ويبقى الامل

الحلقة 53

محمد : عمءاد
؏ جية حنان تنادي ف محمد
حنان : محممءددد
وقعدتت واقفة وتشبح لعماد معاش عرفت تتحرك ولا شيء وطول حضناته ودموعها لا اراديا نزلو بعدين فاقت ؏ روحها وبعدت منن عليه
حنان : حمءءدلله ؏ سلامءءتك
حنان طول مشت غرفتها وسكرت الباب محمد شبحلها ورجع شبح لعماد وهو يشبحله وساكت ابتسمو لبعض وحضنو بعض
محمد : المستشفى وليبيا ودنيا كلها نورت اليوم
عماد : والله بوجودك با بو البنات وصلتني الاخبار را الف مبروكك عليك وانشاء اللع عقبال نجاحهم وتخرجهم وزواجهم
محمد : الله يبارك فيكك شنجو وامتى روحت تعال تعال خننزلو كافتيريا
جو دكاترة يسلمو ؏ عماد ونزل هو وياه ودكتور ايهاب للكافتيريا
محمد نقاله شرين رد كانت افنان تكلم فيه بنقال سهى
افنان : الو بابا
محمد : اا بنتي
افنان : وينك بابا فقت صبح ملقيتكش قعدت نبكي مبوش يرفعوني ليكك لن عمتو سهى اتصلتلي بيك استاحشتك تعال
محمد ابتسم : حاضر انا ف خدمه باهي شوية ونجيك انتي خشي صلي مع ماما وكولي واستني تلقيني جيت باش نطلعك حديقة انتي وانفال وامك
افنان : ماما لا مبتش تتصلي بيك الا عمتو سهى كلماتك
محمد : حاضر بعدين نجو نتفاهمو
***
جيت اني كيف طالعة منن كوجينة حطيت ايديا ف نصي وقعدت نتكلم مع افنان
اني : كلمتيه ولا مش قلنا يخدم
سهى : ملاك اهدي عليها البنت عادي اهو رد وخلاص
افنان : عادي اصلا بابا بيجي يطلعني انا وانفال وانتي لاا انتتي اخخي
اني : به معاش تكلميني ولا تجيني ولا تقولي ماما باهي
اني مشيت خشيت كوجينة نطيب
***
عماد ضحك : محمد دور الابوة مش طالع عليك بككل
محمد : حاله تعرف
ايهاب : باش تعرف بونسيب كيف بس بناته يحبوه😂😂
عماد : نسيب شن
ايهاب : ااه نسيت نقولك انيي خطبت سهى اخت محمد
عماد ابتسم : الف الف مبروك قعدت كان اني عانس 😂😂
ايهاب : تي اي اي نبو نفرحو بيك
عماد : والله ف بالي وحدة
محمد : منن تعيسه الحظ
عماد ابتسم : تو تعرففف غير بنوض نشوف باقي دكاترةً ونجي
محمد : باش تروح معاي انتت ودكتور ايهاب غداكم عليا
عماد : مفيش داعي
محمد : والله ما صايرة حلفت
عماد : هيي ندير دورة ونجيكم امالا
ايهاب : حتني عندي كم حالة هك نشوفها ونجي محمد استلمت حاوية الادوية
محمد : اي وصلو عندك كلوركينين بس ناقص
ايهاب : جت فيه عادي
مشي ايهاب وعماد
عماد خش لغرفة حنان وهي كانت تمسح ف دموعها مجرد م خش عليها وقفت جي وقف قدامها وابتسم حنان طبست راسها وسكتت
عماد : ساكته
حنان : شن تبيني نقولك يعني غبت كل هالمدة ومشعارفه اني مقدرتش ننساك مع انك حيوان وتستاهل ان ننساك ! معقولة لا تفتح فيس لا انستا لا شيء نكلم فيك م تردش ولا معدل
عماد سكت
حنان : مش مهم انت حر
كيف بتمشي حنان شد يدها
عماد : تقبلي تتزوجيني حنان
حنان : شنوو
عماد : يلي سمعتيه
حنان : مسمعتش اصلا
عماد : لا سمعتي غير تديري ف روحك مسمعتيش
