هك
ريان : اي اي داليا ارتاحي وارقدي بس حتى كوجينة ني نطيب
مالك : لا لا كلشي الا التطييب صلي ؏ تبي تقتلي داليا ويلي ف بطنها
ريان : مصحوجهك
مالك : تي نبصر ريونتي خيرنا عاد ماه انتي قرايه وهكك
نقال ريان شرين : حي حميده وخيي الغالييي هي باي سماعاتي فوق
مالك : حمدلله احمد انقذني خنطلع ونجييبلكم سم
داليا : نحبك
مالك : نموت فيك
مالك باس داليا ‏Ⴢ̤ : بالك ؏ روحك بديتو زوز را هلبا عليا هكي
شرين نقال مالك وكان محمد يبي يبارلكه رد عليه وطلع
_______
؏ صفرة العشاء
محمد : ملاك منن غدوا حتبدا خدمه نص دوام من ثمانيه للواحد
ام محمد كيف بتتكلم سارة تكلمت
سارة : والله هي متزوجه توا الخدمه مش مهمة قصدي حوشها اهمم
محمد فنص ف سارة : القرار هادا اني ناخده واني نحددهه انتتي مدخلكش ف امه
محمد قربع طاولة وناض الغرفة اني طول لحقته شديته وحطيت راسي ف راسه حاولت نهديه
اني : اهدا اهدا مفيش داعي لكلل هالعصبية
محمد : ..
اني : ايي كنت تقدر ترد بطريقة احلى خلاص اهدا مكليتش حياتي
محمد : طارت النيه
محمد باس راسي : بنخش ندوش اني
اني : اوك خش تو نوتيلك توتة
محمد خش الحمام وني وتيتله حوايجه وطلعت البرا لقيتهم كملو عشاء ومقعمزين يهدرزو
ام محمد : كيف حتقدري تسيطري ؏ خدمه وحوش
سندس : ملوكه فالحة تقدرها
مهم اني قعدت نلم ف ماعين وضميت كملت ومشيت دار نغني قدام المرايا ونساوي ف شعري
اني : يعاملني بطيبة واحساس ويدلعني قدام الناس بيعرف انني رومنسية بيلعب ؏ الوتر الحساس
جي محمد طالع حضني : اي اي الوتر الحساس صار
اني : نعيماا
محمد : الله ينعم علينا وعليك ، غدوا بتمشي معاي وشادة يدي ونخشو معبعضنا
اني ابتسمت : ااي
_____
ثاني يوم فقت مشيت المستشفى مع حميدتي لبست سروال واسع برتقالي وسورية مخططة اسود ف ابيض ف برتقالي ووشاح برتقالي وكعب وشنطة لونهم اسود خشيت مستشفى كلهم يسلمو عليا
♥️
حنان : واخيرا نورتينا
اني : بس نص دوام
حنان : عادي عادي مهم معانا
الولد : دكتور محمد عملية بادية قداش ليها راه دكتور ايهاب بدي فيها
محمد : هي جاي
محمد شبحلي وني ابتسمتله ومشي
مر شوية وقت جي مالك اني كلمته قتله يجيب داليا باش نعاينها
كنت واقفه ني ومياس وحنان جي مالك
مياس : دلوشتي مبروكك العقبة م نشوف حوشك كله صغار
داليا : الفال ليك ‏Ⴢ̤ رب
اني : هي داليا خنمشو الغرفة
جي محمد
محمد : اوو بو نسيب
مالك : وينن
محمد : مبروك مبروك
مالك : يبارك فيك
اني : هيا داليا
محمد : وين
اني : بنعاينها اني بتبدا مرة خوي منن حالاتي
محمد هز براسه لا : حولوها لدكتورة عبير اخصائية نساء
اني : مش ماليه عينك محممد صح ليا هلبا مخدمتش بس قاعده بدماغي
