فتيات على عهد الالتزام 💚🌷

قصة قصيرة

#قصه_قصيره
" الصديق الصالح "
مريم : عبير يلا بسرعة نضفي البيت لأن اصحابي جايين دلوقتي انتي عارفه أن فرحي بكره .
عبير : حاضر يامريم هعمل كل الي انتي عايزاه متخافيش ...الف مبروك يامريم ربنا يتمم عليكي بالخير ياحبيبتي .
بعد عدة دقائق ....."صوت جرس يرن"
مريم : افتحي يا عبير دول اكيد اصحابي .
ندي : عروستنا الحلوة الف مبروك ياقلبي .
مريم : الله يبارك فيكي ياروحي عقبالك وعقبالكو كلكو يابنات .
ندي : ورينا فستانك يا مريم مع اني متأكدة أنه هيبقي جميل جدا انا عارفه زوقك .
مريم : هاتي الفستان يا عبير .
عبير : حاضر .
ندي : الفستان يجنن يا مريم بجد جميل جدا هتبقي قمر يوم فرحك ياروحي .
مريم : عبير انتي اكيد هتيجي فرحي لازم تلبسي فستان جميل ومناسب اقولك تعالي معايا كده
....ها ايه رأيك في الفستان دا هيبقي روعة عليكي .

عبير : لا طبعا مش هينفعني يا مريم انتي عارفه اني محجبة مش هينفع البسه وبعدين احمد وبابا كانو يقتلوني لو عرفو اني ممكن البس حاجه زي كده .
مريم : خطيبك دا معقد اوي .
مريم :طيب كده مش هينفعك اي حاجه من عندي خلاص ابقي انزلي انتي هاتي الي انتي عايزاه .
* العروسة لبست فستانها وبقت زي القمر واصحابها لبسو فساتين جميلة وقصيرة طبعا شكلهم جميل جداااااا*
"عبير : ليه انا مقدرش البس زيهم ليه انا لازم البس هدوم طويلة البس طرحة واخبي شعري ليه "
بعد الفرح.....
عبير : بابا انا قررت اقلع الحجاب ودا قراري خلاص مش هرجع فيه عايزة احس أن زيي زي بقيت البنات والبس زيهم .
والدها: ايه بتقولي ايه انتي اتجننتي انتي لو عملتي كده لا انتي بنتي ولا اعرفك .
احمد : ازاي فكرتي في كده يا عبير انتي عارفه انتي بتعملي ايه انتي بتدمري حياتك انتي عملتي كده للاسف مش هقدر أكمل معاكي .
عبير : دا قراري ومش هرجع فيه خلاص .
* عبير سابت أهلها وخطيبها سابها وهيه اختارت أن تعيش لوحدها عشان تحس بحريتها وتحس أن هيه بنت وتلبس الي هيه عايزاه وسابت الناس الي كانت بتشتغل عندهم وبدأت حياة جديدة في مكان جديد ودراسة في مكان جديد*
"عبير كانت بتتدرس في كلية هندسة واشتغلت في مطعم عشان تصرف علي نفسها وكليتها "
عبير : رحمة ازيك انا عبير انا شوفتك في الكلية امبارح بس مصدقتش أن جارتي تبقي معايا في الكلية لأن وانا مليش اصحاب كتير هنا ومعرفش ناس كتير هنا .
* رحمة بنت جميلة ومحجبة ومتدينه وأخلاقها جميلة جدا *
رحمة : اهلا بيكي يا عبير يشرفني طبعا اني اتعرفت عليكي .
بعد شهرين...
* عبير ورحمة بقو اصحاب مقربين جدا *
رحمة : بصي يا عبير انتي عارفه اني بحبك زي اختي والله فانا مقدرش اشوف اختي بتبعد عن ربها ومش محجبة وأسيبها كده وانا اسفة لو كان كلامي يدايقك .
عبير : لا يا رحمة كلامك مدايقنيش انا كنت محجبة علفكرة .
رحمة : طيب ايه الي حصل .
عبير : انا هحكيلك علي كل حاجه .....
رحمة : غلط يا عبير غلط الي عملتيه دا ازاي تقلعي الحجاب الحجاب دا عفة وصون للمرأة المسلمة بصي انا مش هسيبك الا لما تتحجبي إن شاء الله ربنا يهديكي .
عبير : إن شاء الله .
بعد عدة أيام ورحمة بتكلم عبير كل يوم عن أهمية الحجاب وان هو عفة للمرأة وانه بيحفظها وبيقربها لربها والأهم أنه فرض في الاسلام .
* عبير اقتنعت بالحجاب وحست إن هيه غلطت جامد لما قلعت الحجاب وان الحجاب دا بيقرب المرأة المسلمة من ربها وبيشجعها علي التمسك الاخلاق الحميدة والسلوكيات الحسنة + أنه عفة وصون للمرأة المسلمة وتقدر من خلال حجابها إن تجبر الشباب علي غض بصرهم عنها وتبقي دايما محتشمة  *
" عبير لبست الخمار وحست بجمال الاحتشام والقرب من الله عز وجل"
عبير : بابا انا رجعت انا عارفه انك زعلان مني جامد بس انا عارفه اني غلطت بس الحمدلله انا اقتنعت إن الحجاب هوه اهم حاجه في حياة المرأة المسلمة انا دلوقتي بقيت احسن كتير من الاول وطبعا ربنا مش هيرضي عندي الا لما انت ترضي عني يابابا .
والدها : انا راضي عنك ياحبيبتي بس مش كل واحدة مش مقتنعة بالحجاب تسيب أهلها وبيتها وتمشي دا غلط الاحسن تفضلي مع أهلك تتشاوري معاهم ويقنعوكي بأهمية الحجاب مش تسيبيهم وتمشي .
عبير : انا عارفه اني غلطت في دي كمان انا اسفة يا بابا متزعلش مني ....... بس متعرفش حاجه عن أحمد ..
والدها : احمد اتجوز يا عبير اتجوز بنت محجبة جميلة جدا وأخلاقها جميلة.
عبير: ربنا يسعده معاها .
* الصديق الصالح هوه الي يرشدك للصواب مش للخطأ حاولي يا وردتي تختاري صاحبتك الي تشدك معاها لطريق الجنة .....
#فريق_فتيات_علي_عهد_الالتزام
#روان_حسام