حنان : باهي اني حرة عاودها هي نتاكد
عماد ابتسم : تقبلي تتزوجيني
حنان : تبصر
عماد : حنانن
حنان : ماه شن فجاءة نلقاك قدامي وفجاءة تقولي تقبلي تتزوجيني يعني شن تتوقع رد فعلي بالله
عماد سكت شوية وتنهد : خديت وقت هلبااا باش ننسى يلي صار معاي وحمدلله قدرت ننسى مدة اخيرة فكرت فيك وهلبا حنان وهادا القرار يلي وصلتله وجاي منن غادي باش نقولك هالكلام وكنت حاب ناجله اسبوع تاني بس توا معاش قدرت ! ف شني موافقة ولا لا كان هك خليني منن توا نوتي وننظم اموري معع عيلتك
حنان جت حضنت عماد وهو حضنها
عماد : اسف ؏ غبائي
حنان : عارف بنطير منن فرحتي مش مصدقة شفتك واخيرا وزيادة فرحتني هلبا بهالخبر انني اكيد موافقة ومتمنيه نكون مرتك
عناد : خلاص تمام اني نبعت اماليا المدة الجاية امالا ونتفاهمو
حنان وخرت منن عماد وشبحت عيونه وابتسمتله
______
اني كنت ف كوجينة جتني افنان
افنان : ماما طلعيلي لبسة
اني قلبت عيوني عليها ومبيتش نرد شن تتوقعو بالله عقلي عقل مفرخ♥️😂😂
افنان : ماماا
اني : اني مش ام حد
افنان : لا انتتي ماما بتاعتي
اني : بنتي انفال وبس انتي لا بنتي لا شيء
افنان قعدت تبكي : لاا امي انتتي امي
جت سهى : خيرها تبككي
افنان : عمتو ماما تقولي اني مش امكك
سهى : اسس خلاص عاش تبكي ، ملاكك بتحطي عقلك منن عقلها
اني : مدخليشش شدوها منن عليا احسن م نرتكب جريمه ف نفسي انني
جت ام محمد قامت افنان وطلعت وكنت مدايرة كيكة باردة وكيف بنحطها ف الفريز الضيء هرب
اني : استغفررر الله وخلاص الواحد شن يدير هي توا استنوهه امتى يجججي واااك والغداء الطاجين مطابش
سهى تضحك : ملاك شكلك وانتي متعفلقة هكي ما تفهم شيء😂😂
اني : اي خلاص اليوم ناكلو الارض احني
سهى : تي عادي مش موضوع ماكله ديلفري يشكرو فيه
اتصل بيا محمد
اني : هاا
محمد : وخيرك بتضربي
اني : شنفي محمد بالله بسرعه كان موضوع ضروري ولا سكر خليني ندور حل
محمد : حل شني يا وزيرة الصحة
اني : محمد مش وقت تسهويك
محمد ضحك : اسمعي وتي الغداء دكتور عماد وايهاب جايين يتغدو عندنا
اني : نعممممم وتوا تقولييييي خويي وضيء كيف هربب محممد متخلينيش نطلعلكك منن نقال كيف كيف تقولي تواا فهمني
محمد : نظمي اموركك اهو اني شوية تانية وبنجي نبي غداء
محمد سكر ف وجهي واني حذفت النقال منندريش عليه وقعدت نبكي جتني سهى وام محمد وسارة وافنان
اني : الاخ محمد عازملي دكتورة عماد و
وكيف بنكمل تفكرت دكتور عماد
اني : دكتور عماد كيف شن جابه هادا مفهمتش امتى جي
اني سكتت شوية ورجعت نبكي : تخيلو عازملي دكتور عماد ودكتور ايهاب توا بيجو يتغدو وضيء هارب وياماتي سودد الغداء مطابش مدايرة طاجين كنتت ااه يا قلبي انشاء الله سلواح وقباض ارواح يا وزير الكهرباء الله يبعتلك الهليكة والهم بدرابيكه
ام محمد مسحت ؏ راسي : انتي تبي وقت راحة اهدي شوية تو نديرو كسكسي نتعاونو فيه ؏ سريع
