هلااووو شلونكم ..يمكن تتفاجئون بارتين باقل من 24 س 😂 يس يس راجعين وبقوه بس اكيد تفاعلكم يزيد حماسنه ويخلينه نكمل القصه باسرع وقت يعني ممكن يكون اكثر من بارت باليوم 😉😆
::::::::::::::::::::::::::::::::::::::::::::::::::::::::::::::::::::::::::::::::::::::::::::::
مؤمل : فرحت بطلب نمارق وهوه رجوعها للخط مالها ومو لان مستثقلها لا
بس حسيت استعادت نفسها انزاح الخوف منها الي مرت بي مو سهل
ومينوصف ولا راح اكدر اعبر عنه بالكلام بس الي مار بهل شي حيفهم نمارق ويحس بالي حست بي
نفذت الي رادته وبقيت كل يوم انطيها جرعه تحفيزيه لحته تبطل خوف نهائيا
نمارق : مرت الايام وبعد 3 ايام الامتحانات واحنه قبل اسبوع كعدنه تعرفون
سوالف الطلاب حته لو ميدرسون اله بليله الامتحان المهم يستغلون الفرص ،،
كلش متونسه بالخط وي صديقاتي تعرفون فتره التجمع هاي لحظات ثمينه
نتشارك بيها المواقف الي صارت خلال الدوام وتعلى الضحكات واللحظات
اللطيفه الي تنتهي بمجرد ما يصعد عمر 😂 ويعم الصمت والهدوء وشويه شويه يبلش الهمس
رغم كل هل شي بس تندمت على حماسي واستعدادي لمواجهه عمر ( هيه تسترجع بذاكرتها لقبل يوم من الدوام بالخط )
مؤمل+ نمارق: السلام عليكم
ام مؤمل: وعليكم السلام
مؤمل: يوم هلكان اغير واصلي وارجع اكل حته اصعد اريح جهزوا بساع
ام مؤمل : صار يوم ،يلا ماما روحي بالعجل بدلي وصلي وانزلي راح احظر
نمارق : اوووك (وهيه تصعد على الدرج) دقايق وتلكوني ناسفه الاكل تعرفون
كلش ما احب الاكل وخصوصا ورايه هواي اشياء اسويها ف احتاج طاقه جااااو نعود بعد الفاصل (وسدت باب الغرفه )
ياااااااي شكد متحمسه وفرحانه راح اشوفه وابدي صفحه جديده وابطل اتعامل ويا ببرود
{نمارق وهيه وعت على كلامها }
لحظه لحظه انتي شدتخربطين شنو فرحانه شنو صفحه شهل كلام الماصخ وراج دراسه عوفي هل خرابيط
بدلت ونزلت ولكيت مؤمل سابقني
مؤمل: يوم من باجر نمارق ترجع للخط
ام مؤمل: ليش
نمارق: ماما اني كلتله اول شي هوه هم عنده اشغاله فوك تعبه اني عليه منا ديجهز لعرسه ودوام وخبصه العمال ويرجع تعبان وبوجهه عليه ينتظرني اطلعله واني خلاص تعودت على الوضع واحس بطلت اخاف وهم وي صديقاتي كلش مشتاقه للمتنه وسوالفنه
ام مؤمل: براحتج حبيبيتي الي يريحج
{خلصو اكل ونمارق غسلت الاماعين ورتبت المطبخ }
نمارق: بمجرد ما مؤمل حجه وي عمر حسيت بطاقه عجيبه لدرجه عندي استعداد انظف البيت كله 😂
اني ما اعرف من وين اجتني هل مشاعر المخربطه تجاه عمر بعد ما جنت
انزعج واتحسس من تصرفاته ومدا اكدر افرزن تصرفاتي واحدد مشاعري شنو
هيه بالضبط وهل شي زاعجني لانو مدا اعرف شنو اريد بالضبط
خلصت ترتيب البيت نظيف على طول احنه بس 3 اشخاص وكبار محد يوصخ وكلش نظاميين الي ياخذ شي يرجعه بمكانه فما حاجه ارتب بالبيت صعدت للغرفه جانت الساعه 2 ونص مجان عندي دروس هواي لانو نهايه كورس ف بدينه بالشفوي ومجرد مراجعه بسيطه لانو مضبطه الدروس باليومي
خلصت كلشي على ال 4 ونص ما عندي شي لل لزمت الفون لل 5 مليت وكلت
اجهز نفسي لثاني يوم حظرت لبسي احلى ما عندي من زي مدرسي وقررت اعتني ببشرتي حته اكون مرتبه اكثر وبشرتي حلوه
وجهزت كلشي من ملابس لحد الاذان صليت ونزلت لحته اشوف شكو ماكو وبصراحه جعت 🙊 تناقشنه على العشاء واتفقنه على pizza وبقيت جوه لحد ما اجه العشه واكلنه وصعدت وبديت بالماسكات وخليت اول ماسك وعطشت نزلت لحته اشرب مي
مؤمل: اعوذ بالله من الشيطان الرجيم ( جان ديحجي مكالمه فيديو وي ملاك )
ملاك: بسم الله الرحمان الرحيم
نمارق : اي سوره حتقرون حته اكمل الي بديتو بي
مؤمل: اني اتعوذ منج شمسويه بنفسج على الاقل كولي احم دستور تجفلين
الواحد ما احس الا وكفتي فوك راسي بهل شكل هذا
نمارق: عزيزي هذا اسمه ماسك هدي نفسي مراح افترسك بعدين شنو رأيك احطلك منه لازم تعتني ببشرتك وراك عرس
مؤمل :امممم شيسوي هذا بله
نمارق: جربه وتعرف النتائج بنفسك
راحت جابتله الماسكات كلهن وحطتله من الي على بشرتها وحجو وي ملاك وجرب كل الماسكات وعجبته النتيجه نعومه ونظاره 😂
حسيت على نفسي ورجعت من صفنتي بعد ما اقتحمتني اسراء
اسراء: لج هلااااااا شلونج
نماارق : وهيه تفتح ايدها حته تحضن اسراء ،هلاواات الحمد لله انتي شلونج مشتاقتلج كومه
اسراء :مو كدي ،طبعا ما اجيت عبطا بس اعرف وقت امتحانات وراح تتعبين والنفسيه تصير تحت الصفر ف كل ما تخملين اكفخج قصدي احفزج
نمارق: ولج فديتج شكد احبج
>♤>♤>♤>♤>♤>♤>♤>♤>♤>♤>♤>♤>♤>♤>♤>
لتنسون التصويت 🌟
ورأيكم شنو حيصير بالبارتات الجايه وشنو الي يدور بال عمر وشنو الي خلا يغير تصرفه وي نمارق بعد مبلشت تنعجب بي او تملكله مشاعر ولو بسيطه