محمد ضحك وشبحلي : يا غبيه لما يكون شخص يقربلك ولا يعز عليك هلبا حتختاري قرارات خطا وبقانون امريكا الدكتور غير مسموحله يعالج شخص يقربله او شيء زي هكي لان قراراته حتكون بقلبه فهمتي مش حيختار الصح والمناسب لهذا حنان بري دخليها لدكتورة عبيرة وقوليلها تبع محمد
حنان : ‏ᘓɹ̇ᓄ عيوني
مالك وشووش لمحمد : حطتلك ايديها ف نص يا بوي دبر راسك معاها
حنان ومالك وداليا مشو ومياس مشت قعدت اني ومحمد
اني : دكتورة عبير صاررر شكلها جديدة
محمد : بدينا ف الخنس عاد
اني : اي اي
محمد : بتسكري فمكك ولا نشدك ناخد بوسة بالسيف توا
اني : لا لا تو نسكره اسفه
مر وقت ومحمد وصلني حوش ورجع خدمته خشيت الحوش لقيت عندنا مرا ضيفة سلمت عليها وخشيت كوجينة لقيت سندس
اني : منني هادي
سندس : مشعارفه صاحبة ماما عمتي عفاف اسمها خنوتيلها نسكافيه
**
عفاف : والله جاياتك ف موضوع لبنت يلي اسمها سندس
ام محمد : سندس
عفاف : اي هي يلي تقرا ف كلية الطب
ام محمد : اي به
عفاف : والله فـ‏Ⴢ̤ ولد شابحها ف جامعه قبل وعاجباتهه ويبيها وتعرف ولد مشاء الله عليه مصنع ومننع تريس بمعنى الكلمة فلوس واخلاق وجمال ما نحكيلكش
مر وقت والمرا روحت جي محمد ‏ᘓɹ̇ᓄ الخدمة وام محمد مبتش تقولنا المرا شن تبي قالت جت تهدرز وخلاص
ام محمد : محمد امبكري جت مرا قالت فـ‏Ⴢ̤ واحد شابح سندس ف جامعة وعاجباته ويبيها قتلي مشاء الله عليه فلوس ومصنع وممنع
سندس / شنوو
سارة : مش امي قتيلنا م تبي شيء تبلعطي علينا
محمد : مازال يا امي سندس قاعده تقرا
ام محمد : وشنفيها مرات توا خطوبة بس قصدي شكرتهولي هلبا الولد وني قتلها خلي بيناتنا مكالمه نشوفوهم احني شن خاسرين
محمد سكت شوية
اني : محمد لو الولد كويس هكي عادي خلي يجوي ونشوفوهم شنفيها
ام محمد : خلاص غدوا نكلم عفاف تقوللهم غدوا يجو ، ولا تبيها تعنسلي زي سهى يعني تقعد
سهى ناضت غرفتها ومحمد خش دار متعفلق اني شبحت لام محمد بعدين خشيت لسهى
طبعا نرجع نفكركم سهى اخت محمد المتوسطة حاليا بطلت خدمه هي صح متحبنيش بس حرام الكلمة يلي قالتهالها امها !رطقيت عليها الباب مبتش تفتح قعدت قدامه لن فتحتلي خشيتلها
سهى : خيرك شنفي يعني مرة مفتحتلكش خلاص
اني : نبي نقولك كلمتين بس وماشية
سهى : نعم
اني : سهى انتي تامني بربي ولا ؟ قصدي امك كلامها هك وخلاص تعرفيها بدون قصد تقول وشنفيها لو متزوجتيش لتوا وشنفيها لو جي عريس لسندس قبلك مش مهم ! قصدي مشاء الله عليك حلوة وتهبلي والكل يتمناك بس نصيبك اكيد ف حاجة تانيه اكيد ربي مخبيلك شيء احلى بهلباا خاص ليك انتتتي ، سهى متبكيش وتزعلي روحك تاكدي ربي مخبيلك شيء احلى ليك انتي وكل تاخيرة فيها خيرة ! وشوفي شنرايك تبدي تخدمي معانا ف مستشفى ف رسبشن قصدي نمشو ني وانتي ونهيجو نقرمو
سسهى مسحت دموعها وابتسمت شبحتلي : الله
اني : اااي تو نقول لمحمد ونرجع نكلمك
اني : خلاص تممم
سهى : خلاص نخش ندوش وقوليلي شنصار معاك