سهى : اي اي ايهاب جاي خنقيمو القدر ويحب الكسكسي هي هي خنوتو
مهم قعدنا نطيبو ونضحكو واني نسحن ؏ محمد يلي فجاءة مدايرلي عزومة🌝💔
________
ريان فاقت منن النوم لقت حسين جايبلها فطور وجي يفيق فيها
ريان : صباح الخير
حسين ابتسم : صباح الورد
ريان : اءءمس
حسين : امس رقدتي ف صالون اني قمتك اهني
ريان سكتت
حسين : وتيتلك فطور
ريان : منحبش نفطر صبح اني
حسين : غير نوضي ؏ خاطر افطري بس
ريان : والله ما نفطرر
ناضت ريان وخشت حمام سكرت باب
***
سندس مجرد م فاقت منن نوم ملقتش حسن جنبها
_______
جي الاخ محمد دخل ايهاب وعماد مربوعه وجانا
محمد : شني فـ‏Ⴢ̤ شيء ناقص
اني ربعت ايديا وفنصت فيه : ولع المولددد بسسس
سهى همست لمحمد : ليلتك اليوم غبرة يا محمد
محمد ضحك : هي تو نفتحة
مشي اخ محمد فتح مولد وجي
محمد : الغداء واتي ووين افنان وانفال
سهى : راقدين
ام محمد : اي اي قيم الصفرة
بعد جو ربع ساعه جي محمد قام الصفرة ومنعرفش كيف درنا كسكسي فهالوقت فعلا انجاز واحني تغدينا بعدها ضمينا دنيا ومحمد وايهاب وعماد يهدرزو بعدين جاني
محمد : البسي بدلة صلاة باش تجي تسلمي
اني فنصت فيه
ام محمد : خليهم يخشو ايهاب مش غريب ودكتور عماد كذالك
محمد : باهي البسو شيء
مهم لبسنا بعدين جو دكتور ايهاب وعماد ، لما سلم عليا دكتور عماد وشبح عيوني حسيت نظراته تغيرو ؏ قبل وبدو مشعارفه كيف مهم تغيرو سلمنا وهدرزنا شوية بعدين روحو ومحمد خش دار معاش بيرجع خدمه
_______
مع جو العشية جي حسن خاش لقي سندس مقعمزة ف صالون ف وسط حوش وتراجي
سندس : وينك لتوا
حسن : اسف والله جوني شباب بكري وطلعت معاهم خيرك منزلتيش لاماليا لوطا
سندس : كنت نراجي فيك حتني ريان بكري نزلت هي وحسين منن بكررري وانت مهناش قتلهم خش يدوش ننزلو معبعضنا
حسن : باهي كويس هي بدلي ننزلو امالا
سندس سكتت
حسن حس انن سندس تغششت جي شد يدها وباسها منن خدها وهي تحشمت وخشت بعضها
حسن : اسف والله الاولاد لو ما اصروش عليا راه ممشيتش معاهم ومحبيتش نفيقك نقولك طالع
سندس : امممبه واتصلت بيك نقالك اهني
حسن ابتسم وشد وجه سندس : اي اي غير جري يا بطه بدلي نراجي فيك اهني
________
اني خشيت الغرفة نعيط ونقربع لمحمد
اني : تجيني توا تقول عازمم شن مستخسر تتصل بكري تقولي جايب ناسس للغداء
محمد : تي وينن ندري انني
اني : خلاص امالا مش موتي روحك متعزمششششششش
جي محمد وقف قدامي
محمد : وشن فيها كان عزمت طيبي وين المشكلة
اني : اي اي جايبني شغاله بس نضم ونطيب اني طبعا مش مهمة عندك تزوجنا وجبنا بنات خلاص اني ليش مش ضروريه ف حياتك
محمد دفني ؏ سرير وطلع
اني : اي اي اطلععع لما تسمع كلمة الحق تهرب وبس
**
ام محمد : اسم الله خيرك فاصل وصوتك انتت ومرتك واصل اخر الدنيا خيركم شن فـ‏Ⴢ̤
محمد : تي تعيط ؏ خاطر العزومه
