#الزي_الشرعي
الجزء الاخير
ليان : مرام.... مراام..... ميرو...... مرااااااااام.
مرام : نعم نعم نعم في اي؟
ليان : انزلي اشتريلي الحاجة دي من السوبر ماركت اللي تحت.
مرام : لأ.
ليان : ليه كدا بس.
مرام : هو كدا.
ليان : مرام هديكي فلوس.
مرام : برضو لأ.
ليان : تب مش هحكيلك عن بقيت الزي الشرعي.
مرام : نعم يختي انتي بتهزري صح؟
ليان : تؤ تؤ.
مرام : هاتي خلاص هنزل بس هاخد الفلوس.
ليان : مادية حقيرة.
مرام : بتقولي حاجه.
ليان : ابدا يلا تروحي وترجعي بالسلامة ي ميرو.
ذهبت مرام وبعد عودتها
مرام : ليلو.... لي لي خدي حجاتك اهي ويلا عشان تحكيلي.
ليان : اوك هنبدأ.... انتي مركزة.
مرام : كلي آذان صاغية ي أختاه.
ليان : تمام بصي ي ستي الحاجة اللي كنت عايزة اقولهالك و احكيلك عنها هو النقاب.
مرام : بس دا مش فرض يا ليلو يعني مش لازم البسوصح؟
ليان : ايوا هو مش فرض بس الحكايه مش حكايه فرض ولا سنه الحكايه ان دا ارضاء لله سبحانه وتعالى انتي كدا بتتشبهي بأمهات المؤمنين اللي هما زوجات الرسول صل الله عليه وسلم فهماني.
مرام : ايوا يعني انا لما البس النقاب هكون كدا شبه أمهات المؤمنين....
تب انتي احكيلي انتي كان اي احساسك اول مره لبستي فيها النقاب؟
ليان : احساسي وقتها كنت حاسة اني ملكة ماشيه محدش يقدر يبص عليا محدش يقدر يتكلم معايا كلمه واحده تعرفي اني كنت بتكسف اكل لبان في الشارع قبل ما البسو دلوقتي بعرف اكل لبان في كل حته ومحدش اصلا بيعرف😂😂
بتحسي انك مميزه في نفسك بنات كتيرة نفسهم يلبسوا زيك بس مش عندهم ارادة مش عندهم نفس التقوى اللي تخليكي تلبسي كدا وديما خلي بالك من الكلمتين دول" اذا صلح القلب صلح المظهر".
يعني متجيش واحده وتقولك عارفه البنت اللي بشعرها دي ممكن تكون احسن مليون مره من المنتقبة اللي هناك دي اياكي تصدقي وقوليلها لأ ي حجة دا جهل ديني يماما.....
مرام : تب يا ليلو اي مميزات النقاب احكيلي عنه اكتر.
ليان : حاضر انتي وانتي لابسه النقاب اولا بتبقي حسه بستر رهيب ان انتي مخفيه عن عيون الناس كأنك جوهرة ثمينه لا يحق لأحد أن يراها الا حلالك تبقى ماشيه في الشارع ولما تلاقي مجموعه من الشباب واقفين بتعدي بكل ثقه لأنك عارفه ان محدش فيهم له الجرأه انو يكلمك ولا انك بتفتني حد فيهم ولما تروحي في اي مكان هتلاقي البنات اللي هناك بيقولولك انهم نفسهم يلبسوا زيك بجد احساس عظيم انك تكوني قدوه حسنة للبنات اللي حواليكي
مرام : بس بيقولوا ان اللي بتلبس النقاب دي معقدة و بتبقي متشددة جدا
ليان : طبعا غلط اللي سمعتي منه الكلام كان هدفه تسويئ سمعة النقاب بين الناس ودا من الجهل اللي وصلناله اللي بتلبس النقاب دي معقده ولا متشددة ولا اي حاجة من الكلام الرجعي دا بالعكس بتبقي ارواحهم خفيفة ونص كلامهم هزار بس في المحدود ومع المحارم بس هو انتي طبعا هتلاقي في ناس تسألك اسئله رخمة زي انتي لبستيه ليه وكدا.
مرام : ايوا وقتها اعمل ايه بقى يا ليلو؟
ليان : هديكي الوصفه السرية ليهم وهي انك تردي عليهم بكل برود وبطريقة تخليهم يخرسوا بس طبعا في نطاق الأدب ي ميرو.
مرام : بصي بقا انا حبيت النقاب اوي و هلبسو ان شاء الله مش انتي قولتيلي هننزل نشتري هدوم انا بإذن الله لما انزل هشتري هدوم زيك.
ليان : بجد ي ميرو فرحتيني جدا مش قادره اوصفلك كم السعادة اللي انا فيه.
ثم اردفت بمرح : تعالي في حضن اخوك يفوااااااااز 😂
مرام بنفس الطريقة : بالحضن يخوياااااااااا 😂
(ذهبت ليان ومرام ليشتروا ملابس مرام وذهبت مرام الي دروسها بالنقاب ومثلما توقعت لاقت انتقادات كثيره ولكن وجدت أيضا تشجيعا كبيراً وهذا ما ساعدها في اكمال دربها).
ليان : ها ي ميرو اي احساسك
مرام : احساس عظيم (فأنا فتاه على عهد الإلتزام يا اخوتي).
#فريق_فتيات_علي_عهد_الالتزام
#الحالمه_بالفردوس🌹
كده خلصت ي قمرات رأيكوا 😁❤
أنت تقرأ
فتيات على عهد الالتزام 💚🌷
Randomالكتاب عبارة عن أحكام دينية علي هيئة رواية او اسكريبت وقصص قصيره ورسايل فرحه وشعار كل يوم وطبعا الحاجات دي بتكون من كتابتنا احنا 6 بنات بنحاول نجمع الاحكام ونشرحها بطريقه سهلة ومسلية الكتابات مفيش مشكلة ان حد ياخدها وينشرها في أماكن تانيه بس يكون عل...