اني كيف بنطلع منن غرفة وكنت نبتسم لسهى وهي تبتسملي لقيت محمد قدامي
محمد : شن هالضحك
سهى : مرتك زي العسل تحطهها ؏ الجرح يبرى
محمد : باش تعرفي ذوق خوك بسس
اني : هي حميدتي نطلعو خلي سهى تدوش
طلعت ني ومحمد لقيت امه
ام محمد : غدوا بيجو العيلة باش متمشيش الخدمه تقعدي تديري الحاجات
محمد تنهد : به شن ناقص
ام محمد : م فـ‏Ⴢ̤ شيء ناقصص ولو فـ‏Ⴢ̤ شيء ناقص نكلمك تجيبه غدوا
محمد : والكلمه يلي قلتيها لسهى غلط
محمد خش لسندس لقاها مقعمزه ف سرير
محمد : شني مني سندس
سندس تنهدت : مشعارفه سهى
محمد : سهى اهي تضحك وجوها مليح ملاك رضتها اني عندي اهم شيء انتي شن رايك وغدوا لو معجبوكش ولا ما اقتنعتيش كل شيء يوقف كله برايك
سندس ابتسمت : حاضر وني رايك انت عندي اهم شيء نعرفك متبيش الا مصلحتي
***
كان محمد مقعمز ف صالون ويتفرج ؏ تلفزيون جيت قعمزت ف حضنه
اني : حميده انتت عارف سهى قصدي وكلمة امك بكري وجعتها ف نبي نلهيها باي شيء تاني فهمتني قتلها تخدم معانا ف مستشفى ف رسبشن ولا اي شيء تغير جوها وهك فهمتني
محمد : اي عادي حبيبتي خلي غدوا يفوت وموضوع سندس بعدين تعالي انتي وهي وسيارتك غدوا يجيبوها امبكري كلمت مالك عليها
اني : نحبك هلبا
فجاءة خشت سهى تنادي عليا وني طول نضت منن حضن محمد
سهى : مرة خوييييي ، اءءسفه نسيت انك متزوجه نقصد شن نخرط اني
محمد : لا ؏ الحال هادا الواحد مش حيحس روحه متزوج ابدا ضروري نسكرو الباب بالمفتاح ولا كيف🌝♥️
سهى : اءءسفه
محمد : تعالي تعالي
جي محمد قرب منن سهى وهي توخر لن شد شعرها
محمد : امك لما تديرلي ف طبات الردع هادي م نديرلها ف شيء بس انتتي حندير يلي نبيه فيك مازال تعاوديها
سهى : تي والله نسيتك انكم قصدي منعرفش كيف صار نبي ملاك فموضوع
محمد : ااي نعرفه الموضوع لو ؏ الخدمة بعد نكملو موضوع سندس حتجي انتي وهي فاهمه
سهى ضحكت : الله نحبكم انشاء الله نشوفك حامل ‏Ⴢ̤ ملاك وجايبة عشرة صغار
اني : عشرهههه
محمد طلق سهى وهي طلعت جري محمد سكر الباب بالمفتاح وشبحلي
محمد : عشرة صغار شن رايك نبدو ف الاول
اني حذفته بالمخده : تحشم محمممد
محمد ناض بيجري وراي وني ركبت ننقز فوق سرير
اني : موتت يا محمد
قعدت نحذف عليه ف المخاد لن شدني
_________
ثاني يوم فقت بكري وتيت فطور محمد وطلع خدمته قعدنا نوتو ف الحاجات ونجهزو ونصمو ونبخرو كل واحد لاهي وتيت سندس اني جبدتلها شعرها لبست سروال واسع اسود ف ابيض وفلينيه جو نظام الحفلات مفتوحه منن فوق قصيرة لونها ابيض مع حد السروال وكعب احمر وشوية مكياج وطلقتلها شعرها ومشيت بدلت اني لبست جمبسوت لونها اسود وشعري مطلوق قعدنا نراجو لن طق الباب فتحت كانو هما وقعدت نسلم عليهم سلمت ؏ المرا الاولى والتانيه وللما شفت التالته جتني صدمه لا عرفت نسلم ولا عرفت شن ندير قعدت ساكته ونشوف وخلاص