سهى : محمد منن حقها قصدي اتصلت بيها ماخر يناري لن قعدت تبكي وزيد عليها هم الحوش كله قايماته هي وفوقها افنان وانفال تبيلها راحة منن كل شيء
محمد : الراحة ف القبر
ام محمد : غير قعمز والله مرتك ما تقصر يا محمد غير نفسيتها تعبت طول يوم بين تطيب وضم وصغار وتهتم بيك شوف
محمد سكت
ام محمد : اقعدو بروحكم يوم هكي غيرو جوكم
محمد : وهاليوم منن وين بيجي وصغار شنو
ام محمد : غير اسمعني اني نقولك حل
________
جت سندس نازلة ومعاها حسن سلمت ؏ عيله وقعمزت كانو عيله حسن كامله شوية هك ريان خشت كوجينة تتصل بيا
اني كنت ف داري نبكي وخلاص جايتني الهبلة
اني : الو
ريان : ايوا
اني : استاحشتكك
ريان : وكانك باكيه
اني : لا لا
ريان : كذابه
اني : ؏ اساس انتي متبكيش
ريان ضحكت : لا لا ني دموعي بينزلو بس انتي فات فيك وباكيه خيرك
اني : تي شيء محمد درهلي كبدي
ريان : تي عادي تمشي متزعليش روحكك
اني : بنموت خلاص تعبت منن الهم وكلشيء احكيلي بالتفصيل شنصار معاك
ريان حكتلي
اني : ريان معاش تديري هكي تصرفي معاه عادي حسين قصدي راجلك توا تبي ولا متبيش
ريان : والله نحاول نكون طبيعيه ممقدرتششش
اني : تو تقدري غير حاوليي
ريان : اسمعي توا خنطللعو نهدرز مع العيله نحبك ملوكتي باي
سكرت ريان وخشتلي سهى
سهى : ملوكتي هيا بدلي اتصلت بينا داليا عزمتنا هيا نمشولها كساد
اني : داليا وما اتصلتش بيا
سهى : توا كانت تكلم ف امي
اني تنهدت : باهي هي خنبدل للصغار ونجي نبدل
سهى : لا لا صغار سارة تبدللهم بدلي انتي وهيا
طلعت سهى وجي محمد بدل ولا كان فـ‏Ⴢ̤ شخص معاه ف الغرفة متكلمش بكل وقارن حواجبه
**
عند ريان مجرد م سكرت مني جاية بتطلع انضربت بحسن مشت ايمين بتطلع هو جي يمين جت يسار جي يسار
ريان :يا خونا اني بنمشي هكي انتت اطلع هكي وريحنا هي تفضل مر
حسن : باهي وانتي بتاكليني نبي ميه بسس
ريان : والله مفتاح خزنة الميه مش عنديي
ريان بتطلع شدها ‏ᘓɹ̇ᓄ بدها هي نحت يدها منه وطلعت جري وقلبها يضرب وترعش
_____
مهم سكرنا مولد و ركبنا سيارة محمد سايق وام محمد وافنان قدام وني باقين تالي وصلنا ومحمد طول مشي خشينا سلمنا وقعمزنا
داليا : اي شنجوكم قتولييي
ام محمد : والله بخير قلنا خنغيرو نفسيتنا وقت كلمتينا نجو ما صدقنا لبسنا ف دقيقه والضيء قصوه الله يقص مصارينه هلي ينزل ف تاكو
سهى : حاله
داليا : احني توكتنا ف الليل اليوم😂🤦🏻‍♀️ نص دوة الناس ؏ ضيء حاله
بعد كم ساعة
افنان وانفال يلعبو مع ادم واحمد صغار مالك♥️
ام محمد : حي نسيت نقالللي وجنبه تاكم القهوة شريته لداليا منن يومها ونسيت نعطيهولها استغفر الله ضروري نمشي نجيبه نراجي ف مكالمه مهمة
سهى : مشكلة مفيش سيارة باش نولو
مالك : اهو اني تو نمشي نجيبهولك وتمشي معاي ملاك هي
ملاك تنهدت وناضت : هي
ام محمد : سامحني ؏ تعبك
مالك : لا عمتي ولو
مشيت مع مالك وني ساكته قرص خشمي وضحك
مالك : شنفي حسستيني عزوز فيها عشرة امراض
