#خفقة_قلب
الجزء السابع والعشرون
#طلب_العلم
=🤔🤔🤔🤔🤔🤔🤔
-بتفكري في إيه كده عالصبح😁
=وإنتي بتطلعي منين كده عالصبح😳
هو إنتي تختفي تختفي وألاقيكي فجأة قصادي كده😳
-المهم إنك بتلاقيني 😄
إنتي عارفة مشاغل الحياة😉
قوليلي بأى كنتي سرحانة في إيه😁
=حاجة شاغلة بالي بقالها فترة وهي إزاي يكون عندي علم كتير 🤔
إزاي لما حد يسألني سؤال أعرف أجاوب على طول،
هل المفروض إني أجيب الكتب اللي بتتكلم عن الدين وأحفظها،
ولا أروح لحد يعلمني 🤔
ولا أعمل إيه بالضبط😑
-الموضوع يتوّه فعلا 🤔
بس عشان تطلعي من الحيرة والتوهان ده لازم تفهمي الأول يعني إيه يكون عندك علم👌
=معناه أكيد إنه يكون عندي معلومات كتير هي دي محتاجة كلام يعني😏
-لا يا حبيبتي الموضوع مش إنك يكون عندك معلومات كتير وخلاص😊
لازم المعلومة إللي تعرفيها تطبقيها وإلا العلم إللي هيكون عندك ده هيكون سبب في دخولك النار 😊
=إيه😳😳😳😳
لا براحة كده وواحدة واحدة فهميني الكلام إللي بتقوليه ده😳
-بصي يا ستي 😁
العلم الشرعي فايدته إن الإنسان يعرف يعبد ربنا صح عشان ينقذ نفسه من النار ثم يدعو بيه غيره ويوصل إللي إتعلمه للناس 😉
فمعنى العلم الشرعي
إن المعلومة إللي نسمعها نطبقها،
عرفتي مثلا إن أحب الأعمال إلى الله الصلاة على وقتها يبأى مفيش حاجة اسمها أأخر الصلاة عن وقتها 👌
عرفتي إن من صلى لله إثنتا عشرة ركعة من دون الفريضة بنى الله له بيتا في الجنة،
يبأى مفيش حاجة إسمها إن سنة تضيع مني،
عرفتي إن ربنا بيقولنا في القرآن :
"قل لعبادي يقولوا التي هي أحسن يبأى لسانك مينطقش بكلمة غلط وتدوري على أحسن كلام وتقوليه👌
=استني استني ✋✋إنتي جبتي الكلام ده منين 🤨
-القاعدة بتاعتنا بتقول إيه 😁
منسمعش كلام حد إلا بدليل من القرآن والسنة بفهم الصحابة وتطبيقهم😉
خلينا نجيب الدليل 😊
قالَ رَسُولُ الله صلى الله عليه وسلم:
":لاَ تَزُولُ قَدَمَا عَبْدٍ يَوْمَ القِيَامَةِ حَتّى يُسْأَلَ عن أربع منها:
عن عِلْمِهِ ما عمِل به"
يعني ربنا هيسألك عملتي إيه بالعلم إللي إتعلمتيه هل طبقتيه ولا لأ ،
فالعلم هو حجة لكِ أو عليكِ
=بس إنتي كده خوفتيني 😳
هو انا هعرف أعمل كل حاجة أعرفها ،
خلاص يبأى بلاش أعرف😤
-هو إنتي يابنتي معندكيش وسط خالص 😑
يا حبيبتي إنتي بشر يعني ليكي حدود وطاقة،
لما تتعلمي المعلومة وتجاهدي نفسك بجد إنك تعمليها يبأى إنتي كده حققتي المطلوب👌
وربنا لا يكلفنا فوق طاقتنا😉
لكن بأى ميكونش همك كله إنك تجمعي في معلومات وشهادات وحياتك العملية صفر أو بتطبقي إللي على هواكِ وسايبة الباقي😑
وغير كده كمان إنتي مفكرة إنك تتعلمي العلم الشرعي ده حاجة إختيارية 😏
إنتي لو متعلمتيش مش هتعرفي تعبدي ربنا صح
