اليوم هوه يوم السبت {اخر يوم امتحانات الكورس الاول او نصف السنه }
كعدت نمارق على صوت المنبه ب 5 ولكت اسراء سابقتها
حته يراجعن للامتحان
نمارق : صباح الخير ام السوس
اسراء :صباح الفل والياسمين
اليوم المعنويات عال العال واخيرا عطله متحمسه 😂
نمارق : اي والله تعبنه وانتي كل ما رفعت راسي من الكتاب وكلتي امتحان سويتي بيه حاله نفسيه
اسراء : ديلا كومي راجعي وراج امتحان 😂
نمارق :ومستمره 😂
بعد مخلصن مراجعه وجهزن نفسهن ونزلن
بهل يومين ام مؤمل تحسنت شوي
حظرن الريوك وراحت نمارق تصيح مؤمل واسراء تكمل بدالها
نمارق : وهيه تدك الباب
يلا مؤمل ريوك
مؤمل .......😴
نمارق :وهيه تفتح الباب
ياااا هذا شيكعده
مؤؤؤممممممل
سحبت البطانيه منه فتحت الشباك حته يدخل ضوه للغرفه ومستمره تحجي
مؤمل: عوفيني انام الفجر نمت
نمارق : دكوم ب 6 ونص شنو هم متداوم ؟
مؤمل : وهوه يكوم بالعجل لا لا كايم شو وخري عني اكو واحد هيج يكعد البشر
نمارق : اكيد لا
مؤمل : تكول لا وشوف شمسويه
نمارق : همه وينهم البشر مدا اشوف وتلتفت
مؤمل : لا يا حيوانه شقصدج
نمارق : عسل انت شقصدي يعني بس مدام كلت عني حيوانه ف اول شي خطر على بالك اني جنت اقصده جاو وهيه تركض
😂😂😂😂😂
مؤمل : خبله شترجه منج
ام مؤمل : شو تأخر عمر كل يوم ب 7 ونص يجي
اسراء : والله ما ادري خاله صارت 8 اله ربع وهوه ماكو
نمارق : وهيه تتحرك بسرعه يلا ولج اسراء اجه بساع لتاخذين كتب وياج متأخرين ماعدنه وقت نراجع بالمدرسه
بس اقلامج وتعالي بساع
اسراء ونمارق : صباح الخير
،، صباح النور
شو تأخرتو ليش
زهراء: لج ازدحام اليوم مدري شكو
ومثل كل يوم يسولفن لحد ميوصلن للمدرسه بس اليوم جانو شوي متأخرين فمباشرتا دخلو للقاعات
ورا مطلعو من الامتحان بما انو اخر يوم بدن يسلمن على بعض ويودعن بعض
الى ان اجه عمر وراحن صعدن بالخط ينتظرن بنات السادس لان وقتهم اكثر
نمارق :مثل كل يوم يتبادلن بالمواقف داخل القاعات الى ان التفتت لجهه عمر وانتبهت عليه شلون يباوعلي بالمرايه
وحته اليوم منزل بالعاده يعوفهن لحد ميكتمل العدد يلا يصعد