اني : بالله خليني ف همي توا يا مالك مش وقت ضحك وزيد عليها الضيء والميه ماه ناقصة هي
مالك : حسستيني وحيدة ف ليبيا يهربو عليك تي الكل زيك احمدي ربك عندك مولد وفسكيه♥️
اني : اي ومحمد يلي مهبلني شن عندي بداله هي
مالك : مش قبل حبيبي ونموت فيه خيره نسيبي زي العسل يناكل ماكله
اني : اي اي اوقف معاه
مالك : هي انزلي نراجي فيك لوطا
اني : اوك
نزلت حوش فتحت باب بالمفتاح وني نسب ونخرط دنيا ظلام ولعت فلاش نقال
وجيت خاشة كنت لابسة كعب رجلي انلوت وطحت
اني : استغفر الله يا ربي ، اااه وخلاص رجليي مشت فيها خلااص
فجاءة ضيء انفتح وجي محمد شدني قعدت نشوف جنبي نلقى دنيا كلها انبايل حمر وورد محمد قامني دخلني غرفة نوم كلها ورد احمر وشمع وني شادة فيه وساكته ومش فاهمه شيء ، قعمزني محمد ف سرير ونحالي كعب
محمد : منن وين رجلك
اني : اااي متمسهاش بقوية توجع فياا
محمد : لوية بسيطة عادي حبيبتي
محمد باس راسي وني حضنته
محمد : اسف لو كنت متعبك باهي معاش تزعلي وتتعفلقي مولية نفسية
اني ضحكت : نحبك هلبااا ربي يحرمنيش منك
محمد : ححي ضحكت واخيرا
محمد شبح للسرير كانن فـ‏Ⴢ̤ قفطان احمر ‏ᘓɹ̇ᓄ فوق عريان ثلاثه ارباع لاصق لونه احمر وجنبه كعب ذهبي واكسسوارات ؏ ذهبي
محمد : البسي وساوي روحك مبين نزلت جبت العشيء وجيتك
اني : حاضر
بعدين نتفكر مالك
اني : حي مالك
محمد ضحك : لا لا مالك معاي ف الخطة روح هو وداليا والعيله كلها
اني : وتخبو علياااا
محمد : هي بدينا ف نكد
اني حذفت الكعب ف محمد
محمد ابتسم : شوية ونجيك
_________
مياس : غريبة يا عيلة الضيء مهربش
ميار : ااسكتءءي
وضيء يهرب
ميار خبطت مياس : تتي كله منك يا فقررر منن قالك تكلمممي
مياس : ماه فقدته بسسس
ام مياس : جدرري منن قالك افقديه
ولعو الكشافات وقعدو جو نص ساعه بعدها اتصل رواد بمياس
رواد : ضيء هرب
مياس : لا لا والله قالو مدام العمارة يسكن فيها رواد مش حنهربوه
رواد ضحك : وتو روحكم نمشو البحر خديتلكم شقة غادي تغيرو جوكم شوية
مياس : شنوو تبصرررر روادددد
رواد : والله غير وتي روحك بسرعة ربع ساعه ونكون عندككم
مياس سكرت وناضت تزغرط : يلا مش بسببي الضيء هرب يلا بسببي بنمشو نقعدو ف شقة مطلة ؏ البحر وووه خشييي يا ناس نحبه رواد هيا بسرعه قال عندكم ربع ساعه ونجيكك
ام مياس : توا تحبيه عادي
ميار : تي نوضيو بسرعهه وتو يلي تقدرو عليه
ناضو كلهم توزعو يوتو ف حوايجهم ودنيا للبحر
______
اني لبست قفطان وساويت شعري وحطيت الاكسسورات ودرت مكياج ونسيت نسكر سريتة قفطان حطيت شعري ؏ الجنب وحاولت نسكرها قدرتش ؏ خشت محمد سكرهالي وحضني بعدين لودني وجي وجهي ف وجهه
محمد : شن هالجمال ، جمالا ولو عيونا ولو شعراتو ولو
اني : حميدتها ولوو
محمد ضحك : ربي يحرمنيش منك هي شني مني نمشو ناكلو هكي
اني : ااي بنموت جوع
مشينا قعمزنا ناكلو ونهدرزو ونضحكو وخشينا غرفة نوممنا