عشان كده رسول الله صلى الله عليه وسلم قال:
" طَلَبُ العِلْمِ فَرِيْضَةٌ عَلَىْ كُلِّ مُسْلِمٍ"😉
=ياااه😲ده الواحد كان فاهم غلط خالص🤦♀️
طيب ده كان أولا إيه هو ثانيا🤔
-ثانيا إزاي يكون عندي المعلومات بأى إللي هعبد بيها ربنا😊
=ايوااااا إزاي😍
-قولي إنتي بأى😂😂😂
=😑😑😑😑😑
-خلاص خلاص متزعليش نفسك هقولك🤣🤣
أصل كل العلوم الشرعية هو القرآن والسنة😊
القرآن هو المنهج أو الكتالوج إللي هنمشي بيه في حياتنا والسنة هي إللي بتفسر القرآن ورسول الله صلى الله عليه وسلم قال :
" ألا إني أوتيت القرآن ومثله معه"
=إيه ده يعني السنة دي مش حاجات رسول الله صلى الله عليه وسلم هو إللي اجتهد فيها وشرحها لنا🤔
-لا يا حبيبتي رسول الله صلى الله عليه وسلم مش بينطق بأي كلمة متعلقة بالدين إلا بوحي من عند ربنا😊
يعني لما تسمعي إن رسول الله صلى الله عليه وسلم كان بيصلي سنن معينة أو شاف حد بيعمل حاجة وأقره عليها فمش معنى كده إن ده إجتهاده،
لا ده وحي من عند ربنا 😊
بس ربنا قال عن الفرض إنه فرض وعن السنة إنها سنة،
يعني القرآن والسنة الإتنين وحي من عند ربنا 👌
=😳😳😳😳😳😳😳
-أيوة بالضبط👌
معنى كده إن كل لحظة في حياة رسول الله صلى الله عليه وسلم هي وحي وإحنا لازم نتبعه في كل حاجة كان بيعملها سواء رجال أو نساء😊
ولو عرفتي إزاي كانت حياته يبأى إنتي عرفتي الدين👌
=طيب وانا اعرف حياته إزاي🤔
-النت مليان بكتب ومحاضرات عن السيرة وكل واحد هتلاقيه بيتكلم في السيرة من زاوية مختلفة 😉
في إللي بيحكيلك السيرة على إنها مجرد حكاية وأحداث،
وفي إللي بيقول الحدث أو الحكاية ويحللها،
يعني ليه رسول الله صلى الله عليه وسلم قال كذا وعمل كذا في موقف معين واختلف كلامه وفعله في موقف مشابه بس في وقت مختلف،
فإنتي محتاجة تعرفي الإتنين السيرة كحكاية وبرده تحليل المواقف،
لو عرفتيها معرفة جيدة مع تعلمك لقراءة القرآن بالتجويد فإنتي بكده جمعتي الفقه والعقيدة وتزكية النفس والتاريخ ✌😊
=كل ده من السيرة😳
-أينعم لأن كل العلوم مصدرها القرآن والسنة ولو أتقنتي المصدر فكل الفروع سهلة بعد كده😁
=بس كده الموضوع هياخد وقت والست كل ما تشوفني تكلمني وتسألني وانا مكسوفة ومش عارفة اقولها إيه😭😭
-إيه ده.... إيه ده ....ست مين يا بنتي وبتسألك في إيه😳
=أه صحيح ده أنا مقلتلكيش🤦♀️
بصي كلمة في سرك🤫
الست جارتنا كل ما تشوفني تشتكيلي من بنتها وأنا بصراحة مش عارفة أنصحها بإيه فكان من أسباب إني عايزة اتعلم العلم الشرعي إني أساعد الناس إللي متعرفش دي وأنصحهم عشان بيصعبوا علي😭
-بقولك إيه قومي روحي دلوأتي ولينا قاعدة تانية تحكيلي فيها عن الست جارتك وبنتها دي يمكن نعرف نحل الموضوع مع بعض😉
=طيب ماشي سلام😊
#Eman_shalapy