________
عندً مياس وصلو المكان كان يهبل فيه اربعة غرف كل وحدة بحمامها ووسط حوش وجو عشب وبرا البحر ، كانو مقعمزين ؏ الشط ف طاولة ويهدرزو
ام مياس : خير منن هروب الضي بالله
مياس : ااي حاله ، انني بنوض نشحن نقالي وبنرقد
رواد : خليك مازال سهريه بكري
مياس : لا لا معاش قادرة نقاوم
مياس كيف بتنوض جت بنت طالقة شعرها لابسة سروال ممزق وفلينيه نص كف وطاقية بالمقلوب لابستها جت سلمت ؏ رواد
رواد : يا هلا يا هلا
البنت : ساعه ندور فيك رودي قالولي تلقيه ف شط واخيرا لقيتك
مياس طول قعمزت
البنت شبحت لمياس وعيلتها
رواد : ااه نسيت نقوللكم هادي مي صديقتي منن ثانوي وهالمكان لبوها تعرفو عليها حتى هي قاعدة ف الفيلا يلي جنبكم اهني
ام مياس : اهلين بنيتي تشرفنا
ميار : اهلين
رواد : مي هادي خطيبتي وعيلتها
مي ابتسمت : وينها هي
رواد : اهيا القصيرة يلي يادوب باينه ‏ᘓɹ̇ᓄ الطاولة
مياس قلبت عيونها : قصيرة والقصر محليني يا سلمني يا نجيني
رواد شبح لمي : الى جانب انها قصيرة طويلة اللسان ف نفس الوقت
مي : ههه واضححح ، رودي شباب غادي يبوك مدايرين جمعة هيا نمشو
رواد سكت
مي : تي هيا كلهم وين رواددد وين رواد
ام مياس : برا وليدي احني قاعدين اهني
رواد : تمام مش حنتاخر
مشي رواد وخشت مياس الحوش داخل تقربع وتخبط
________
كنت راقده ف حضن محمد لن طق الباب
محمد : خنمشي نفتح
اني : مني
محمد : العيلة مالك جابهم اكيد
اني : اووك
محمد مشي ورجع باس راسي
محمد ابتسم : راضية
اني هزيت براسي ايي
اني : تي نووض الباب افتحهه
مشي محمد يفتح الباب
ام محمد ابتسمتله : شن الامور
محمد : لوز لوزز😂😂😂
سارة : تي شد انفال منني راقده
جت افنان حضنت محمد
محمد : حبيبة بوها
افنان : بابا بنرقد جنبك قيمني
سهى : حبيبة عمتو بابا قايم انفال عيب
افنان : لاا نبيهه يقيمننني
محمد : قيميهالي سهى
سهى قامت افنان واعطتها لمحمد هو جاني ف دار شديت منهه انفال رقدتها
افنان : ماما خيرك لابسة هكي ومدايرة مكياج عندك عرس
انني : مش امكك اني
افنان زعلت ولوت فمها وشبحت لمحمد ودموع ف عيونها
افنان : ماما تبيش تكلمنني زعلانه مني
محمد : لا لا ماما تزعلش منن فنو خنرضوها
محمد جي قعمز جنبي ف سرير وف حجرة افنان
محمد : هي تاسفي فنو
افنان مدت يدها ليا : سامحي هي
اني قعدت نشبحلها بعدين حضنتها وبستها
محمد : تاكدت عندي ثلاثه بنات اني مش اتنين
افنان شبحت للدار لقتها ورد وقعدت تضحك
افنان : بابا داركم زي ف مسلسلات
اني ضحكت
محمد : هي اس اس خلاص نرققدو توا
افنان : بنرقد مع ماما اليوم
افنان حضنتني ومحمد جي يمسح ف راسها شوية بعدها باس راسها وباسني
افنان : بابا نشبح فيك بست ماما عيبب انا بس بوسني
محمد : لمني طالعة انتتي
افنان : لبوي محمد الحلو
اني : طيرتلك جبهتك ههي
_____
رواد : ميار وين امي ومياس
ميار : داخلل اني عجبني جو اهني
رواد : اوك
خش رواد للحوش لقي مياس مقعمزة ف درجيحه وقارنة حواجبها
مياس تدوي مع روحها : مي صارر ااه يا ربي الله يقتلك يا رواد
رواد جي قعمز جنبها وشبح للسمي
رواد : وكان سمعت دعوة غلط توا
مياس : مبردك وجاي بكل وقاحه مقعمز جنبي وتهدرززز
مياس خبطت رواد
رواد :اااي خيرك
مياس : مي صاررر تي اني بنتفجر وسلمت عليك بيدهها وشوف شكلها وتقولي صديقتي
رواد ابتسم : محلاه سنفور غضبان
مياس : مش وقت بصارتككك بكل
رواد : تي انتي عمري وقلبي وكلشيء
مياس : خلاص امالا حتني تو ندير صديق ونسلم عليه باليد ونمشي معاههه
رواد عيط : جررررربييي باش نقتل عمككك
مياس خافت
رواد : حبيبتي متخلينيش نفصل خلينا كويسين مي منن زمان نعرفها وحاضر نوعدك معاش نكلمها ولا نختلط بيها
مياس شبحت لعيون رواد وهو شد وجها : نوعدك
مياس : باهي خلي نروحو حوش نبيش نقعد ف مكان هي فييه والله نقتلها
رواد : خلي يمرو هالليلتين اقل شيء يا مياس باهي حبيبتي وبعدها نروحو ونوعدك اربعه وعشرين ساعه جنبك باهي
مياس : وحتبات اهني معانا
رواد : لا بنبات مع شباب وعدتهم
مياس : الشبابب ولا مي
رواد : بتخليني نكفر را الشباب النهار الاحرف
مياس ابتمست : به
___________
بعد مرور شهرين ♥️
اني حياتي طبيعيه عماد خطب حنان داليا جابت ولد ثالث سماته اياد ومالك كان بيموت ؏ بنت بس الله غالب نصيبات ، ريان تعامل حسين زي صديق مش زوج ابدا وهو مخليها ؏ راحتها لن تتعود وجوها بدي مليح مع باقي العيله وحبوها هلبا ديما معاهم على عكس سندس محبوهاش هلبا سندس مش منن النوعيه الاجتماعيه هلبا تبي وقت باش تاخد ؏ شخص وحسن اغلب وقت مش ف الحوش يطلع معع صحابه يروح اخر الليل مش مدورها بكل
ريان كانت تهدرز مع حياة ويشربو ف نسكافيه
ريان : ااي وبنكلم حسين بنقوله يخليني ننزل تدريب ؏ المستشفى ونكمل
حياة : اي كويس كلميه قطعتي نص المشوار معاش مازال ، خاطري نرجع خدمه
ريان : وارجعي
حياة : ساحبين منني الرخصة منن موضوع قبل تعرفيه
ريان : اسمعي اني تو نكلم ملاك تشوف محمد واكيد يلقولك حل وترجعيً ونبدو نمشوو معبعضناا وووهليا
حياة فرحت : اي اي
ام حسن : اشربي نسكافيه متاعك ريان بدي عصير
ريان ‏: نحسابك راقده
ام حسن ضحكت : لا لا سمعت كل حديثكم مقعمزة ومش راقده وندير ف روحي راقده
جي حسن فتح الباب بالمفتاح
حسن : اوو نسكافيه وجو
ام حسن : قعمز ولدي تو نمشي نصبلك وينها مرتك يلي ضاربها التوحد
ريان : لا لا عمتي اني تو نمشي نصبله
مشت ريان كوجينه
حسن : بنخش حمام
جي حسن لريان قعد واقف ويتامل فيها لن هي تلفتت وشبحاته
حسن : ميءءه
ريان صبتله : تفضل
حسن شرب ميه وحط طاسه وقعد يشبح لريان
ريان : بتقول شيء
حسن : لا لا
وكيف بيمشي حسن
ريان : استنى بنقولك كلام
جت ريان مقابل حسن
ريان : اسمع احني ف حياة جديدة خننسو يلي فات ونفتحو صفحة جديدة واني مرة خوك وانتت خو راجلي
ريان مدت يدها لحسن
حسن سكت شويه
ريان : الوو
حسن سلم عليها
ريان ابتسمت : متفقين سلفيي
طلع حسن ونار تاكل ف قلبه ريان دارت نسكافيه وجاباته
ريان : وينهه
ام حسن : مشعارفه طلع
ريان : ونسكافيه
حياة : ونبي هاتيه تو نشربه اني
نقال ريان شرين كان حسين
ريان : هي سلامات حسين لوطا
طلعت ريان وتفكرت سندس طول ركبتلها طقت باب فتحت سندس
ريان : هي البسي بري معاي لملاك
سندس : لا لا خلي يجي حسن قبل بعدين يرفعني هو منن صبح طلع لتوا مجاش
ريان : كيف توا جي
سندس : شنو جي
ريان : ااء اكيد نزل محل وجايك استنيه اني بنطلع هي سلام
مشت ريان ركبت لحسين
حسين : شنجوك
ريان : كويسه وانت شنجو خدمه
حسين : اهو ماشية
ريان : حسينن بنقولك ؏ شيء
حسين ضحك
ريان : خيرك
حسين : ماه انتتي كيف تنقزي وتقولي حسين♥️😂😂
ريان ابتسمت : نبي نسوق ونكمل باقي القراية عندي تدريب ف مستشفى
حسين : عادي ووين مشكلة
ريان : الله
حسين : غير توا بري لملاك وبعدين نزيدو نتفاهمو فيه الموضوع
ريان : اوكك
مهم حسين وصل ويان وهي جتني سلمنا وخشت غرفتي قعمزنا نهدرزو
اني : تي خيره شكلك هككي تقول مش متزوجهه
ريان : خيرني
اني : تي تزينيله ديري لقطه شن هك
ريان : تي حسين زي صديق
اني : صديق امك افهمي هادا راجلك راجلك راهو حرام يلي تديري فيه ونعرفها معاملته عامليه كويس حسين مفيش زيه وانتتي منن جيتي تقولي حسين دارلي ودارلي معمراش رفضلك طلب شنفيها لو اهتميتي بيه شوية
اني تاففت ونضت شفت انفال تبكي غيرتلها وخدتها منني ام محمد وجيت راجعلة لريان لقيتها سرحانه
ريان : معاك حق ف يلي قلتيه حسين بستاهل كل خير وني يلي نديره غلط
اني : ايوا شاطرة نوضي نوضي نجبدلك شعرك ونديرلك حنة وحاجات حلوة
ريان : اني ندير حنهه هادا ناقص
اني ضحكت: كلنا قلنا هكي بعدين درناها درناها
ريان : تي اني حتى عرسي مدرتش
اني : توا بتديري اسسس عيب حسين
ريان : ربي يسامحك يا ملاك هي ديري يلي تبيه
مهم اني قلبت الحوش لجويل😂😂😂 جبدتلها شعرها وحنيتها ودرتلها مكياج زمالطو كلها م خليتلها شيء
________
عند محمد كان واقف قدام المستشفى دكتورة عبير كيف درست سيارتها بتنزل جو ثلاثه سيارات مسلحة متاع مليشيات درسو جنبها و...
_______
ريان : ااي زي م قتلك سندس مشعارفه خيرها
اني : تو يوم نديرلكم زيارة ونشوف الاوضاع
ريان : اي حيوانهه ومتنسيش تكلمييي محمد ؏ موضوع حياة بالتريسس
اني : ريان غيرناا منن شكلك اسلوبك بنزوقه ولا شن ادوي بحشمه شوية خجل هكي حتى بالكذب
ريان : اااه جو حاضر ابن عمي😂😂😂😂
اني : اس اس ، ااي وخودي قفطاني هادا البسيه وبخي صنة قنينه واعتذري منه ؏ يلي صاير قبل وحسين شكل حنين حينسى يلي فات طول
ريان : وبالك مينساش بعد درت حنهه وووه قريب نقص ايديا ورجليا
شرين نقالي كانت حنان
اني : حنونتتي
وحنان تعيط : محممد محممد
اني : شنفي شنفيي خيره محمد
حنان : ...
واهني اني نقالي طاح كنت واقفة طحت ؏ طولي